Гүлдер әлеміне саяхат

Бекітемін: Г.Бакирова

Тақырыбы:Гүлдер әлеміне саяхат

Мақсаты: гүлдер туралы түсінік беру.

БМ: тыңдаған шығарма мазмұнын айтып беруге үйрету: раушан гүлімен және оның қасиеттерімен таныстыру.

ДМ: бейнелі ойлауын, зейінін, қиялын дамыту.

ТМ: эстетика сезімдерін тәрбиелеу.

 ″Тілек шоғы″ жылулық шеңбері            

     Мұғалім ғажайып гүлдер қалашығына саяхат жасайтынын хабарлап, балаларға әдемі раушан гүлдерін үлестіріп береді. Балалар гүлдің жұпар иісі, түсі, құрылысы (сабағы, күлтешелері) туралы әңгімелейді.

    ″Тілек шоғы″ жылулық шеңбері мұғалім қолындағы гүлді жанында тұрған балаға есімін атап, жылы сөз айтып ұсынады. Бала педагогтың ұсынған гүлін өзінің гүлімен бірге тілек айта отырып, келесі балаға береді. Балалар кезекпен гүлді жылы сөз айтып, бір-біріне береді. Гүлдер көбейіп ″тілек шоғы″ болып, мұғалімнің өзіне оралады.

″Кімде-кім жақсылық жасап, жылы тілек білдірсе, ол өзіне қайта ″тілек шоғы″ болып оралады″.

      Жұмбақ

     Адамдардың бәрі қызығады, ұстай берсең сәні бұзылады.

(Гүл)

     Гүлдердің түрлеріне қарай жұмбақтар ұсынуға болады. Мұғалім балаларға бақша, бөлме гүлдерін көрсетеді. Олардың аттарын айтып таныстырады.

″Раушан″ шығыс ертегісі. Оқу. Талдау

Сиқырлы айналу ″Мен раушан гүлімін″

Балалар гүлдерге айналып, ″Раушан гүл биін″ әдемі әуенге сүйене орындайды немесе үнтаспадан құстардың дауыстары жазылған әуен қолданылады. Би соңында балалар  өздерін қалай сезінгені туралы ойларымен бөліседі.

Қорытынды

″Раушан гүлі – барлық гүлдердің патшасы, сұлулық пен махаббат белгісі″. Раушан гүлін жақын адамарға: анаға, әжеге, әкегә, әпке-қарындастарға, достарға сыйлайды. Гүлдер өздерінің әдемілігімен әрқайсымыздың жүрегімізде таза, мөлдір сезімдерді оятады, бірақ та олар табиғаттағы барлық тірі жандар секілді адамнан өзіне деген ерекше көңіл бөлуді, қорғауды талап етеді.

     Серігу сәті

Шаршағанда ырғалып,   (балалар орындарынан тұрып, жаймен тербеліп тұрады)

Гүлге ұқсап дем алам              (отырады)

Қанатымды бір қағып    (қолдарын жоғары көтереді)

Гүлдей болып жайқалам (қолдарын жоғары көтереді)

 Топтық жұмыс

Гүлдер туралы 5 жолды өлең

Гүлдерді сипаттау

Суретін салу

″Біз не білдік?″

•     Раушан гүлі – гүлдердің патшасы, сұлулық пен махаббат белгісі.

•     Гүлдер – бізге қуаныш сыйлайды.