"Тұрлаусыз мүшелер"

Күні: 14.12.2012ж.       Сынып: 3 «Г»     Пән мұғалімі: Сапаева Ж.

Пәні: қазақ тілі

Сабақтың тақырыбы:                 Тұрлаусыз мүшелер

Сабақтың мақсаты:           1. Білімділік:

Сөйлемнің тұрлаулы және тұрлаусыз мүшелерін анықтауды, әр сөйлем мүшесіне сұрақтар қою арқылы тұрлаулы не тұрлаусыз екенін және тұрлаусыз сөйлем мүшесінің байланысын  тілдік материалдарды орындату арқылы меңгерту;

2. Дамытушылық:

Оқушыларға әр түрлі тапсырмаларды орындату арқылы сөйлеу дағдыларын қалыптастыру,  танымдық, есте сақтау, зейіндік,  бақылау, салыстыру, ұқсастық пен айырмашылықты  бөліп көрсете алу  дағдыларын дамыту;

3. Тәрбиелік:

Отанына, Қазақстан Републикасына, туған жерге деген сүйіспеншілікке, оның жетістіктерін құрметтеуге және еңбек етуге, дербестілікке, ден қоюшылыққа тәрбиелеу.

Сабақтың типі:          қайталау сабағы

Қолданылатын технология:       «Ойын технологиясы», «СТО»

Қолданылатын әдіс-тәсілдер:     әңгіме, бақылау, көрнекілік, «Ішіне-сыртына», салыстыру, сұрақ –жауап, талдау-жинақтау,т.б.

Пәнаралық байланыс: бейнелеу өнері, ана тілі

Қолданылатын техникалық құралдар: компьютер, интерактивті тақта

Көрнекілігі:        сызбалар және  үлестірмелі қағаздар, бағалау парақшалары мен ту

Сабақтың барысы:   

І. Ұйымдастыру кезеңі:     

• Сәлемдесу, түгелдеу, класс бөлмесінің тазалығына  көңіл бөлу, оқушылардың  сабаққа дайындығын тексеру,  олардың назарын сабаққа аудару;

• Психологиялық икем:

 Жабырқауды білмейміз,

Жалқаулықты сүймейміз.

Біз талапты жас ұлан,

 Үлгі аламыз жақсыдан.

Абай, Мұхтар сөйлеген,

Қазақ тілі пәнінен,

                   Білім нәрін аламыз.

ІІ. Үй тапсырмасын тексеру кезеңі:

• Балалар, үйге бүкіл сыныпқа ортақ қандай тапсырмалар берілді?
• 70-жаттығу мен ережелерді қайталап жаттау және жазу.

70-жаттығу. Мәтінді оқы.

Тасбақа мен тышқан

Тасбақа мен тышқан келе жатты. Олар түлкіні көрді. Тышқан інге кіріп кетті. Ол іннен басын ғана  қылтитып, тасбақаға:

- Інге кір. Мұнда қауіпсіз, - деді.

- Рақмет. Маған ін қажет емес. Өз інім өзімде, - деп, тасбақа қабығын жамылып бұға қалды.

Үлгі: (СТО)                         

Ішіне                                     Сыртына

                                               келе жатты                          түлкіні

                                               тасбақа                                інге

                                               тышқан

                                               көрді

олар

кіріп кетті

ІІІ. Үй тапсырмасын бекіту:      Әңгіме әдісі арқылы бекітемін.

• Балалар, тапсырманы жақсы орындадыңдар, жарайсыңдар!
•  (Ата бата береді)

ІV. Жаңа материал бойынша  түсінгендерін  зерттеу кезеңі:

• Оқулықпен жұмыс.      

72-жаттығу. Сөйлемдерді көшіріп жаз.

Қонақтар төрге отырды. Мөлдір шай жасады. Дастарханды дәмді тағамға толтырды.  Шайды   әжесі   құйды.

• Сөйлемдерді сөйлем мүшелеріне талда.

         Қонақжайлылық

Қазақ халқының  ұлттық дәстүрлерінің бірі – қонақжайлылық. Ол адамдар арасындағы  сыйластықты, бір-біріне деген құрметті, қамқорлықты көрсетеді.

73-жаттығу. (Тақтамен жұмыс)

Мақалды көшіріп жаз.

                            Кең киім оңай тозбайды,

                            Кеңесті ел  азбайды.

• Тұрлаулы, тұрлаусыз мүшелердің астын сыз.
• Мақалдың  мәнін қалай түсінесің?

Сергіту сәті:       Орнымыздан тұрайық,

                            Тақтаға зер салайық.

                            Денемізді тік ұстап,

                            Біраз шынығып алайық.

                                                        Қолды жанға созайық,

                                                        Түзу сызық жасайық,

                                                        Бұл бастауыш сызығы

                                                        Екенін есте сақтайық.                 

                            Қос аяқты қосып ап,

                            Баяндауыштың сызығын,

                            Қане, есте сақтайық.

                                                        Денемізді иректеп,

                                                        Ирек сызық сызайық,

                                                        Тұрлаусы мүшені есте сақтайық.

74-жаттығу.       (Тақтамен жұмыс)

Жұмбақтарды оқы, шешуін тап.

Әуеден  күбі  түсті,

Күбінің түбі пісті.

                                                        (Найзағай)

Қуыста қызыл әтеш билейді.                  (От)

• Сөйлемдердегі бастауыш пен баяндауышты тап.
• Тұрлаусыз мүшелерді тап. Оларға сұрақ қой, сөзбен байланысып тұрғанын айт.

75-жаттығу.  (Ауызша талдау)

Сурет бойынша әңгіме құра.

• Әңгімеңдегі 2-3 сөйлемді сөйлем мүшелеріне талда.

76-жаттығу. Өлеңді жатқа жаз.

                            Лебі мұздай,

                            Алып келді қыс қарды.

                            Қысқа түндер ұзарды,

                      Ұзақ  күндер қысқарды.             

                                              (Нұрсұлтан Әлімқұлов)

• Соңғы  екі сөйлемді  сөйлем мүшелеріне талда.
• Сөздердің байланысын  сызбамен көрсет.

V. Бекіту кезеңі:

77-жаттығу. «Кел, ойнайық!» Адасқан сөйлем мүшелерін өз орнына  қой.

78-жаттығу. Мен өзімді қалай сынаймын.

1. Баяндауыш

2. Бастауыш                                   мүшелерді сұрақ қойып табамын.

3. Тұрлаусыз мүше

• Міртай өзін-өзі қалай сынайды? Сендер де өздеріңді - өздерің осылай сынап көріңдер.

• Үлестірмелі қағаздарды тарату. Әр оқушы  сөйлемді 78-жаттығу негізінде талдап, өздерін-өздері сынайды.

VІ. Қорытындылау кезеңі.

                                      Суретпен жұмыс.

Сурет фрагменттерін сұрақтарға жауап беру арқылы ашу.

     VII. Үйге тапсырма.

• «Қысқы қызық ойын» тақырыбында әңгіме жазу, сөйлем мүшлерін табу, астын сызып келу.
• Ережелерді жаттау.

     VIII. Бағалау.

• Белсенді және үлгерімі төмен оқушыларды

 5 баллдық жүйе бойынша бағалау,