Сценария внеклассного мероприятия

Адетдин къармахра

Фат1имат- кул элязава.

Рушар- Я руш на вучизва?

Фатимат .: аквазвачни…………… к1вал шткизва.Куьн гьина авй тир?

Рушар : чун ликпунктуна.

Фат1имат : Куьне гьана к1елзавани ?

Рушар : эхь. Ша вуни чахъ галаз.

Фатимат : зун бубади ракъурдат1а ,чидач. Хьурай,къведа зун, дидедиз лагьана.

(Рушар фена)

(Гевгьера перем цвазва.к1вализ хкведа Къурбан. Гевгьер къарагъда к1вачел)

Гевгьер : Ацукь чан итим. ( хъуьцуьган вугуда итимдиг)

Къурбан: Фурукь,я Фурукь,заз гишин хьанва. Са т1имил кьван фу гъваш!

(фу гъана)

Им вучтин фу я, кьилел гьалч авурт1а, кьил хадай, икьван баят ? Ваз чизвачни зи сиве ц1уд сасни амачирди.

Гевгьер : Зун фу чраз агакьнач.

Къурбан : Фат1имат гьинава?

Гевгьер : чидач.

Къурбан : гьик1 чидач . Лагь руш гьина ават1а ?

Гевгьер : чан… чан… итим… итим……..

Къурбан : лагь,лагь…. Къабандин руш , за ваз лагь лугьузвачни?

Гевгьер : чан кас , завай са хата хьана.

Къурбан : вуч хьана?

Гевгьер : руш к1елиз ракъурна.

Къурбан : гьиниз?

Гевгьер : ликпунктуниз.

Къурбан :ликпункт …….Ви кьилел ч1ур хьуй дангъуздин руш, чаз к1амайди руша к1елун я…….

(Фат1имат хкведа)

Къурбан : Яруш , иниз ша кван… вун гьина авай ?

Фат1имат: Зун Пейкербурун к1вале.

Къурбан : табмир ,киц1ин велед, заз чизва вун гьина авайт1а.

Фат1имат : я буба ана акьван хъсан рушар , муаллимар авай хьи….

Къурбан : муаллимни галаз кьий вун. Тарсар ви кук1ваз къалум хьуй, дангъуздин велед .

(Фат1имат шехьна)

Гевгьер : Я кас , ша вун Аллагьдиз килиг , аял шехьиз вичи – вич рекьизва , фирай ам к1елиз.

Къурбан : Лал хьухь къабандин руш, на зи чандал звал гъимир , за ви кьилиз къеме вегьеда.

Гевгьер: ибурни ви крар дуьз хьана , имни инсаф хьана.

Къурбан : Я яяяяяяяяяя къабандин руш, за ваз лал хьухь лугьузвачни ?

( перде агална)

( Гевгьера хразва. Фат1имата самовар михьзава)

Гевгьер : михьа чан бала . вун къе пака гъуьлуьз тухуда. Гьар са кар чиз хъсан я. Аквазвани ваз дак1арда авай лацу фите ( ягълух) . ам ви лишандал вегьенвайди я.

Фат1имат : вуч? Низ гана зун?

Гевгьер : А вини магьледа авай …..Кельбиханан гада Гьажимурад вуч я , гьадаз.

Фат1имат : Аллагьдин хатур ават1ани гумир куьне зун дак1андаз .

Гевгьер : шехьмир бала, шехьмир.

( Къурбан хкведа)

Къурбан : Ина авайди вуч йикьни – шуван я . я къабандин руш , куьди вуч шехьун я.?

Гевгьер : Я чан кас, элкъуьр хъия лишанар .Ваз аквазвачни аял гьик1 шехьзават1а .

Къурбан : Чанни акъатични адан ,ам шадвилин шехьунар я. Шехьрай .

Куь гьазурвилер ая, Мехъерар чна яргъал вегьенвач.

( къурбан фена)

Перде агална

Фат1имат : Харап1а хьуй и дуьнья! Яраб зун вучиз икьван бахтсуз ят1а!

Мани……….

Рушар: Эльдер хтана. Эльдер хтана.

Эльдер: Я рушар, куьди вуч манияр лугьун я, вуч хьана? Вуч хабар я?

Рушар : бес ваз хабар авачни , фат1имат гъуьлуьз тухузва.

Эльдер : низ?

Рушар: Гьажимурадаз.

Эльдер : адан вахт тахьанмаз гъуьлуьз гьик1 гузвай тир .?

( фида бубадин патаг)

Эльдер : Салам алейкум !

Итимар : алейкум салам ………….

Эльдер : Я буба , вуна Фат1имат гъуьлуьз ганани ?

Къурбан : эхь. Гана .

Эльдер : адан 18 йис тахьанмаз на гьик1 гана?

Къурбан : ваз вуч азар ава, велед зиди. К1андайдаз за гуда , мез хвена , кисна ацукь!

Эльдер : Ваз гьикьван хъел атайт1ани , за инал исятда женотдел гъида.

Элана : ……………..женотдел вуч лагьай гаф я……

Къурбан : Я к1вал ч1ур хьайидан хва , на зун беябур ийизва хьи ! Чаз ван хьайибри вуч лугьуда . Ша вун Аллагьдиз килиг , зи вилера бармак твамир !!

Эльдер : Исятда за инал женотдел гъида.

Элана: ( къарагъда к1вачел ,Эльдеран гуьгъуьниз физ – физ….)

Ви намус гьиниз фенва ,намуссуз …..тфу ….тфууууууу

Я рушар , куьн вуч секинзава. Къала лагь кван са Ахцегьрин манийрикайса мани .

Рушар :

« Билдир Беневша»

Кьуру кала явшанар .

Билдир беневша билдир

Юлдаш тухур душманар

Гьарай чан юлдаш . 2р

Билдир Беневша билдир .

Дагълара къушар .

Гьамамдин рекье билдир

Чан таза рушар . 2р

( Элдерни женотдел хтана)

Женот : Салам алейкум ! Къурбан стха .

Къурбан : ва алейкум салам.

Женот: куь рушан шумуд йис я?

Къурбан : на вучда зи рушан шумуд йис ят1а.

Женот : за квез лагь лугьузвачни ?

Къурбан : ц1 …….ц1….. 18

Женот: таб вучиз ийизва ? куь рушан 15 йис я.

Къурбан : ваъ,ваъ … адан 18 йис я.

Женот: куьне а руш гъвеч1измаз вучиз гъуьлуьз гузва ?

Къурбан : Бес тун тавуна чна ам тадани . рушанди гъуьлуьз гун я,гададинди – паб гъун.

Женот: квез хабар авачни ? руш агакь тавунмаз гъуьлуьз гуз садазни ихтияр авачирди .

Элана: сабур ая ,Рукъужат вах, къал- макъал ийимир .

Женот : ингье куьне руш 18 йис тахьанмаз дак1андаз 300 манатдихъ масса гузва.

Къурбан : Бес вучида?

Женотдел : Мехъерар акъвазарда . тахьайт1а за и кар суддиз гуда .

Къурбан : вуч???????????? 200 манат… 200 манат ……(кьил – мет гатазва)

Элана: квез минет хьуй , суддиз гумир , Рукъужат вах.

Къурбан : К1вал ч1ур хьана, беябур хьана . 200 манат……

Женот : Эльдер стха, твах жуван вах женотделдиз .

Чна ам вахъ галаз шегьердиз ракъурда. Ада к1елна , хтана вич хьтин мич1ивиле авай вахар уях ийидайвал .

( Эльдер , Женотдел , руш гваз хъфида)