Информация о школе

Муниципальное казенное общеобразовательное учреждение «Сунтарская специальная (коррекционная) общеобразовательная школа-интернат». Муниципального района «Сунтарский улус (район)»

«Сунтаардааҕы анал (коррекционнай) уопсай үөрэхтээһин оскуола-интэринээтэ» муниципальнай уопсай үөрэхтээһин хааһына тэрилтэтэ. «Сунтаар улууһа (оройуона)» муниципальнай оройуон 

678290, РС(Я), Сунтарский улус, с. Сунтар, ул. Октябрьская 187, тел: 23-3-92, 22 – 7 -66,факс 23-3-92, e/mail:sskochi@mail.ru ОКПО 52502314, ОГРН 1031401090984, ИНН/КПП 1424005413/142401001

Тэрилтэ туһунан иһитиннэрии

1.Тэрилтэ толору аата

Муниципальнай уопсай үөрэхтээһин хааһына тэрилтэтэ «Сунтаардааҕы анал (коррекционнай) уопсай үөрэхтээһин оскуола-интэринээтэ»

2.Салайааччы толору аата

Оскуола салайааччыта-Игнатьева Анисия Семеновна Россия Федерациятын үөрэҕириитин бочуоттаах үлэһитэ, Саха Өрөспүүбүлукэтин үөрэҕириитин туйгуна, Сунтаар улууһун бочуоттаах олохтооҕо

3.Тэрилтэ ситиһиилэрэ, ордук ханнык хайысхаҕа үлэлээбитэ, тэрилтэ дэвииһэ

“Үлэ – үөрүү, үлэ – дьол, үлэ – үүнэр, сайдар суол”, диэн санаанан оскуола коллектива үлэни улаханнык өрө тутар. Ол курдук 2014 сылга 2 этээстээх 12 квартиралаах уопсай дьиэни көтүрэн аҕалан спортивнай зал туттубуттара. 2015 сыллаахха үөрэх министиэристибэтэ, улуус дьаһалтата үбүлээн саҥа таас интернат дьиэтигэр киирбиттэрэ. 2022 сылга туус хоһун бэйэлэрин күүстэринэн тутан олоххо киллэрбиттэрэ. 2013 сыллаахха “Дьиэ кэргэн – иитэр кыһа” диэн норуот педагогикатыгар аналлаах түмэл тэриллибитэ. Бу теманан педагогическай ааҕыылары ыытан, 2022 Дьиэ кэргэн сылын түмүктээн кинигэ хомуйан таһаарылынна.

2008 сылтан оскуолаҕа телерадиостудия тэриллэн үлэлиир. Араас республиканскай, российскай конкурстарга кыттан ситиһии элбэх. Кылаан кыайыыларына “Потомки победителей” диэн оҕолорго уонна эдэр ыччакка 2021 сыллаахха ыытыллыбыт Бүтүн Россиятааҕы кинофестивальга “Саллаат уола Чооруона” уус уран киинэлэрэ үһүс Бочуоттаах миэстэҕэ тиксибитэ буолар.

“Кластерная модель допрофессионального развития обучающихся, с особыми образовательными потребностями” теманан үлэлээн элбэх социальнай партнердары кытта бииргэлэһэн үөрэнээччилэргэ араас идэни билиһиннэрэн, миэстэтигэр үлэлээн көрөн сатабыллара, өйдөбүллэрэ кэҥииригэр киэҥ хардыы оҥоһуллубута. Ол кэмнэргэ “Колыбель добра, радости, успешного развития” кинигэ күн сирин көрбүтэ.

2021 сылтан “Классный класс – рабочий класс” диэн теманы таба тайанан олус ситиһиилээхтик олоххо киллэрэ сылдьаллар. Алта компетенциянан кабинеттары тэрийэн: иистэнэр, уһанар мастерскойдары таһынан, ас астыыр, сувенир оҥорор сыахтар, парикмахерскай уонна слесарнай мастесркой. төрдүс сылын бу хайысхаларынан Бүлүү бөлөх улуустарыгар “Классный класс – рабочий класс” конкурс ыытан доруобуйларыгар, сайдыыларыгар кэһиллиилээх оҕолор сайдалларыгар эбии кыах биэрэн киэҥ сэҥээриини, махталы ыллылар.

Быйыл Улуустааҕы Алыптаах мааска күрэххэ Кылаан кыайыылааҕа «Бастын радиоспектакль” буолары ситистилэр.

Улууска сылын ахсын “Дьоллоох оҕо саас” фестиваль, “Күүстээхтэр, түргэттэр, сымсалар” спарткиада ыытан үгүс доруобуйаларыгар хааччахтаах оҕолору түмэн сайдалларыгар, ситиһиилэнэллэригэр кыах биэрэллэр.

Оскуола ураты үлэтинэн “Биһиги бииргэбит” проегы олоххо киллэрии буолар. Манна остуораһыттан дириэктэргэ тиийэ бука бары бииргэ түмсэн оскуола араас хабааннаах тэрээһиннэригэр көхтөөж кытталлар.

Республикатаа5ы педагогическай дьаарбанка чэрчитинэн ыытыллыбыт бырайыак көмүскээһинигэр «Создания ресурсного центра социально-психологической и  педагогической поддержки детей с ограниченными возможностями здоровья» ситиһиилээхтик кыттан «За лучшее перспективное предложение» номинация ылбыттара.

2024 сылтан оскуола иьинэн Ресурснай киин “Росток” үлэлиир. Киин специалистара дефектолог, логопед, психолог, медицинскэй үлэһит оҕолору көрөллөр, диагностикалыыллар, төрөппүттэргэ, педүлэһиттэргэ сүбэ-ама биэрэллэр.

Педагог эр-дьон оруолун уонна статуһун, профессиональнай маастарыстыбаларын үрдэтии уонна уоппуттарын үллэстии сыаллаах быйыл муус устарга улуустааҕы “В наших силах-воспитывать патриотов” семинар-практикум тэрийэн ыытта. Семинарга барыта 63 педагог эр-дьон кыттыыны ылла.

Кэлэктиип таһарыылаах үлэтэ “За претворение общественно-значимых инициатив” диэн улуус баһылыгын Махтал суругунан 2016 сыллаахха наҕараадаламмыта

2014 уонна 2022 сылларга коллектив айымньылаах үлэтэ “Золотой фонд кадров Родины” энциклопедияҕа “Лидеры профессии” диэн сырдатыллыбыта. 2016 сыллаахха “100 лучших предприятий и организазаций России” конкурска кыайан “Лучшая коррекционная школа России” үрдүк ааты ылбыта.

Оскуола кэлэктиибэ үтүө санаанан салайтаран үөрэнээччилэрин өркөн өйдөрүнэн, сатабыллаах үлэлэринэн иитэллэр, үөрэтэллэр, сайыннараллар.