Рабочая программа по родному языку , 2 класс

Хэзыгъэгъуазэ

Ц1ык1ухэм къеджэк1з зэрырагъащ1эу,къеджэныгъэм и урокхэр 1-2 классхэм щрагъэк1уэк1ыу щ1адзэ,ик1и абы адэк1э зыщрагъэужь 3-4 классхэм.

Къеджэныгъэ урокхэм я къэлэн нэхъыщхьэщ псынщ1эу,къагуры1уэу,тэмэму,гъэхуауэ къеджэу,бзэ къулей я1эу псалъэу ц1ык1ухэр гъэсэныр.Абы ахэр хуигъэхьэзырын хуейщ зэджар къагуры1уэу,текстми елэжьыфу щытыным.Къеджэныгъэм и урокхэм ц1ык1ухэм я дуней еплъык1эм зрагъэужь,ахэр тхылъымрэ щ1эныгъэм и нэгъуэщ1хэк1ып1эхэмрэ жыджэру елэжьу ягъасэ.

Къеджэныгъэ урокхзр ящ1эдзап1эщ ц1ык1ухэр литературэм хуегъэджэным. Ар къызэрагъэпэщ художественнэ и лъэныкъуэк1э узэщ1ауэ щыт произведенэхэм,анэдэлъхубзэ тхылъым къыщегъэджэнымк1э.зэреджэ тхылъхэм литературнэ раздел хэгъэхьэнымк1э,ядж дэтхэнэ тхыгъэри нэхъыф1у къагуры1уэнымк1и классщ1ыб къеджэныгъэм хэту щ1аджык1 тхылъхэм елэжьынымк1и дэ1эпыкъуэгъу яхуэхъуну методическэ аппарат убгъуа,псом япэу упщ1эхэмрэ лэжьыгъэхэмрэ,произведенэхэм ядэщ1ыгъунымк1э.

Къагуры1уэн рассказхэм,усэхэм,псысэхэм ирагъэлэжьк1эрэ ц1ык1ухэр хурагъаджэ произведенэхэр зытепсэлъыхьым,абыхэм яхэлъ гупщысэ нэхъыщхьэр,геройхэм ялэжьхэмрэ ящытык1эхэр къэзышэмрэ тэмэму къаубыдыфу,къызэджахэм пщ1э гуэр хуащ1ыфу,абыхэм къыщыгъэлъэгъуа 1уэхугъуэхэмрэ къащык1уэ геройхэмрэ авторыр зэреплъыр къагуры1уэу щытыным.Художественнэ произведенэм и бзэмрэ изобразительнэ 1эмалхэмрэ ятеухуа гуры1уэныгъэ нэхъ къызэрык1уэ,тынш дыдэхэр еджак1уэхэм ягъуэт.Абыхэм я образнэ гупщысэк1эм зеужь,я эстетическэ зыхэщ1эныгъэм,анэдэлъхубзэм хуа1э лъагъуныгъэм зеузэщ1,художественнэ литературэм къеджэныгъэм ахэр дехьэх.

Къеджэныгъэ урокхэм еджак1уэхэм я бзэм зрагъэужь,къулей ящ1,гупщысэхэр жьэры1уатэуи тхыгъэк1и тэмэму къа1уэтэфыным хуагъасэ,тхылъхэм зэращыгъуазэм хагъахъуэ.

Къеджэнымык1э ягъуэтын хуей есэныгъэхэр.

1)Къызэджэ тхыгъэхэр къагуры1уэу, тэмэму( гъэхуауэ), зыхащ1эу, псалъэхэр зэрыпсэууэ (ф1ыуэ зыщымыгъуазэ псалъэхэр пычыгъуэк1э кърахыу) къеджэфэн хуейщ.

2)Тхыгъэхэм нэхъ мыхьэнэшхуэ зи1эу хэт псалъэхэр къыхагъэщу, псалъэухахэм я зэхуакум, тхыгъэхэм щыщ 1ыхьэ нэхъ п1ащэхэм (псалъэуха зыбжанэ) якуми теувы1эгъуэ щащ1у къеджэфу щытын хуейщ.

3) Я мынэ1уасэ (зыщымыгъуазэ) тхыгъэхэм къызэреджэ хуабжьагъыр зы дакъикъэм псалъэ 40-45 хуэдиз хъун хуейщ

4) Къызэджэ художественнэ тхыгъэр зэхащ1ык1ыу ( къагуры1уэу), тэмэму (гъэхуауэ), зыхащ1эу, ирижэу,псалъэхэр къанэ щ1агъуэ щымы1эу зэрыпсэууэ кърахыу еджэн. Къызэджэм къик1ым хуэфащэ макъ (интонацэ) : хуабжьагъ-псынщ1агъыр (темп), логикэм елъыта хэкъузэныгъэ, макъым зегъэ1этын, гъэлъэхъшэнхэр къыхуагъуэтыфын хуейщ.

5) Я мынэ1уасэ тхыгъэм зы дакъикъэм псалъэ 45-50 кърахыфу и хуабжьагъыу къеджэфын хуейхэщ.

Текстым иралэжьыл1энухэр. Текстым къи1уатэ 1уэхугъуэхэр къызэрызэк1элъык1уэр, ахэр зэрызэпхамрэ зэрызэхущытымрэ къахутэфын ик1и къагуры1уэн ,тхыгъэм теухуа упщ1эхэм ират жэуапхэр зэрыпэжым щыхьэт техъуэ 1ыхьэ къыхаубыдык1ыурэкъеджэфын.

Тхыгъэр езыр-езырурэ 1ыхьэ-1ыхьэу ягуэшыфын ик1и апхуэдэ 1ыхьэхэм нэхъыщхьэу къи1уатэр кърахыфын.

Къызэджар къызэра1уэтэжын план ягъэувыфын ик1и а планым тету гъэк1эщ1ауэ къа1уэтэжыфын, гъэк1эщ1ынымк1э егъэджак1уэр къадэ1эпыкъуу.

Тхыгъэм псалъэк1э сурэт хуащ1ыфын.

Къызэджар убгъуауи хэчыхьури къа1уэтыжыфын, псалъэк1э сурэт ящ1ынымрэ иллюстрацэмрэ къагъэсэбэпурэ.

Персонажхэм, абыхэм я 1уэхущ1афэхэр, щхьэусыгъуэхэр, природэм и теплъэхэ зыхуэдэр къигъэлъэгъуэн щхьэк1э, тхак1уэм тхыгъэм къыщигъэсэбэп псалъэ щхьэхуэхэр, псалъэ шэрыуэхэр езыхэм тхыгъэм къыхуагъуэтыфын.

Художественнэ тхыгъэхэр зэрытха бзэм гулъытэ хуащ1у хэплъэн, псалъэ шэрыуэхэр къагуры1уэн.

Художественнэ тхыгъэхэмрэ щ1эныгъэ зэлъэщ1ысахэм теухуа тхыгъэхэмрэ зэхэц1ыхук1ын.

Я жьэры1уатабзэм зегъэужьын,ар купщ1аф1эу,зэк1элъык1уэу,тэмэму,1упщ1у щытыным хуэунэт1ауэ.Жьэры1уатэми къеджэныгъэми я псынщ1агъэк1э зэп1эзэрыту щытыныр,макъыр,теувы1эгъэхэр,логикэм епха хэкъузэныгъэхэр,бзэм щ1эжьыуэ щ1этыныр,нэгъуэщ1хэри къыщагъэсэбэпын.