Математика Бөлүүнүн касиеттери

• Сабактын темасы:

Бөлүүнүн касиеттери

Сабактын максаты:

• Бөлүүнүн касиеттери жөнүндө маалымат аласыңар.
• Бөлүүнүн касиеттерин пайдаланып мисал, маселелерди чыгарууга көнүгөсүңөр.
• Тактыкка, ыкчам ой жүгүртүүгө багыт аласыңар.

1-маселе:

• Асель 5 алманы 5 тарелкага бирдей бөлүп салды. Асель ар бир тарелкага канчадан алма салды?

Мында 5 : 5= 1 деп жазылат. Бул бөлүүнүн «Ар кандай санды өзүнө-өзүн бөлсөк тийинди 1 болот» деген биринчи касиети. Муну окшош , бирдей сандардын тийиндиси 1 чыгат десек да болот.

• 2- маселе:
• Мен 5 гүлдү 1 вазага салсам, гүлдүн саны өзгөрдүбү?
• Албетте, өзгөргөн жок.
• Бул 5:1=5 деп жазылат.
• Демек, муну биз бөлүүнүн «Ар кандай санды 1ге бөлсөк, ошол сандын өзү чыгат» деген касиети дейбиз.
• 12:1=12 23:1=
• 7:1=7 15:1=

• 3-маселе:
• Атам 0 сандагы алма көчөтүн 5 катарга бөлүп тикти.
• Атам ар бир катарга канчадан алма тикти?
• Мында, 0 жок сан болгондуктан аны канчага бөлсөк да 0 чыгат.
• Демек, бул 0:5=0 деп жазылат.
• Бул бөлүүнүн «0дү ар кандай санга бөлсөк 0 чыгат» деген дагы бир касиети.
• Мисалы: 0:6=0 0:90=0
• 0:8= 0:55=

• Балдар, бул жерде бир нерсени эч убакта унутпагыла.
• Жогорудагыдай 0ү санга бөлө алабыз, бирок, санды эч убакта 0гө бөлө албайбыз.
• Мисалы: Иним 5 дептерин 0 сандагы досуна бөлүп бере албаган сыяктуу эле , санды жок санга бөлүү мүмкүн эмес. Ушуну унутпагыла.
• Демек, санды 0гө бөлүүгө болбойт деп айтууга болот.

• Бөлүүнүн касиеттери:
• 1) Бирдей сандардын тийиндиси дайыма 1 чыгат.
• М: 45:45=1
• 2) Ар кандай санды 1ге бөлсөк, ошол сандын өзү чыгат.
• М: 57:1=57
• 3) 0дү санга бөлсөк, тийинди 0 чыгат.
• М: 0:76=0
• Ал эми санды эч убакта 0гө бөлүү мүмкүн эмес.
• М :65:0= мүмкүн эмес.

• Ушул эрежелерди пайдаланып, китебиңердеги берилген мисалдарды чыгара аласыңар деген ойдомун.
• 672-673-мисалдарды үйдөн чыгарып ,ватсап аркылуу мага жоопторун жөнөткүлө.
• Саламатта калгыла!