Рабочая программа по мокшанскому языку 7 класс

Пояснительнай запискась

Кяльсь – инь эрявикс и пяк кунардонь общественнай явления. Сонь вельденза ломаттне фкя – фкянь мархта корхнихть, азондсазь мяльснон – арьсемаснон, шарьхкодихть фкя – фкянь. Кяльсь ванфтсы и пачфтьсы сянь, мезе ульсь народть эряфса, вельденза азондови сонь ётаф киц. Фкявок ши аф эрявихть ломаттне апак корхтак.

Мокшень кяльсь – мокшетнень шачема кяльсна, кона ётась касомань и вииямань пяк кувака кигя. И тяни сон мокшэрзянь народть национальнай литературнай кялензон эзда фкясь. Мокшень кяльсь школаса кода тонафнемань предмет занци оцю эрявикс васта, сонь оцю тонафнемань и цебярь потмовиень касфтомань смузец.

Школаса родной кяльсь тонафневи сянкса, штоба анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.

Мокшень кяльсь – мокшетнень шачема кяльсна, кона ётась касомань и вииямань пяк кувака кигя. И тяни сон мокшэрзянь народть национальнай литературнай кялензон эзда фкясь. Мокшень кяльсь школаса кода тонафнемань предмет занци оцю эрявикс васта, сонь оцю тонафнемань и цебярь потмовиень касфтомань смузец.

Школаса родной кяльсь тонафневи сянкса, штоба анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.

Предметть вастоц МБОУ «Рыбкинскяй СОШ-нь» тонафнемань планть эса

Программась тиф мокшень кялень 5-11-це классненди программатнень коряс. МБОУ «Рыбкинскяй СОШ-нь» тонафнемань планть коряс мокшень кяльть тонафнеманцты максови

7-це класса- 34 частт.

Шабатненди эряви сатомс тяфтама результатт:

Личностнайхть:

-шарьхкодемс мокшень кяльть вастонц эряфса, фкя-фкянь ёткса корхтамста;

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;

- содамс иттненди народоньконь эряфста: мокшетнень эряма койснон, унксснон;

Метапредметнайхть:

- шарьхкодевиста марямс кайги мокшень кяльть;

- маштомс покодема валкснень мархта;

- маштомс кочкама информация разнай источникста;

- маштомс корхтама мокшень кяльса.

Предметнайхть:

- содамс глаголть смузенц и грамматикань признаконзон: пингонь, лицань и лувксонь коряс полафнеманц, глаголть аф определеннай форманц, сонь суффиксонзон, глаголть валъюрхтонзон, глаголть видонзон, переходнай и аф переходнай глаголхнень, глаголхнень спряженияснон, глаголть наклонениянзон, глаголхнень лия корхтама пяльксста и глаголста тиевомаснон, причастиять глаголонь и прилагательнаень признаконзон., афкуксонь и страдательнай причастиятнень, деепричастиять глаголонь и наречиянь признаконзон, наречиять кода корхтама пяльксонь смузенц, грамматикань признаконц и валрисьмоса роленц., валмельгаксть кода служебнай корхтама пяльксть смузенц и синтаксисонь роленц, простой и составной союснень, частицать функциянзон, междометиятнень смузьснон;

- маштомс глаголть валъюрхтонц мума; ламонь – кърдань видонь глаголонь тиема и корхтамста синь тевс сувафнема; переходнай и аф переходнай глаголхнень смузень коряс фкя-фкянь эзда явома и корхтамаса тевс ноляма; формань коряс глаголть наклонениянц, пингонц, лицанц, лувксонц и спряжениянц содама, а станя жа глаголть эрявикс формас путома и видеста сёрмадома; лия корхтама пяльксста и глаголста суффикс вельде глаголонь тиема; суффикс вельде тиф и парнай сложнай глаголхнень видеста сёрмадома; причастиятнень вельде предметонь признаконь азомма, деепричастия вельде лицань или инфинитивонь формаса глаголонь действиянди характеристикань максома; наречия вельде действиятненди характеристикань максома.

Сисемце классонь покодемань программась кочкаф, нежедемок мокшень кялень программать лангс, конань аноклазь 5-11 классненди М.А. Келин и Т.И. Ломакинась. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2001 кизоня. Программась арьсеф 34 ч лангс (1 част недяляти). Оцю мяль шарфневи цебярьста корхтамати. Тянкса нолдаф 7 класса 9 ч.

Тонафнихненди эряви максомс сатомшка содамоши родной кялень морфологияста, орфографияста, синтаксисста и стилистикаста; пачфтемс марнек эряфса кяльть асувонц колга, сяда тов касоманц и виияманц и масторлангонь лия кяльхнень ёткса сонь вастонц колга. Шачема кяльть лезксонц вельде, сонь лангозонза нежедезь, эряви касфтомс иттнень логическяй мяльснон – арьсемаснон, ёжемарязь морафтомань и корхтамань маштомошиснон. Максомс сёрмадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь – алянь кяльть.

Ня тефне оцюфт и аф тёждят. Синь цебярьста пяшкодевихть аньцек эста, мзярда тонафнемань тевти сувафтовихть цебярь метотт и технологият.

Мокшень кяльсь дисциплинать потмоц.

Котоце класса тонафнефть лятфтамац

Существительнайхне. Существительнайхнень фкя и лама лувкссна, падежга полафнемасна. Существительнайхнень колма склонениясна.

Прилагательнайсь. Качественнай и относительнай прилагательнайхне. Качественнай прилагательнайхнень кирьфтамань – ляпошинь и качествань кирьфтай суффиксна.

Числительнайсь. Смузень и составонь коряс яислительнайхнень явомасна. Числительнайхнень падежга полафнемасна.

Местоимениясь. Местоимениять разрядонза. Местоимениятнень падежга полафнемасна.

Морфологиясь. Орфографиясь. Глаголсь. Цебярьста корхтамась.

Глаголть смузец и грамматикань признаконза: пингонь, лицань и лувксонь коряс полафнемац. Валрисьмоса глаголть ролец.

Глаголть аф определеннай формац. Глаголть аф определеннай формань суффиксонза.

Глаголть валъюрхтонза. Гласнай и согласнай валхъюрхттне. Афкуксонь, полатф и кирьфтаф валъюрхттне.

Глаголть видонза: тифтень – кърдань и ламонь – кърдань. Ламонь – кърдань видонь глаголхнень тиевомасна и сёрмадомасна.

Переходнай и аф переходнай глаголхне. Синь смузьсна и фкя-фкянь эзда явомасна.

Глаголхнень спряжениясна. Глаголхнень аф объектнай и объектнай спряжениясна. Переходностень смузть мархта глаголхнень аф объектнай и объектнай спряженияснон соткссна. Смузень и формань коряс аф объектнай и объектнай спряжениятнень явомасна.

Глаголть наклонениянза: изъявительнай, кошардомань, серьгядемань, сослагательнай, условнай, условно – сослагательнай, желательнай.

Изъявительнай наклонениясь, сонь смузец. Изъявительнай наклоненияса глаголть аф объектнай и объектнай спряжениянь форманза. Изъявительнай наклоненияса глаголть пингонза: тяниень, сай, ётай. Отрицания мархта изъявительнай наклоненияса глаголть форманза, синь азомасна и сёрмадомасна.

Кошардомань наклонениясь, сонь смузец. Кошардомань наклоненияса аф объектнай и объектнай спряжениянь форматне. Кошардомань наклоненияса глаголть валъюрхтонц и петь сёрмадомасна. Кошардомань ляпопти частицатне. Отрицания мархта кошардомань наклоненияса глаголть форманза, синь азомасна и сёрмадомасна.

Сослагательнай наклонениясь, сонь смузец. Сослагательнай наклонениянь форматнень тиевомасна и сёрмадомасна. Отрицания мархта сослагательнай наклоненияса глаголть форманза, синь азомасна и сёрмадомасна.

Фкя наклонениянь формаса глаголхнень лия наклонениянь смузьса молемасна.

Глаголхнень лия корхтама пяльксста и глаголста тиевомасна. Парнай сложнай глаголхнень тиевомасна и сёрмадомасна. Суффикс вельде тиф глаголхнень сёрмадомасна.

Мезе эряви содамс и маштомс тонафнихненди:

Содамс:

• Глаголть смузенц и грамматикань признаконзон: пингонь, лицань и лувксонь коряс полафнеманц. Валрисьмоса глаголть роленц.

• Глаголть аф определеннай форманц, сонь суффиксонзон.

• Глаголть валъюрхтонзон. Гласнай и согласнай валхъюрхттнень. Афкуксонь, полатф и кирьфтаф валъюрхттнень.

• Глаголть видонзон: тифтень – кърдань и ламонь – кърдань.

• Переходнай и аф переходнай глаголхнень.

• Глаголхнень спряженияснон.

• Глаголть наклонениянзон: изъявительнай, кошардомань, серьгядемань, сослагательнай, условнай, условно – сослагательнай, желательнай.

• Изъявительнай наклонениять, сонь смузенц. Изъявительнай наклоненияса глаголть аф объектнай и объектнай спряжениянь форманзон.

• Кошардомань наклонениять, сонь смузенц.

• Сослагательнай наклонениять, сонь смузенц. Сослагательнай наклонениянь форматнень тиевомаснон и сёрмадомаснон. Отрицания мархта сослагательнай наклоненияса глаголть форманзон.

• Фкя наклонениянь формаса глаголхнень лия наклонениянь смузьса молемаснон.

• Глаголхнень лия корхтама пяльксста и глаголста тиевомаснон.

Маштомс:

• глаголть валъюрхтонц мума;

• ламонь – кърдань видонь глаголонь тиема и корхтамста синь тевс сувафнема;

• переходнай и аф переходнай глаголхнень смузень коряс фкя-фкянь эзда явома и корхтамаса тевс ноляма;

• формань коряс глаголть наклонениянц, пингонц, лицанц, лувксонц и спряжениянц содама, а станя жа глаголть эрявикс формас путома и видеста сёрмадома;

• изъявительнай наклонениянь тяниень пингонь 1-це и 2-це лицаса лама лувксса глаголонь петнень видеста азома и сёрмадома;

• кошардомань наклонениянь смузьса сослагательнай наклоненияса глаголонь и –мс суффикс мархта инфинитивонь формать тевс ноляма;

• лия корхтама пяльксста и глаголста суффикс вельде глаголонь тиема;

• суффикс вельде тиф и парнай сложнай глаголхнень видеста сёрмадома.

Причастиясь

Причастиять шарьхкодемац. Причастиять глаголонь и прилагательнаень признаконза. Валрисьмоса причастиять определениякс и сказуемайкс молемац.

Афкуксонь и страдательнай причастиятне. Тяниень и ётай пингонь афкуксонь и страдательнай причастиятне.

Причастиятнень тиевомасна и сёрмадомасна.

Апак отрицания мархта причастиятне, синь тиевомасна и сёрмадомасна.

Причастиятнень существительнаень смузьса и рольса молемасна.

Мезе эряви содамс и маштомс тонафнихненди:

Содамс:

• Причастиять глаголонь и прилагательнаень признаконзон. Валрисьмоса причастиять определениякс и сказуемайкс молеманц.

• Афкуксонь и страдательнай причастиятнень. Тяниень и ётай пингонь афкуксонь и страдательнай причастиятнень.

• Причастиятнень тиевомаснон и сёрмадомаснон.

• Апак отрицания мархта причастиятне, синь тиевомаснон и сёрмадомаснон.

• Причастиятнень существительнаень смузьса и рольса молемаснон.

Маштомс:

• причастиятнень вельде предметонь признаконь азома;

• смузень и синтаксисонь ролень коряс изъявительнай наклоненияса тяниень пингонь глаголхнень тяниень пингонь афкуксонь причастиятнень эзда явома;

• отрицанияфтома и отрицания мархта причастиятнень видеста сёрмадома.

Деепричастиясь

Деепричастиять шарьхкодемац. Деепричастиять глаголонь и наречиянь признаконза. Деепричастиять валрисьмоса ролец.

Деепричастиятнень тиевомасна и сёрмадомасна. Корхтамаса лиезь лиемс типонь валзюлмотне.

Апак отрицания мархта деепричастиятне, синь тиевомасна и сёрмадомасна. Тяка отрицаниять мархта причастиятнень эзда синь явомасна.

Мезе эряви содамс и маштомс тонафнихненди:

Содамс:

• Деепричастиять глаголонь и наречиянь признаконзон. Деепричастиять валрисьмоса роленц.

• Деепричастиятнень тиевомаснон и сёрмадомаснон. Корхтамаса лиезь лиемс типонь валзюлмотнень.

• Апак отрицания мархта деепричастиятнень.

Маштомс:

• деепричастия вельде лицань или инфинитивонь формаса глаголонь действиянди характеристикань максома;

• -зь суффикс мархта деепричастиятнень и –зь лицань пе мархта изъявительнай наклонениянь ётай пингонь объектнай спряжениянь глаголхнень фкя-фкянь эзда явома;

• апак отрицания мархта деепричастиятнень и причастиятнень фкя-фкянь эзда явома.

Наречиясь

Наречиять кода корхтама пяльксонь смузец, грамматикань признакоц и валрисьмоса ролец.

Смузень коряс наречиятнень разрядга явомасна.

Наречиятнень сравнениянь степеньцна, синь тиевомасна и сёрмадомасна.

Изобразительнай наречиятне.

Наречиятнень тиевомасна и сёрмадомасна.

Рузонь кяльста cявф валъюронь наречиятне, синь тиевомасна и сёрмадомасна.

Кирьфтамань – ляпошинь суффикс мархта наречиятне.

Мезе эряви содамс и маштомс тонафнихненди:

Содамс:

• Наречиять кода корхтама пяльксонь смузенц, грамматикань признаконц и валрисьмоса роленц.

• Смузень коряс наречиятнень разрядга явомаснон.

• Наречиятнень сравнениянь степеньцнон.

• Изобразительнай наречиятнень.

• Рузонь кяльста cявф валъюронь наречиятнень.

• Кирьфтамань – ляпошинь суффикс мархта наречиятнень.

Маштомс:

• наречия вельде действиятненди характеристикань максома;

• суффикс вельде наречиянь тиема и видеста сёрмадома;

• сложнай и парнай сложнай наречиятнень видеста сёрмадома.

Служебнай корхтама пяльксне. Цебярьста корхтамась.

Валмельгакссь

Валмельгаксть кода служебнай корхтама пяльксть смузец и синтаксисонь ролец.

Смузень коряс валмельгакснень явомасна.

Существительнайхнень и наречиятнень валмельгаксокс молемасна.

Апак тик и тиф валмельгаксне.

Валмельгакснень лично-притяжательнай суффиксна.

Мезе эряви содамс и маштомс тонафнихненди:

Содамс:

• Валмельгаксть кода служебнай корхтама пяльксть смузенц и синтаксисонь роленц.

• Смузень коряс валмельгакснень явомаснон.

• Существительнайхнень и наречиятнень валмельгаксокс молемаснон.

• Апак тик и тиф валмельгакснень.

• Валмельгакснень лично-притяжательнай суффиксснон.

Маштомс:

• валмельгакс мархта валонь сюлмотнень валрисьмоса рольснон содама;

• валмельгакснень существительнайхнень и наречиятнень эзда явома;

• валмельгакс мархта существительнайхнень и местоимениятнень вастс лично – притяжательнай суффикс мархта валмельгакснень тевс ноляма;

• валмельгакс мархта существительнайхнень и местоимениятнень видеста сёрмадома.

Союзсь

Союзсь кода служебнай корхтама пялькс.

Простой и составной союсне. Составной союснень сёрмадомасна.

Сочинительнай и подчинительнай союсне, валрисьмоса синь рольсна.

Мезе эряви содамс и маштомс тонафнихненди:

Содамс:

• Простой и составной союснень. Составной союснень сёрмадомаснон.

• Сочинительнай и подчинительнай союснень, валрисьмоса синь рольснон.

Маштомс:

• простой валрисьмоса сочинительнай союснень тевс ноляма;

• сложнай валрисьмоса сочинительнай и подчинительнай союснень тевс ноляма.

Частицась

Частицась кода служебнай корхтама пялькс. Сонь функциянза.

Смузень коряс частицатнень явомасна.

Валонь и формань тии частицатне.

Частицатнень сёрмадомасна.

Мезе эряви содамс и маштомс тонафнихненди:

Содамс:

• Частицать функциянзон.

• Смузень коряс частицатнень явомаснон.

• Валонь и формань тии частицатнень.

Маштомс:

• кизефтемань и виияфтомань частица мархта валрисьмотнень выразительнайста морафтома;

• частицатнень башка, китькскя вельде и марса лия вал мархта сёрмадома.

Междометиясь

Междометиятнень смузьсна и корхтамаса синь рольсна. Междометиятнень вайгяльса явфтомасна.

Междометиятнень видеса лотксема тяштенятне.

Мезе эряви содамс и маштомс тонафнихненди:

Содамс:

- междометиятнень смузьснон и корхтамаса синь рольснон. Междометиятнень вайгяльса явфтомаснон.

Маштомс:

• междометия мархта валрисьмотнень выразительнайста морафтома;

• междометиятнень видеса запятойть, ювадемань тяштенять и лама точкатнень путома.

Кизоть песта тонафнефть лятфтамац

Глаголсь. Глаголть валъюрхтоц, гласнай и согласнай валъюрхттне. Глаголть наклонениянза, синь тиевомасна и сёрмадомасна. Глаголть аф объектнай и объектнай спряжениянь форманза. Отрицания мархта глаголхнень формасна, синь тиевомасна и сёрмадомасна.

Деепричастиятне, синь тиевомасна и сёрмадомасна.

Наречиятне. Наречиятнень смузень коряс разрядсна. Наречиятнень тиевомасна и сёрмадомасна.

Служебнай корхтама пяльксне, корхтамаса синь рольсна.

Тематическяй планць

Календарно - тематическяй планць 7-це класса

Мезе эряви маштомс тонафнихненди кизоть пети:

• Глаголть смузенц и грамматикань признаконзон: пингонь, лицань и лувксонь коряс полафнеманц. Валрисьмоса глаголть роленц.

• Глаголть аф определеннай форманц, сонь суффиксонзон.

• Глаголть валъюрхтонзон. Гласнай и согласнай валхъюрхттнень. Афкуксонь, полатф и кирьфтаф валъюрхттнень.

• Глаголть видонзон: тифтень – кърдань и ламонь – кърдань.

• Переходнай и аф переходнай глаголхнень.

• Глаголхнень спряженияснон.

• Глаголть наклонениянзон: изъявительнай, кошардомань, серьгядемань, сослагательнай, условнай, условно – сослагательнай, желательнай.

• Изъявительнай наклонениять, сонь смузенц. Изъявительнай наклоненияса глаголть аф объектнай и объектнай спряжениянь форманзон.

• Кошардомань наклонениять, сонь смузенц.

• Сослагательнай наклонениять, сонь смузенц. Сослагательнай наклонениянь форматнень тиевомаснон и сёрмадомаснон. Отрицания мархта сослагательнай наклоненияса глаголть форманзон.

• Фкя наклонениянь формаса глаголхнень лия наклонениянь смузьса молемаснон.

• Глаголхнень лия корхтама пяльксста и глаголста тиевомаснон.

• Причастиять глаголонь и прилагательнаень признаконзон. Валрисьмоса причастиять определениякс и сказуемайкс молеманц.

• Афкуксонь и страдательнай причастиятнень. Тяниень и ётай пингонь афкуксонь и страдательнай причастиятнень.

• Причастиятнень тиевомаснон и сёрмадомаснон.

• Апак отрицания мархта причастиятне, синь тиевомаснон и сёрмадомаснон.

• Причастиятнень существительнаень смузьса и рольса молемаснон.

• Деепричастиять глаголонь и наречиянь признаконзон. Деепричастиять валрисьмоса роленц.

• Деепричастиятнень тиевомаснон и сёрмадомаснон. Корхтамаса лиезь лиемс типонь валзюлмотнень.

• Апак отрицания мархта деепричастиятнень.

• Наречиять кода корхтама пяльксонь смузенц, грамматикань признаконц и валрисьмоса роленц.

• Смузень коряс наречиятнень разрядга явомаснон.

• Наречиятнень сравнениянь степеньцнон.

• Изобразительнай наречиятнень.

• Рузонь кяльста cявф валъюронь наречиятнень.

• Кирьфтамань – ляпошинь суффикс мархта наречиятнень.

• Валмельгаксть кода служебнай корхтама пяльксть смузенц и синтаксисонь роленц.

• Смузень коряс валмельгакснень явомаснон.

• Существительнайхнень и наречиятнень валмельгаксокс молемаснон.

• Апак тик и тиф валмельгакснень.

• Валмельгакснень лично-притяжательнай суффиксснон.

• Простой и составной союснень. Составной союснень сёрмадомаснон.

• Сочинительнай и подчинительнай союснень, валрисьмоса синь рольснон.

• Частицать функциянзон.

• Смузень коряс частицатнень явомаснон.

• Валонь и формань тии частицатнень

• Междометиятнень смузьснон и корхтамаса синь рольснон. Междометиятнень вайгяльса явфтомаснон

Маштомс:

• глаголть валъюрхтонц мума;

• ламонь – кърдань видонь глаголонь тиема и корхтамста синь тевс сувафнема;

• переходнай и аф переходнай глаголхнень смузень коряс фкя-фкянь эзда явома и корхтамаса тевс ноляма;

• формань коряс глаголть наклонениянц, пингонц, лицанц, лувксонц и спряжениянц содама, а станя жа глаголть эрявикс формас путома и видеста сёрмадома;

• изъявительнай наклонениянь тяниень пингонь 1-це и 2-це лицаса лама лувксса глаголонь петнень видеста азома и сёрмадома;

• кошардомань наклонениянь смузьса сослагательнай наклоненияса глаголонь и –мс суффикс мархта инфинитивонь формать тевс ноляма;

• лия корхтама пяльксста и глаголста суффикс вельде глаголонь тиема;

• суффикс вельде тиф и парнай сложнай глаголхнень видеста сёрмадома;

• причастиятнень вельде предметонь признаконь азома;

• смузень и синтаксисонь ролень коряс изъявительнай наклоненияса тяниень пингонь глаголхнень тяниень пингонь афкуксонь причастиятнень эзда явома;

• отрицанияфтома и отрицания мархта причастиятнень видеста сёрмадома;

• деепричастия вельде лицань или инфинитивонь формаса глаголонь действиянди характеристикань максома;

• -зь суффикс мархта деепричастиятнень и –зь лицань пе мархта изъявительнай наклонениянь ётай пингонь объектнай спряжениянь глаголхнень фкя-фкянь эзда явома;

• апак отрицания мархта деепричастиятнень и причастиятнень фкя-фкянь эзда явома;

• наречия вельде действиятненди характеристикань максома;

• суффикс вельде наречиянь тиема и видеста сёрмадома;

• сложнай и парнай сложнай наречиятнень видеста сёрмадома;

• валмельгакс мархта валонь сюлмотнень валрисьмоса рольснон содама;

• валмельгакснень существительнайхнень и наречиятнень эзда явома;

• валмельгакс мархта существительнайхнень и местоимениятнень вастс лично – притяжательнай суффикс мархта валмельгакснень тевс ноляма;

• валмельгакс мархта существительнайхнень и местоимениятнень видеста сёрмадома;

• простой валрисьмоса сочинительнай союснень тевс ноляма;

• сложнай валрисьмоса сочинительнай и подчинительнай союснень тевс ноляма;

• кизефтемань и виияфтомань частица мархта валрисьмотнень выразительнайста морафтома;

• частицатнень башка, китькскя вельде и марса лия вал мархта сёрмадома;

• междометия мархта валрисьмотнень выразительнайста морафтома;

• междометиятнень видеса запятойть, ювадемань тяштенять и лама точкатнень путома.

Корхтама маштомать касфтомац.

Тонадомс:

• картинань коряс сочинениянь сермадома;

• ломаненди описаниянь тиема;

• произведениянь персонашненди сравнительнай характеристикань тиема;

• художественнай произведениянь колга письменнай отзывонь максома;

• эсь мялень – арьсемань мархта заметкань сёрмадома;

• рузонь кяльста родной кяльс художественнай аф оцю текстонь ётафтома.

Контрольно- измерительнай материалсь

2-це уроксь. Вводнай контрольнай диктант.

Сярдонь вазнять ваямац.

Тундань шиль. Мон молень вирьгя, кеняртькшнень сянди, кодама лац морайхть нармоттне. Моньге мялезель мархтост морамс.

Лисень вирьграйти. Сонь вакссонза ульсь пялес ваяф эши. Тоса приметань сярдонь пильгокит. Аньцек тейне ашезь шарьхкодев, мес пяк шоряфт синь пильгокисна.

Вдруг цяторгодсь коське тарад- кусторкснень потмоса ащесь авасярда. Сон сяшкава мазыель, што мон таргайне фотоаппаратозень и колмоксть вачкодине. Мон эряскодонь сяс, мес зверсь ломанть няемста кяшенди. Дивандазевонь сянди, мес сон ашезь тушенда. Ся ёткова эшиста кулевсь кодама-бди вайгяль. Мезе тя тяфтамсь? Варжакстонь шобда варяти: эшить потмаксса мяште видева ведьса ащесь сярдонь ёмла вазня. Сембось шарьхкотьф: и се-тов шоряф пильгокитне, и авасярдть прянь вятемац , и ся, месс жуватась ашезь тушенда тяста. (109)

(Ю. Кузнецовонь коряс)

8-це уроксь. Итоговай контрольнай диктант 1-це четвертенкса

Сёксенда.

Сась козя сексесь. Кунара ни урядазь сёротнень, видезь озимой розть и тозерть.тяни синь пефтома морякс пижелготкшнихть кели паксятнень лангса. Сембе вастса работась лаказь лакай: и паксяса, и переса. Паксяса и переса урядайхть модамарьхть, якстеряпст, пурьхкат.

Тя пингоня ста каф ащихть иттневок. Синь лездыхть оцюфнендипаксянь тевса. Ётка пингста якайхть вири пангс пяштьс. Тоса тяни лама пангта. А конашкава танцтихть кенерьф пяшттне! Вирьса иттне кочкайхть гербариенди разнай шуфтонь лопат, церят, касыкст, нупонь.

Сонць вирське полафтсь. Акша ронга келунятне и виде ушторнятне щасть лангохост валда- тюжя щапт. Поюнятне якстерьготсть бта кенерьф марьхть. Аньцек паргана пиченятне и кузнятне сянгярьготкшнесть синь ётксост.

А менельсь стама сенем и ару, бта тиф хрустальста. Золотань шигясь аф ужяльдезь ёрясыне модать лангс мекольдень лямбе сюролданзон.

13-це уроксь Мялензамань урок «Глаголсь» темать коряс

ГЛАГОЛСЬ 1-це вариантсь

А1 Кона шарьхкодемась лемтьф глаголти?

1) Глаголсь – тя корхтама пялькс, кона няфти предметонь признак.

2) Глаголсь – тя знаменательнай корхтама пялькс, кона няфти лувкс, лицань, предметонь лангс, но аф азсыне синь.

3) Глаголсь – тя корхтама пялькс кона отвечай мезе тиемс? мезе тиема? кизефкснень лангс и няфти признак действиянь коряс.

4) Глаголсь – тя корхтама пялькс, кона няфти тевонь тиема или предметонь состояния и отвечай мезе тиемс? месендема? кизефкснень лангс.

А2 Кона группаса аш глагол?

1) самс ваймама

2) арьсян цебярь ваймама

3) ушедсь рахама

4) уставась тонафнема

А3 Грамматикань кодама признаксь глаголти аф кандови?

1) наклонениясь

2) спряжениясь

3) падежсь

4) лувкссь

А4 Кона группаса переходнай глаголда башка ули аф переходнай?

1) сялдомс, рахамс, пезомс, марамс

2) тялямс, кандомс, петемс, авардемс

3) кадомс, удомс, кельгомс, уемс

4) сюцемс, шнамс, пърдамс, нельгомс

А5 Кона рядть эса аш марстоньши?

1) иредемс, прамс, кулемс, самс

2) васетькшнесь, корхталексоль, морак, сандяряй

3) сашендомс, тушендомс, прашендомс, вешендемс

4) рахазевсь, торазевсь, моразевсь, пульхкозевсь

А6 Мусть рядть, коса сембе глагохне ащихть объектнай спряжениянь формаса

1) сяфтя, тонафнесы, морай, корхтатама

2) ётафнесазь, пуропнихть, сявсазь, пульхкихть

3) надияфтозе, азондсамак, мольфтьсамазь, кошарттядязь

4) молихть, варжакснихть, мяляфтсамазь, надиятама

А7 Кона глаголса аш реальнай тевонь тиема?

1) мольсь

2) тонафни

3) сърхкаде

4) вешендярян

А8 Кона валрисьмоть эса глаголсь страдательнай залогонь?

1) Мон эрян фкя эряф.

2) Щамсонза салмокст канни, а стама аф машты.

3) Шись кяшевсь туцяса.

4) Деряй, къда васьфтеви инголет перяфкс, эряви лоткамс и нолдамс кяттнень?

А9 Кона рядса сембе глаголхне условнай наклонениянь?

1) молян, молель, молелексоль, молендярян

2) тусь, тундярят, тулексоль, туль

3) миндярясаськ, миндяряй, миндярятада, миндярясасть

4) ёталексолень, ёталексоль, ёталексолеме

А10 Няфтесть аф объектнай формаса ащи глаголть

1) тясть шта

2) тят пичеде

3) тяйть эендафта

4) тяк канне

Глаголсь 2-це вариантсь

В1 Кона суффикссь аф няфти глаголонь аф определеннай форма?

1) -мс

2) -ма

3) -тама

4) -мда

В2 Кона группаса аш глагол

1) самс тонафнема

2) арьсян цебярь тонафнема

3) ушедсь морама

4) марявсь калдордома

В3 Кодама валъюрхтоц глаголть аф эряй?

1) афкуксонь

2) полатф

3) кирьфтаф

4) аф опредёленнай валъюрхта

В4 Кона группаса переходнай глаголда башка ули аф переходнай?

1) морамс, рахамс, пезомс, марамс

2) тялямс, кандомс, вятемс, велямс

3) кодамс, удомс, кельгомс, уемс

4) сюцемс, шнамс, валхтомс, нельгомс

В5 Кона рядть эса аш марстоньши?

1) малаткшнемс, тюфиемс, сюцекшнемс, пупорямс

2) кантк, сяфть, мърдак, учт

3) лиссь, тусь, кандсь, таргась

4) прафтомс, лиссь, рахазевоме, вельхтявсть

В6 Кона глаголса аш реальнай тев тиема?

1) учи

2) сась

3) корхтай

4) азолексоль

В7 Кона валрисьмоть эса глаголсь страдательнай залогонь?

1) Кись ацавсь пяярьф лопаса.

2) Велесонк строяви колмошка куд.

3) Тя ульсь надияма вастокс.

4) Мон сань ошста.

В8 Мусть рядть, коса сембе глаголхне ламонь-кърдань видонь

1) прашендомс, явсемс, яфиемс, конемс

2) юпиемс, каннемс, повфни, люпшни

3) пеедезевсь, венепни, лоткамс, яфодемс

4) яфодемс, топодемс, лопиемс, сташендомс

В9 Няфтесть аф объектнай формаса ащи глаголть

1) ётафтозе

2) пичефтьсы

3) мушенттама

4) кельгсаськ

В10 Формати, кона тиеви лездомань глаголста, кона полафневи 1-це ётай пингть коряс и -ма или -мс суффикс мархта лемдеви

1) васенце ётай пингсь

2) омбоце ётай пингсь

3) сложнай ётай пингсь

4) сай пингсь

14-це уроксь. Итоговай онтрольнай диктант 2-це четвертенкса

«Идькс пингозе».

Корхтайхть, идькс пингсь- тя зърнянь пинге. Монь жа, кода мяляфтса идькс пингозень, пяк стакаста арай седизон.

Васенце лятфнематне- шужярьса пантф вальмясь, куваня уфай тялонь порфсь. Мон авардян, анан тядязень кядьста кши, а сон ванць-ванць и кармась пиксома эсон. Улема, седи кочамозонза сатфтовсь, къда кеподсь кяденц пикссемс вачеда иднянц.

Тёжянь вейхкса сятт нилиеце кизоня алязень сявозь войнав, и тядязе кучемань вастозонза тувонь ванома Шонгарня вели. А тейне эста топодсь анцек кафкса кизот. Иван брадозень мархта ваноме, теенза кефкие кизоль. Шонгарнясь ниле вайгяльбет Пичевелеть эзда. Эрь тувоть ваноманкса (а эздост кодгемоньшкаль)тейнек савсь кеветие фунт сёра. Къда сембонь пандолезь, ваномать аделамста комозьда лама пуд сяволеме. Но кядезонк тя сёроть пялецка ашезь повонда.

(110)

(В. Радин)

27-це уроксь. Итоговай контрольнай диктант3-це четвертенкса

Вирень траксс ёрясыне сюронзон.

Вирень тракссь эряй вирьсонк. Сон тонаткшни ломаттненди, къда сят аф ёрайхть тиемс теенза кальдяв.

Минь ванфттама вирень траксть эса. Тялонда, мъзярда тест стака сатнемс ярхцамбяль, вирьваныхне марсихть вирьгя тишень кштимнят.

Вов аф эряскодозь моли вирьгя кабаконашка тракс, пильгонза кърхкаста пезондыхть ловти, сияк венепнесы сялдазонц и сусконды пизелксонь тараткат. Сон лоткась сери кузть ваксс и ушедсь шовсемост паргана сюронзон шуфта почкти.

Кода шуфтти сашенды пинге ёрдамс лопанзон, станя вирень тракстивок – сюронзон. Шовась, шовась сюронц эса, и ся синдевсь, прась ляпе ловть потмос.

Тяка шиня, а, пади, мзярошка шида меле вирень тракссь ёрдасы омбоце сюронцка. И ловсь вельхтясыне мянь тундать самс. (117)

33-це уроксь. Итоговай контрольнай диктант

Войнань кизотнень.

Войнань вача кизотнень кемгафтува кизоса Алёшкась станя осалгодсь, што няевсь анцяй цёранякс. Но ушеткшнесь сёронь урядамась, колхозти кодама кельк ломанень лезкссь пяк эрявсь. Эрь трудошинкса макссесть кила кши, но сявок эрь семьяти казнекс ульсь. Сяс Алёшкаське ашезь карма ащема тевфтома. Бригадирсь Никита Петрович путозе сонь ведень усксема. Обедта инголе теенза эрявсь усксемс ведь васенда колхозонь алашатненди, а меле траксненди и кузенцяв… Тевсь афи стака, а сизят эшити мековасу арнезь, ведень амолязь.

Алёшкась усксесь ведь айгорса. Бедуин лемоц. Мзярда- бди сон ульсь инь мазысь, но тяни сиредсь, и тняростонь мазышистонза лядсь аньцек кели кандоц да оцю серец. Бедуинць кашт аф молезь учи, мзярда азороц пяшкодьсы боцьканц ведьта. Сяськнень сускомаснон афи марясы, аньцек пуропнень эзда яфиесы пулонц и търкстыи. (120)

8