Көрікті көктем кереметі

Ортаңғы «Шаңырақ» тобындағы

ұйымдастырылған оқу қызметінің конспектісі.

Өткізу күні:

Тәрбиеші: Ахатова А.Қ

Білім беру саласы: «Таным»

Пән:»Жаратылыстану»

Өтпелі тақырып:

Тақырыбы: "Көктем"
Мақсаты:

Тәрбиелік: Табиғатты сүйе білуге, аялауға, қорғай білуге, әсемдікті көре білуге, сезінуге тәрбиелеу.

Дамытушылық:Сөйлеу тілдерін жетілдіру, сөздік қорларын дамыту. 

Оқыту: Табиғат құбылыстарының сұлулығын сезіну. Бұл жыл мезгілінің ерекшелігін бақылату.

Педагогикалық технологиялар: Ойын,жеке тұлғаға бағытталған технологиялар

Ресурстармен қамтамасыз ету: Көктем, орман бейнелерінің суреті

Влингвалдық компонент: көктем-весна-sprinq, жаңбыр-дождь-rain, жапырақ-лист-liave. (жапырағын жайды-распустил свою листву)

Ұйымдастырылған оқу қызметінің барысы:

1.Ұйымдастырушылық кезеңі:

Шаттық шеңбері:

«Достық» шеңбері

Көктем, көктем, көктемде

Құстар келіп жеткенде

Қуанып бір қаламыз

Әнмен қарсы аламыз.

Жұмбақ жасырады:

Ақ қар еріп, су көбейіп,

Сай – салаға толады.

Ағаш басы, бүршік шашып,

Гүл бәйшешек толады.

Бұл қай кезде болады?

- Осы өлеңде не туралы айтылған?
- Көктем мезгілінде неше ай бар?
- Көктемде күн қандай болады?
- Енді айналаға, далаға қараңдаршы қандай болып жатыр?

2. Негізгі бөлімі:

Әңгіме

Несіпбек Айтов «Көктем» өлеңін айтып орманға барайық.

Қаусыратып қар боранды,

Көктем қайтып оралды.

Таулар тастап ақ тонын,

Сарқырады бұлақтар,

Құлпырды сай-қыраттар.

Сағым ойнап, көзді алып,

Жақын тартты жырақтар.

Көрсең енді қояндар,

Көкшіл түске боянды.

Аюлар мен аралар,

Ұйқысынан оянды.

-Көктем мезгіліндегі үлкен мерекені атайықшы?

Дидактикалық ойын: «Артығын тап».

Шарты: Әрбір балаға карточкалар ұсынады. Карточкадағы суреттен артық суретті тауып, мағынасын түсіндіруін ұсынады.

Дидактикалық ойын: «Жыл ағашы» ойынын ойнауға шақырады.

Сергіту сәті:

Аппақ болып таң атты,

Түтін тікке ұшады,

Қарлығаштар қанатын

Самғап-самғап ұшады.

Қасиетті құс деп санаған.

Влингвалдық компонент: көктем-весна-sprinq, жаңбыр-дождь-rain, жапырақ-лист-liave. (жапырағын жайды-распустил свою листву)

Тақпақтар айтуды ұсынады.

Көктем келді бүгін,

Күнім төкті нұрын,

Сайрап барлық құстар,

Ән салуға құштар.

Түрлі-түсті әйбат,

Гүлдер шықты жайнап,

Қызыл-жасыл аймақ.

Қырға шықты ойнап.

Дидактикалық ойын: «Бұл не?»

Шарты: Балаларға гүлдің қиындылары бар суреттерді таратады, сол қиындылардан толық бір гүл құрастыруды ұсынады.

Дидактикалық ойын: «Жыл мезгілдері»

Шарты: төрт жыл мезгіліне тән ерекшеліктерді тауып қоюды айтады.

Дидактикалық ойын: «Төртінші артық»

Шарты: Суретті карточкаларды таратып ішінен не артық екенін табуды ұсынады. Мысалы: құмырсқа, ара, көбелек, қоян (мұнда қоян артық, өйткені ол аң)

Дидактикалық ойын: «Жақсы-жаман»

Шарты: Көктем мезгілінің жағымды, жағымсыз қасиеттерін айтуды, жағымды

қасиеттерін қызыл текшемен, жағымсыз қасиеттерін көк текшемен белгілеуді ұсынады.

Саусақ жаттығуын ұсынады.

«Жук»

Я веселый Майский жук.

Знаю все сады вокруг,

Над лужайками кружу,

А зовут меня Жу-жу…

(А.Береснев)

3.Қорытынды

-Біз қай мезгіл туралы айттық?

-Көктем мезгілінің қандай ерекшеліктері бар екен?

-«Көктем» өлеңін қайталайық.

Егер көңіл-күйлерің көтерілген болса, құстар сияқты ұшамыз, ал көңіл-күйлерің болмай тұрса, онда ұшпаймыз.

Белсенділік көрсетіп отырған балаларды, мақтап-мадақтау.

«Қостанай қаласы әкімдігінің

Қостанай қаласы әкімдігінің білім бөлімінің

№ 11 бөбекжай - бақшасы» мемлекеттік

коммуналдық қазыналық кәсіпорыны

Білім беру саласы: «Таным»

Пән: Жаратылыстану»

Тақырыбы: "Көктем"

Тәрбиеші: Ахатова А.Қ

Қостанай ,2020ж.