Informatika 3nji synp

Dersi. Informatikanyň esaslary Synpy: III,, ” Senesi:

Sapagyň temasy. Meseleler paneliniň elementleri.

Sapagyň maksady: 1.Bilim berijilik maksady: Okuwçylara meseleler paneliniň elementleri barada düşünje bermek. Papkalar bilen işlemegi öwretmek.

2.Terbiýeçilik maksady: Meseleler paneliniň elementleri barada düşünje bermek arkaly okuwçylarda informatika dersine höwes döretmek. Okuwçylary watançylyk, zähmetsöýerlik, beýik adamkärçilik ruhynda terbiýelemek.

Sapagyň görnüşi: Täze maglumatlary öwretmek sapagy.

Sapakda ulanylýan okuw-görkezme esbaplar, sanly serişdeler, paýlama maglumatlar: kompýuter, barlagnamalar, reňkli suratlar.

Sapagyň gidişi:

1. Sapagyň guramaçylyk döwri:

1. Gatnaşygy hasaba almak.

2. Okuwçylaryň sapaga taýýarlygyny barlamak.

3. Okuwçylaryň ünsüni sapaga gönükdirmek.

4. Syýasy wakalar bilen tanyşdyrmak.

2. Öý işiniň ýerine ýetirilişini barlamak:

Geçilenleri gaýtalamak

3.Geçilen temany jemlemek:

Geçilen temany jemlemek we täze temany düşündirmäge girişmek.

4.Täze temany düşündirmek.

Temany düşündirmegiň meýilnamasy:

1. Okuwçylara meseleler paneliniň elementleri barada düşünje bermek.

2. Howpsuzlyk düzgünlerini berjaý etmek.

3. Kompýuterde işlemäge girişmek.

Meseleler paneliniň elementleri

Iş stolunyň aşagynda meseleler paneli ýerleşen.Meseleler paneli – bu iş stolunyň aşaky böleginde ýerleşen gök zolak.Meseleler paneli özünde gerekli programmalary ýerleşdirmek üçin niýetlenen. Ol birnäçe böleklerden ybarat. Çepde esasy menýunyň, ýolbelediň (Проводник) we Proigrywateliň nyşanlary ýerleşen. Sagynda ýerleşen Senä we wagta basylanda, senäni we wagty üýtgedip bolýan penjire peýda bolýar.

Meseleler paneliniň sag bölegi ýene-de öz içine dil panelini, antiwirusyň nyşanyny, toruň nyşanyny, Sene we Wagt, sesi sazlaýjynyň nyşanyny alýar.

Esasy menýunyň kömegi bilen Kalkulýator programmasyny işe goýberiň we goýberilen programmanyň işini tamamlaň. Esasy menýunyň gözleg setirinde adyny ýazmak

arkaly ekran klawiaturasy programmasyny tapyp işe goýberiň we goýberilen programmanyň işini tamamlaň.

1-nji ýumuş. Sesi sazlaýjy paneli tapyň.

Temany öwrenmek bilen okuwçylar bilmeli:

– kompýuterde işläniňde näme üçin howpsuzlyk tehnikasynyň düzgünlerini berjaý etmelidigini

– kompýuter otagynda haýsy düzgüni birinji ýerine ýetirmelidigini

– näme üçin göz maşklaryny ýerine ýetirmelidigini

Temany öwrenmek bilen okuwçylar başarmaly:

– kompýuterde papkalary döretmegi

– kompýuter ulanylanda howpsuzlyk düzgünlerini berjaý etmegi

– maglumatlary işläp taýýarlamagy

5. Täze temany berkitmek:

1. Meseleler paneli diýmek näme?

2. Meseleler paneliniň çep böleginde näme ýerleşen?

3. Meseleler paneliniň sag böleginde näme ýerleşen?

4. Klawiatura täze dili girizmek barada gürrüň beriň

6. Öý işini tabşyrmak:

Sah 61-63. ,,Meseleler paneliniň elementleri” diýen temany öwrenmek.

7. Sapagy jemlemek we okuwçylaryň bilimlerini bahalandyrmak.

Soraglara takyk, dogry jogap beren, sapaga işjeň gatnaşan okuwçylar atlandyryp, olary bahalandyrmak. Bahalary synp žurnalyna, gündeliklere goýmak.

Ýazan mugallym: ___________________________

Bellik:________________________________________________________________

Barlan: Müdiriň okuw işleri baradaky orunbasary ________________