Поурочное планирование по аварскому языку "Имя прилагательное". 6 класс.

Аварский язык (авар мац1). 6 класс.

Дата проведения: 10.03.2022.

Учительница ЧОУ СШ «Возрождение» г. Махачкалы

Алилмагомедова Патимат Расуловна.

Тема урока (дарсил тема):

Прилагательное.

Цели (мурадал):

• Прилагательноялъул грамматикияб гIаламатал  ракIалде  щвезаризе;

• прилагательное лъугьунеб куц баян гьабизе: тексталда прилагательное ратизе;

• суффиксазул кумекалдалъун прилагательниял лъугьинаризе;

• хасалихълъиялъул хIакъалъулъ бицине, гьелъие кколел гIаламатал загьир гьабизе        

УМК (алатал):

Таблицаби,

Суратал тIабигIаталъул,

Карточкаби,

Тестал.

Т1ахьал,

Ход урока (Дарсил ин).

1. Организационный момент (Дарсиде х1адурлъи).

Доскаялда къо, моц1 хъвала, ц1алул ва хъвавул алатал лъималазухъ ругищали хал гьабила.

1. Проверка домашнего задания (Рокъобе х1алт1и ц1ехей)

Рокъобе кьураб х1алт1и хал гьабизе.

1. Актуализация знаний. Повторение (такрар гьаби)

— Хириял лъимал! Жакъа буго нилъер рагьараб дарс. Дарсида гIахьаллъи гьабулеб буго тIаде рачIарал гьалбаз. Аби буго гьобол вачIунареб къо бачIунгегиян. Гьобол гIемерасул гIумру берцинаб бук1унилан абула.

 Нилъеца гьел киналгоял къабул гьарула. Жакъасеб дарсил тема ккола нилъер каламалъул бутIа прилагательноялда тIасан такрар гьабиялъул дарс.

Нилъеца дарсида хал гьабила кинаб даражаялда нилъеда гьеб лъалебали.

Дарсида нилъеца жакъа  прилагательноялъул грамматикиял г1аламатал  чIезарила ва мисалал рачун бихьизабила.

Работа по карточкам.

(3-го  цIалдохъанасухъе карточкаби кьела)

— Лъица бицинеб кинаб каламалъул бутIа кколеб прилагательное?

— Щиб гьелъ бихьизабулеб?

— Кинал суалазе жаваблъун бачIунеб?

Баян гьаби:

БитIун буго, лъимал. Прилагательноялъ загьир гьабула предметалъул хасият сипат. Кинаб? Кинав? Кинай? Кинал? абурал суалазе жаваблъунги бачIуна.

-РачIа, лъимал, гьал прилагательноязе данде кколел предметиял цIарал ратизе.

ХIеренай , цебесеб , гIагараб , меседилаб , гьуинаб, инсулаб, чармилаб, тIагIамаб.

Гьал прилагательноял жинсгун формаялъулъ кинаб каламалъул бутIагун рекъон ккун бугеб?

(Карточкаби ракIарила)

1. Работа по теме урока. (Ц1ияб тема малъи).

Выборочный диктант (тIасабищул диктант).

— Прилагательноял ратIа росун хъвай.

.

Гiат1идаб ва бечедаб ВIатан буго нилъер. Нилъер гьайбатаб ВатIаналда руго чIахIиял рохьал, рорхатал мугIрул. МугIруздасан чвахулел руго хехал гIорал. Гьенир рижула тIагIамал пихъал. Рорхатал мугIрузда кванала гIиял. Гьез нилъее кьола кьарияб гьан, беэнаб хIан, тамахаб квас, гьуинаб рахь. РакI пана гьабула нилъер ВатIаналъул тIабигIаталъ.

— Лъимал, тексталда гIемерлъул формаялда ругел прилагательноял рате.

(ЧIахIиял рохьал, рорхатал мугIрул, хехал гIорал, тIагIамал пихъал).

— Лъимал, цолъул формаялда ругел прилагательноял рате.

(ГIатIидаб, бечедаб, гьайбатаб, кьарияб, беэнаб, тамахаб, гьуинаб)

— Лъимал, щиб жо кколеб ВатIан?

(ВатIан буго щивав чи гIураб ва вижараб бакI)

— Нужер ВатIан щиб кколеб?

(Нижер ВатIан ккола Хунзахж, Х1ороколо, ЦIобокь, Урма, Миякьо, Дагъистан, Россия)

— РачIа лъимал нилъеца гьаб кIиябго предметияб цIаралъе данде кколел прилагательноял хъвазин.

Эбел –

хIеренай, хIалимай йокьулей, разияй, берцинай, хирияй, гIагарай, гурхIулей.

ВатIан –

гIагараб, кIудияб, хирияб, берцинаб, бокьулеб, гьайбатаб, бечедаб, чIухIараб.

— Лъимал, эбелги ВатIанги ккола инсанасе бищунго гIагарал рагIаби. Гьел рагIабазе ургъарал прилагательноял цоцада релълъарал руго. Гьелъул магIна ккола эбел йокьуларесе ВатIанги бокьуларилан. Эбел цIуни ккола ВатIан цIуни, ялъуни ВатIан цIуни ккола эбел цIуни.

 — Придумайте предложения со словами мама, Родина: (Предложениял гIуцIе гьал рагIабигун: эбел, ВатIан).

Хирияб ВатIан цIунизе ккола нилъеца.

Дие гIумру кьурай гIадан ккола эбел

— Кинал кицаби лъалел нужеда? (лъалел кицаби рицуна)

Творчествияб халтIи.

— ТIанкIазул бакIалда прилагательноял лъезе, хал гьабизе тексталъулъ ккараб хиса-басиялда).

… роол къоял лъугIана. ТIаде щвана … хасалихълъи. Хасалихъе къоял къокълъула. ГIадамаз … ретIел ретIуна. Милъиршаби … улкабазде унел нухда ратила. ГъутIбуздаса  ... , … , … тIанхал гъунел руго. РагIа- ракьан гьечIел гIатIилъабаздасан … гьури пулеб буго. ГIадамаз жидерго ахикьа … бачIин бакIарулеб буго.

— Кинаб хиса-баси ккараб тексталда жаниб предметияб цIаргун прилагательное лъураб мехалъ?

(МагIнаялъул рахъалъ текст цIубана. ПасихIлъи бачIана.Текст берцинлъана).

— БIитун буго, лъимал, шагIирзабаз ва хъвадарухъабаз жидерго асарал хъвазе хIалтизарула эпитетал-прилагательноял.

— Гьаб тексталда лъагIалил кинаб заманалъул бищунеб бугеб?

— Хасалихълъиялъул моцIаллъун кинал моцIал колел?

— Кинаб хиса-баси кколеб тIабигIаталъул?

(Ц1алдохъабазул жавабал).

— БитIун буго, лъимал. Масалалъи босани, хасалихълъи бищунго берцинаб заман ккола. Гьелда меседилабилан абула. Щай гурелъудал хасалихълъи ккола кьучIдасанго тIабигIаталъул сурат хисизабулеб лъагIалил заман. Дагьал церегIанцин руччун гIурччинго тIанхазул цIун рукIарал гъутIби тIаса тIанхалги гъенон, янгъизго, бесдаллъун хутулел руго. Сверухълъиялъул хал гьабураб мехалъ, месед гIодоб хьвараб гIадин, ракьго цIун буго гIажаибал тIанхаз. Аби буго, лъимал, хасалихъе ясал берцинлъулилан.

ГIалхул хIайваналги хасалоялде хIадурлъула хасалихълъиялъул моцIазда. Гьел жидерго рукIназухъ рахчула. Гьез жидеего нахърател гьабула, гIадамазго гIадин.

NB! Физкультминутка!!! (Зарядка гьаби).

— Изобразите повадки лесных жителей, называя по-аварски этих животных

Цо г1анк1, к1иго ци, лъабго царкьу,

Ункъо бац1, щуго гъалбац1, анлъго болъон,

анкьго цер, микьго г1ужрукъ, ич1го пил,

анц1го рит1уч1.

1. Закрепление изученного материала. Выполнение упражнений. (Х1алт1аби т1урай).

— Лъимал, гьоркьоса къотIичIого гьабизин дарс.

Хасалихълъиялде рахъарал кинал кучIдул лъалел нужеда?

(«Хасалихълъи» - Р.Хамзатов. «Осень» - Ираклий, «Унылая пора» - А.С. Пушкин)

— ГIурус поэтазул лъие бищунго бокьулеб букIараб хасалихълъи?

(Пушкиние).

Фонетикияб разбор.

Гьарзаяб - 3сл, уд. 2сл, рагь. гь [а], [а], [йа]

Рагьукъ - гь [гь] , [р] ,[у] , [к] 7х 8гь.

— Прилагательноял падежазде кин сверулел.

(Прилагательноял падежазде сверуларо)

.

— Сверула предметияб цIаралъул бакIалда хIалтIизабулаго.

Предметияб цIаргун цадахъ -ая, -яб,- себ,- суффиксазул кумекалдалъун. РагIаби журан.

Работа по учебнику.

ХIалти 1 гьум 66

ХIалти 4 гьум 67 

— Гьал прилагательноязе синонимал ратизе ккола. Кинал рагIабазде синонимал абулеб?

ВатIан – улка.

Бечедаб – гьарзаяб, гIемераб.

Гьайбатаб – берцинаб.

БагIарарал – бухIарал.

ЦIорораб – квачараб.

— Гьал прилагательноязе антонимал ратизе ккола. Антонимал кинал рагIаби кколел?

Къоял – сардал.

Хинал – квачарал.

Бечедаб – мискинаб.

КIудияб – гьитIинаб.

Рорхатал – тIуцал, лъухъал.

Хехал – хIинцал.

Кьарияб – азараб.

Гьуинаб – цIекIаб.

Словарияб х1алт1и.

— РичIчIуларел рагIабазе баян кье.

ГIидра – луговой цветок

Гьарзаяб – щедрый

Кьин – зима

ГIатIилъаби – просторы

ТIуцаб – низкий

Работа по учебнику.

ХIалти 7 гьум. 60.

ХIалтIи цIализе.

«Мини сочинение»

«Хасалихъе ахикь»

1. Подведение итогов урока. (Х1асил гьаби).

— Хириял, лъимал, художникас краскабазул кумекалдалъун жидерго сурат къачIалеб гIадин, къачIана нужеца прилагательноялъул кумекалдалъун нужерго хIалтIаби.

Прилагательноял рукIинчIелани нилъер калам гьадинаб пасихIаб, берцинаб букIинароан.

VII. Рефлексия.

 Домашнее задание

— Гьит1инаб текс г1уц1и ррилагательноялги гъорлъе рачун.

10