Тарбиялык саат, 6-класс

Аманкан Мамыров атындагы №27жалпы билим берүүчү орто мектеби 6-Б класс Тарбиялык саат т: «Ден-соолук көркү-спорт» Класс жетекчи: Сейитбекова Венера

Сабактын максаты: Окуучулар адамдын спорт менен машыгуусунун ден-соолукка таасири жөнүндө түшүнүк алышат. Өзүнүн ден-соолугуна кам көрүү керек керек экендигин түшүнөт.Аң-сезимдүүлүккө,сергек жашоо мүнөзүнө,спорт менен машыгууга умтулуусуна өбөлгө түзөт.

Сабактын жабдылышы: Ден-соолук жөнүндө учкул сөздөр жазылган плакат.

« Биринчи байлык-ден-соолук» дегендей,адамдын ден-соолугу жакшы болсо,ал өзүнүн турмушун жакшы жолго коюуга,билим алууга,өз максатына жетүүгө мүмкүнчүлүгү болот.Ошондуктан ар бир адам өз ден-соолугуна кам көрүүгө милдеттүү.Оорунун алдын-алуу эң натыйжалуусу сергек жашоо мүнөзү-тазалык,жаман адаттардан алыс болуу,туура тамактануу,денени чыңдоо экени белгилүү

Денени чыңдоодо спорт менен машыгуу жакшы жыйынтык берет. Анткени спорт менен машыгууда адамдын бардык булчуңдары кыймылга келип,кан айлануусу жакшырат.Спорт менен машыгуу адамдагы ыкшоолук,ашыкча толуп кетүү жана башка ден-соолукка зыяны тие турган факторлордон арылтат.

Талкуулоо үчүн суроолор: 1.Балдар,айткылачы,спорттун кайсы түрү менен машыккан пайдалуу деп ойлойсунар? 2. Адамдын организмине пайдалуу гимнастикаларды билесинерби? 3.Ал гимнастикаларды көрсөтүп бере аласынарбы?

Демек,спорт менен үзгүлтүксүз машыгууда булчуңдар,өпкөлөр жана жүрөктөр кычкылтек менен толукталып,булчуңдарды бекемдеп,чыдамкайлыкты жогорулатат,жүрөк-кан тамыр системасынын жакшы иштешине шарт түзөт.

Балдар!Дайыма кыймылда болуп,көнүгүүлөрдү жасап жүрүү-энергияны жогорулатып,жүрөк-кан тамыр системасынын жакшы иштешине өбөлгө түзөт.Ден-соолук үчүн дайыма машыгып,кыймылда болуу- жашообуздун негизги маңызын түзөт.Муну эсибизден чыгарбайлы!

Кымбаттуу балдар! Спорт менен ар дайыма машыккыла! Ден-соолукка кам көргүлө!