Сценарий турнира

«Буряадхэлэн» гэһэн сахим номоор республикын мүрысөөнэй хүтэлбэриин ябаса (19.10.18.)

1.Үглөөнэй амар мэндэ, алтан богоһымнай алхажа ороһон холо ойрын нютагуудһаа ерэһэн айлшад, багшанар, һурагшад!

2.Эхын һүнэй һайхан амтатай эльгэ зүрхэндэмнай орожо шэнгээшэ бултандамнай гамтай түрэл хэлэнэйнгээ һайндэртэ Булган захата буряад дайдын дэлгэр тэнюун дэбисхэр дээрэhээ хэдэн аймагуудhаа буужа морилhон, элинсэг хулинсагайнгаа нангин үреэл шэнгээhэн, сугларжа ерэһэн Та бүгэдэндэ баяраа мэдүүлжэ байнабди!

1. Аялгата түрэл хэлэмнай

Аба эжын бэлигһээ.

Аянгаар мэргэн хэлэмнай

Арад зонойм хэшэг юм.

2.Тайзан дээрэ манай hургуулиин 1 ангиин шабинар –

эхир хүбүүд Цырен ба Цыден Батожаргаловууд.

Эдэл хөөрхэн, жаахан хүүгэдhээ эхитэйл даа, түрэл буряад хэлэмнай!Халуунаар угтан абая!

1.Жэл бүхэндэ манай hургуули энэ тэмсээндээ Буряадай гүрэнэй ехэ hургуулиин багшанарые,эрдэмтэдые шүүгшэд болгожо уридаг. Мүнөө Таанадаа танилсуулхыемнай зүбшөөгыт:

1.Балдуева Любовь Михайловна, хэлэ бэшэгэй эрдэмэй дэд доктор;

2. Будаева Галина Дамбаевна,хэлэ бэшэгэй эрдэмэй дэд доктор, доцент;

3. Патаева Валентина Дугаровна,хэлэ бэшэгэй эрдэмэй дэд доктор, доцент;

4. Алла Дамдиновна, хэлэ бэшэгэй эрдэмэй дэд доктор, доцент;

5. Ошоров Сергей Гармаевич, педагогикын эрдэмэй дэд доктор, доцент;

6. Намдакова Ольга Доржиевна, БГТРК-гай шеф редактор

Халуунаар угтан абая даа!

1.Мүнөө тайзан дээрээ һургуулиингаа захиралые уринабди.

2.Уула хада, тайгаараа

Уужам үргэн талаараа,

Оюун Байгал далайгаараа,

Онсо илгаатайш шарайгаараа

Оо, минии Буряадни!

1.Эхин шатын ангинуудай шабинар

эхэ хэлэнэйнгээ уянгата мүрнүүдые бэлэглэхэнь.

2.Сахим номоймнай hайндэртэ заншалта ёhоороо Буряад Уласай болбосоролой болон эрдэм ухаанай яаманай сайд уригданхай. Тайзан дээрээ уринабди.

1.Морин хуурай уянгата хүгжэм уяран шагная даа ...

2.Мүрысөөндэ ерэhэн Та бүгэдэндэ үндэр амжалта хүсөөд, анги ангяар хубааржа,танхимуудтааорохыетнай уринабди

2-ое Отделени: Үдын һүүлээр:

1. Түрэл хэлэн

Түрэһэн дайда хоёроо

Түби дээгүүр

Хаанаш яба – мартахагүйш!

Энэ хэлэн дээр

Эжыгээ нэрлээш өөрөө

Энэ дайдаар

нюсэгэн хүлөөрөө гүйгөөш.

7-дохи классай hурагша Номина Цырендылыкова ёохорой дуунай дээжые бэлэглэхэнь.

2.Зай, иигээд «Эхэ хэлэн» гэһэн сахим номоор мүрысөөмнай түгэсэбэ. Шалгарагшадаа элирүүлхэ сагнай ерэбэ даа.

1.Тайзан дээрээ жюриин түрүүлэгшэ хэлэ бэшэгэй эрдэмэй кандидат, Буряадай гүрэнэй ехэ һургуулиин доцент Валентина Дугаровна Патаевада үгэ үгтэнэ.

(шалгарагшадта дипломуудые, багшанарта баярай бэшэгүүдые барюулна)

Манай айлшан болохо Шэбэртын дунда hургуулиин шабиие тайзан дээрээ урия даа!

2.Хүндэтэ харагшад! Мүрысөөнэймнай жюриин гэшүүн, хэлэ бэшэгэй эрдэмэй кандидат, Буряадай гүрэнэй ехэ һургуулиин доцент Будаева Галина Дамбаевнае тайзан дээрээ урия даа.

(Вручение дипломантам-учащимся среднего звена, вручение благодарственных писем учителям)

1.Эрхүү буряадуудай хатар.

2.Тайзан дээрээ һургуулиингаа захиралые уринабди.

(Вручение дипломантам-учащимся старшего звена, вручение благодарственных писем учителям)

1.Баруун буряадуудай арадай дуунуудай аялга

2.Дэлхэй дээрэ

олон ондоо яһатан,

Дэлхэй дээрэ

олон ондоо хэлэтэн...

Тэдэнэй дунда

минии түрэлхи арад,

Тэдэнэй дунда

минии түрэлхи хэлэн...

1. Зай, иигээд, заншалта болоһон республикымнай буряад сахим номой мүрысөөндэ ерэжэ хабаадаһандатнай багшанартаа үшөө дахин халуун баярые хүргөөд, бэедэтнай элүүр энхэ, ажабайдалдатнай зол жаргал, ута наһа, удаан жаргал хүсөөд, ургажа ябаһан шабинартнай хододоо үрэ дүнтэй, эрдэмэй орьел өөдэ дабшажа, хододоо Таанадаа баярлуулжа ябаг лэ гэжэ хүсэнэбди.

Хоюулаа: Дахин уулзатараа баярта