Классный час на тему "Нан"

Дәрисниң мавзуси: Нандин улуқ таам йоқ

Дәрисниң мәхсити: Оқуғучиларға хасийәтлик таам екәнлигини чүшәндүрүш, нанни улуқлашқа, қәдирләшкә үгитиш, әмгәк қилишқа тәрбийәләш.

Көрнәклик қураллар: нан тоғрисида йезилған плакатлар, кроссворд, нанниң сүрити, буғдайниң өсиватқини, буғдай, нан, көмүқонақ, ун.

Дәрисниң бериши

І Уюштуруш

ІІ Йеңи мавзу

Киришмә сөз

Саламәтмусиләр меһманлар, оқуғучилар. Бүгүнки синиптин ташқири дәрисимиз «Нандин улуқ таам йоқ» дәп атилиду.

Нанни улуқлаш

«Нан-иман, нан бу һаят», «Нан бир жайдиму нахшиму болиду»-дәйду биздә. Дуниядики хилму-хил таамларниң нанға йетидиған түри йоқ. У өзиниң ләззити, тоюмлуқлуғи, көңүлгә тәгмәслиги билән, һәммә таамлардин пәриқ қилип туриду. Нан тамақлиништа бебаһа мәһсулаттур. Балиларға нанниң қанчилик қийинчилиқлар билән жозиға келишини ейтиш.

Нанлар

Уйғур хәлиқ нанлирини тонурда, қазанда, тавида, қасқанда кейинки вақитларда электр яки газ печьлирида пишириду. Уларниң ичидә әң есили тонур ненидур. Хәлқимиз һаятиниң асасий кепили болған нанни наһайити улуқлайду. Биздә нанларниң түрлири нурғун.

1 Чоң нан

2 Ақ нан

3 Гирдә нан

4 Том гирдә

5 Қазан нан

6 Гөш нан

7 Пияз нан вә башқилар

Непиз нан

У қәғәз нандәк, амма униң нирвиги болмайду. Непиз нан секиләк билән ясилиду. Бу нанни қаймаққа миләп йәйду.

Басма нан

Басма нанниң оттуриси ишарә бармақниң изини бесип яслайду. Чаккуч урулмайду. У әң асан вә чапсан нан ясаш усулидин пайдилинидиған нан болуп һесаплиниду.

Күз пәсли

М.Жәлилов

Күз пәсли келип йеңи аш пишти

Комбайнер жигит етизға чүшти

Мажанға данға

Хаманлар толди

Қуюп еп саңға

Дехан хуш болди

Әр әмгәк тени беғишлар шатлиқ

Чүнки ақ нени һәсәлдәк татлиқ

Тонурниң нени

Абдулһәй Рози

Аппақ булуттәк титрәп турсиму

Қолда заводниң есил нанлири

Дәстихиниңни безәп турсиму

Гүлдәк хилму-хил түрлүк намлири

Тонурниң нени дегән башқичә

Апқурға бесип, чилап қойисән

Иштиһа билән ялмап тойисән

Әң болмиғанда бир пурап қойисән

Тонурниң нени шуңа башқичә

Уни яслиған қоллар сени дәр

Чокушниң излири сияданлар

Һалал әмгәктин-жуттин аққан тәр

Нан һәққидә мақаллар

1.Нан болса –нахшиму болиду

2.Нансиз тирикчилик йоқ

3.Нан бар йәрдә бәрикәт бар

4.Нандин улуқ таам йоқтур

5.Нанниң иссиғи яхши гәпниң пишиғи

6. Нан қойнумда, ишт кәйнимдә

7.Нан иман

8. Нан йемәсниң ишиға бақ

9.Нан әслидә жан

10.Нан қәдрини ач биләр

11.Буғдай нениң болмиса буғдай сөзүң йоқмеди

12.Буғдай болса, түгмән йезилар

Тепишмақларниң жаваплирини тепиңлар

1.Качатлисаң үзидин қар яғиду көзидин /әгләк/

2.Суда әмәс һода пишиду

Көкси қарни болса түрүлгән

Турқи мушқа охшаш түрлгән /манта/

3.Диң диң қулақ диң қулақ

Ойнар йери шох қулақ /чөшүрә/

4.Бешиңни тиқсаң дозақ, тойдурар қосақ /тонур/

5.Теши аламәт, ичи қиямәт /тонур/

6.Бир угида миң бир тухум /буғдай/

7.Пака там үстидин қар йеғипту /әлгәк, ун/

8.Төрт путлуқ бизниң жутлуқ /жоза/

9.Жумулатсам жени йоқ

Боғузлисам қени йоқ /хемир/

Әнди кроссворд йешәйли

1.Буғдайни немә билән оруйду?

2.Төрт лап лап, әгир саплап

Икки диң диң бир шип шип

3. Таам түри

4.Унни қәйәрдә чиқириду?

5.Йәрни немә билән чанайду?

6.Мантидин һеч пәрқи йоқ

Пәқәт майға салиду

Қени ким тапиду?

7.Нан қәйәрдә пишиду?

8.Һәммидин улуқ таам

9.Дәми шерин шекәр бал

Тилни йерип туриду

Өзи сериқ, созуқ баш

Тепиңлара у немидур?

1.Комбайн

2.Төгә

3.Самса

4.Түгмән

5.Соқа

6.Хошаң

7.Тонур

8.Нан

9.Қоғун

Шуниң билән бүгүн «Нандин улуқ таам йоқ» мавзусиға беғишланған синиптин ташқири дәрисимиз аяқлашти. Диққитиңларға рәхмәт.