Методическая работа учителя нач. классов

Дарсил тема : «Квенги рат1лидаго релълъараб бук1ун батила»

Дарсил мурадал ва масъалаби:

1. Лъайкьеялъул:

. хабаралъулгун лъай – хъвай гьаби.

. ц1алараб асаралъул аслияб маг1на бич1ч1изаби.

. суалазе жаваб кьезе ругьун гьари.

1. Лъай цебет1еялъул:

. маг1арул 13 хасаб зах1матаб х1арп мух1канго лъай, гьел къосинч1ого бит1ун ц1ализе ругьунлъи.

. кьураб суалалъе жаваб т1ехьалдасан балагьизе ва гъалат1 биччач1ого гьеб ц1алиялъул бажари борхалъизаби;

1. Тарбия кьеялъул:

. т1абиг1аталде, х1инч1 – гъедуялде лъик1аб бербалагьи куцай.

. рахьдал мац1алда ц1алдеялде рокьи базаби.

Дарсил ин:

1. Авалияб г1уц1и. Лъимал дарсиде х1адури.

Гьимулаго бакъ г1адаб

Риидал гьогьен г1адаб

Къечарасе лъим г1адаб

Ассаламу г1алайкум.

Гьале ц1умур кьабана, дарсиде нуж рач1ана.

Цоцазе салам кьуна, берцинго г1одор ч1ана.

Жакъасеб дарсидаса х1ал к1вараб пайда босе,

Муг1алимас малъараб кинабго лъазе гьабе.

Г1акълу, г1ундул ва берал ц1алуде руссинаре,

К1вараб жигарги бахъун маг1арул мац1 лъазабе!

Авар калам камилго лъазе ккани, нужеца Авар алфавиталъул х1арпал лъик1 лъазе гьаре!

-- Лъимал, лъик1 ц1ализе кколин абураб жо кин нужеца бич1ч1улеб?

«Лъик1 ц1али» гьеб ккола: хехаб ц1али, маг1на бич1ч1ун ц1али, х1арпал бит1ун ц1али, чвахун ц1али, пасих1го ц1али.

1. Гьаркьилаб разминка.

Лъимал нилъедаго лъик1 ц1ализе лъазе, нилъеца киназго цадахъ ц1алила доскаялда хъварал х1арпал.

а, о, у, и, е.

Гьел кинал х1арпал ? ( рагьарал)

Гьанже гьел х1арпазда рек1инарила нилъеца рагьукъал х1арпал ва лъугьинарила слогал хь, хъ,х1,ч1, ц1, лъ, т1, къ,к1, кь, гъ,г1,гь,

1. Рокъобе кьураб лъималазда гьикъи: «Сулахъ» кеч1 бицине рахъинарила къиматал лъела.

2. Ц1ияб дарсил тема ва мурад лъималазе баян гьаби

- Раг1абазе баян. Словарияб х1алт1и.

Рехъен, бихъ – бихъараб, нухлулав, рукъалаби, релълъараб.

Цо – цо ц1алдохъан цо – цо раг1и ц1ализе т1амила, ва маг1на бицина.

Хабар ц1алила рес бугони биччала аудио запись яги презентация.

Суалал кьела.

- Хабаралда рекъон, васасе кьолеб квен кинаб бук1ине кколеб?

- Вехьасул языхъаб г1умру щай бук1араб?

- Гьев васасул г1умруялда данде ккун нужер кинаб г1умру бугеб?

1. Х1ухьбахъиялъул лах1зат

Нилъер бугеб лъик1аб г1умруялдаса рохун,щукру гьабулел рук1ине ккола нилъ. Рач1аха цо рохел дагьабги ц1ик1к1ине, т1адеги рахъун, гьит1инабго рагъа – рачари гьабилин нилъерго г1одор ч1ун свакарал лугбазе. Рагъарачариялъги х1алт1уцаги ч1аголъизабулеб жо бугин инсанасул черхги сахлъиги.

Рагъа – рачариялъул заман.

Цо абидал эхеде рорхе кверал киназго,

Ай лазат! Вай лазат! Гьай лазат!

Свак чучизе, черх бит1изе, чундулг1адин сах рук1ине!

Ай лазат! Вай лазат! Гьай лазат!

К1уса киналго г1одор!

Рахъа киналго т1аде! Ралагье рахъ – рахъалде

Цо, к1иго , лъабго, ункъго, щуго, анлъго, анкьго, микьго, ич1го, анц1го! Г1одор ч1а.

1. Дарсил темаялда т1ад х1алт1и.

Лъимал иргадал ц1ализе т1амила . )суалал ва жавабал)

1. Дарсил х1асил. Рефлексия

Бокьанищ дарс?

Бищунго щиб бокьараб?

Гьаб асар ц1алидал щиб бич1араб нужеда?

Нилъер дарсил аслияб мурад кинаб бук1араб?

Нужеца пасихго ц1алулищали бихьизе дие бокьун буго нуж къокъабаздеги рикьун 43 гьумералда бугеб «Эркенлъи» абураб кеч1 ролаздеги бикьун ц1ализе.

К1игоял рахъинарила доскаялде гьеб кеч1 ц1ализе.

Бажаранищ нужеда пасих1го ц1алун? Сунца квалквал гьабураб?

Рокъор ц1ик1к1ун ц1алдезе ккола, гурищха?

1. Рокъобе х1алт1и.

- пасих1го ц1ализе, гьум 44 -45

-бокьараз кеч1 ц1ализе рек1ехъе «Эркенлъи»

Нужее к1удияб баркала жакъа дие кьурал жавабазухъ. Къо - мех лъик1!