Текшерүү иши №5

Сабакка чейин

Сабактын темасы: Текшерүү иши №5

Сабактын методу: өз алдынча иштөө

Сабактын тиби: Аралаш

Сабактын формасы: өз билимин текшерүү сабагы

Күтүлүүчү натыйжа:

• Химиялык байланыш;

• химиялык элементтердин терс электрдүүлүк;

• химиялык байланыштын түрлөрү;

• химиялык байланыштын пайда болушун айтып бере алышса;

• химиялык байланыштын түрлөрү:

-коваленттик

-суутектик

-металлдык

-иондук байланыштар боюнча берилген тапшырмаларды жана көнүгүүлөрдү өз алдынча иштей алышат

Сабактын мотивациясы (бул сабак эмнени берет): Химиялык байланыш жөнүндө түшүнүктөр, химиялык элементтердин терс электрдүүлүгү, химиялык байланыштын түрлөрү: коваленттик, суутектик, металлдык, иондук байланыштар боюнча алган билимдерин текшеришет жана бекемдешет

Сабактын ѳбѳлгѳсү (Окуучунун априордук билими (мурунку билими)): Атом, атомдун электрондук формуласы, мезгилдик система, жөнөкөй жана татаал зат, химиялык элемент, химиялык байланыштын түрлөрү боюнча билими бар

Сабактын жабдылышы: Слайддар, сүрөттөр, моделдер, анимация колдонулат.

Убакыт: 45 минута

Убакытты бѳлүштүрүү:Чакыруу этабы:6-8мин

Түшүнүү этабы(сабактын негизги бѳлүгү):22-25 мин

Ойлонуу этабы (сабакты бышыктоо):12-12 мин

Сабак

Сабактын жүрүшү:

Чакыруу этабы:

Сабактын чөйрөсү: Саламдашуу,класстын тазалыгына кѳз салуу,тактоо.

Жагымдуу маанай түзүү: Чымчык тести

Үй тапшырмасын текшерүү жана ѳтүлгѳн теманы кайталоо:

1.HCl, Cl₂, NaBr молекуласындагы химиялык байланышты далилдүү аныктагыла

2.Хром атомундагы валенттик электрондордун дүүлүккөн абалында орбиталлдар боюнча жайланышы кандай? Жазып түшүндүргүлө.

3.Хлордуу суутек молекуласындагы химиялык байланышты жазып түшүндүргүлө

Түшүнүү этабы(сабактын негизги болүгү):

1.Заттардын түзүлүшү, химиялык байланыш.

Зат – бул тынч абалында белгилүү бир массага ээ болуп, биздин аӊ сезимибизен тышкары жашап, сезим органдарыбызда туюну пайда кылуучу материанын бир түрү. Мисалы;суу, кант, туз ж.б.

ХИМИЯЛЫК БАЙЛАНЫШ

Химиялык элементтер жаратылышта атом түрүндө эмес, негизинен жөнөкөй жана татаал заттар түрүндө кездешет. Асыл газдар гана - гелий, неон, аргон, криптон жана ксенон табиятта атомдук абалда кездешет. Бул асыл газдардын атомдорунун электрондук катмарларынын туруктуулугу менен түшүндүрүлөт. Башка бардык жөнөкөй жана татаал

заттарда атомдор бири-бири менен химиялык байланыштар аркылуу бириккен абалда болот. Химиялык байланыштардын негизинде элементтердин атомдору бири-бири менен кошулуп молекулаларды, иондорду жана эркин радикалдарды пайда кылат.

Ойлонуу этабы(сабакты бышыктоо):

I

1.О₂ молекулаларынын арасындагы байланыштардын схемасын көрсөткүлө Канча σ, канча π байланыштары бар?

2.Н₂О, H₂S молекулаларындагы байланыштардын схемасын көрсөткүлө.

3. Уксус кислотасынын CH₃COOH молекуласынын ортосундагы суутектик байланыштын пайда болушун чийип көрсөткүлө

4.Күкүр атомунун валенттүүлүктөрүн аныктагыла

II

1.N₂ молекулаларынын арасындагы байланыштардын схемасын көрсөткүлө Канча σ, канча π байланыштары бар?

2. NH₃, CO₂ молекулаларындагы байланыштардын схемасын көрсөткүлө.

3. Этил спиртинин C₂H₅OH молекуласынын ортосундагы суутектик байланыштын пайда болушун чийип көрсөткүлө

4.Фосфор атомунун валенттүүлүктөрүн аныктагыла

Үйгѳ тапшырма:

1.HF HCl HBr HI катарындагы бирикмелердин бекемдиги кандай өзгөрөөрүн аныктагыла

Баалоо: