Кыргый хайваннар

Тема : « Кыргый хайваннар»

Максат: Кыргый хайван атамалары белән танышу

Планлаштырылган нәтиҗә:

1. Кыргый хайван атамаларын татарча әйтә белү

2. Кыргый хайваннарның файдасы һәм зарары турында мәгълүмат туплау

3. Хайваннарга игътибарлы мөнәсәбәт туплау.

Яңа лексика: Аю, керпе, тиен, куян, бүре, төлке

Җиһазлар: дәреслек, интерактив такта, компьютер, аудиодиск, төсле карточкалар, төсле карандашлар, хайван уенчыклары.

Дәрес барышы:

1.Оештыру

Укытучы укучылар белән исәнләшә, хәлләр сораша.

-Исәнмесез, балалар.

-Исәнмесез.

Хәлләр ничек?

-Бик шәп, рәхмәт.

-Дәресне “ Сәлам” җыры белән башлап җибәрәбез( балалар җырлыйлар) 1-20

Балалар , безгә бүген бик күп кунаклар килгән. Әйдәгез, без аларны үзебез белән таныштырып китик.

-укучылар, без үткән дәрестә нәрсәләр өйрәндек? Нинди сүзләр өйрәндек? “Оркестор” уены. ( “сыер , сарык, кәҗә, ат, сыер, песи, эт һ.б ” кебек сүз һәм гыйбәрәләр барысы да кабатланып чыгарга тиеш.) Укытучы рәсем күрсәтә, ә укучылар чылбыр буенча тиешле сүзне тиз-тиз әйтергә тиеш. Җавап бирергә авырсынган укучы чылбырдан төшеп кала һәм индивидуаль рәвештә җавап бирә, калган укучылар булыша ала.

2.Проблема кую:

- укучылар, бу нәрсә? (урман)

- ул безгә нәрсәгә кирәк?

Анда нәрсәләр яши?

3.Яңа дәрес материалы өстендә эш

1. Бүгенге дәрестә без урманда яшәүче хайваннар турында өйрәнәбез

Дәреслек белән эш. 133-134 битләр.

Бу нәрсә?

Ул нинди?

2.Аудиоязма белән эш. “Тыңла һәм кабатла” Укучылар дәреслектән рәсемнәрне карыйлар һәм кабатлап баралар.

4. Физкультминутка .”Ел фасыллары ” җыры 13-7-4.3

5. Алган белемнәрне ныгыту.

“Рәсем белән эш”. Флешкарталар белән эш.

“Сорау бир” уены

• Аю кайда яши?

• Аю урманда яшиме?

• Аю фермада яшиме?

• Аю зурмы?

• Аю кечкенәме?

• Аю нинди төстә?

• Аю нәрсә ярата?

Кроссворд чишү. Эш дәфтәрләрендә эш.14. 6-5.3

Бәяләү. Укытучы, укучыларга сораулар биреп, бүгенге дәрестәге эшне бәяләргә куша. Сораулар татарча да, русча да яңгырый. Укучылар, әлбәттә, русча җавап бирә алалар. - Дәрестәге эшегезгә нинди бәя куярсыз?

- Кем нәрсә эшли алмады?

- Сез үзегезне нәрсә өчен мактый аласыз?

- Сыйныфташларыгызны нәрсә өчен мактый аласыз?

- Сезнеңчә, дәрестә кем башкалардан яхшырак эшләде?

V. Йомгаклау. Рефлексия

- Бер-берегезне мактагыз. Укучылар белән саубуллаша һәм уңышлар тели.