Түзу, ирек сызықтар.

Сабақтың  мақсаты:

• Екі  нүктенің  арасын  түзу  сызықпен  қосу.
• Қол мен  саусақтардың  қимылы  мен  қозғалысын  қалыптастыру.
• Тақырып  бойынша  сөздік  қорын  молайту (тақта,бор,қалам,дәптер, т.б)
• Баланың  ойлау, есте  сақтау  қабілеттілігін  дамыту, ұсақ  қол  қимыл  қозғалысын    арттыру.

Сабақтың   түрі:  аралас  сабақ.  

 Әдіс-тәсілдері: әңгімелесу, сұрақ-жауап,сергіту  сәті, ойын.

Көрнекі-құралдар: суреттер,  қима  сызықтар, тақтаға  ілетін  құралдар,бор.

I апта

Сабақтың  барысы:   

 I. Ұйымдастыру   кезеңі:  Балаларды  түгелдеу, оқу құралдарын  жинақтау, ой  қозғау (көрнекіліктер  арқылы).

 Психологиялық  дайындық:    Күн, ауа, жер, су, аспан

                                                      Маған, саған, біздерге

                                                      Бақыт,махаббат, жақсылық тілейміз.

 III.  Жаңа  сабақ.  Бүгінгі  сабағымызда  екі  нүктенің  арасын  түзу  сызықпен  сызып, үлгі  бойынша ирек  сызықтарды  жазып  үйренеміз. Практикалық  жұмыста қолдарына қалам алып, алдарындағы қағаздың бетіне ұшын тіреп, қаламды көтереді. Не пайда болды? (Нүкте). Енді сол нүктеге жанастырып  бірнеше  нүктелер саламыз. Не пайда болды? (Kөп нүкте,сызық). Сызықтың түрлері: түзу, қисық, сынық. Жіпті алып партаның бетіне тастайды. Қандай сызық пайда болды? (Қисық сызық). Жіпті екі ұшынан ұстап көреді. Не пайда болды? (Түзу сызық). Сызғышпен  таныстырып, қағаз бетіне бір нүкте белгілеп, сол нүкте арқылы түзу сызық жүргізіледі. Тапсырма бірнеше рет қайталанады. Бір нүктеден сансыз көп түзу жүргізуге болады деген тұжырым жасалады. Суреттегі түзулер, сымдар жайлы әңгімеленеді. Қарындаш тапсырмасында берілген нүктелермен түзулер жүргізу тапсырылады. Сабақта нүкте, сызық, сызық түрлері, түзу, бір нүктеден түзу жүргізу туралы мағлұмат беріледі.  Сурет  көрсету.

IY.Сергіту сәті:  Қылқаламды  қояйық,

                               Орнымыздан  тұрайық.

                               Оңға  қарай  иіліп,

                               Солға  қарай  иіліп,

                               Белімізді  созайық.      

II апта

Сабақтың  барысы:   

 I. Ұйымдастыру   кезеңі:  Балалардың  зейінін  сабаққа  аудару, оқу құралдарын  жинақтау, ой  қозғау (көрнекіліктер  арқылы).

Мимикалық  гимнастика.   Көзімізді  ашып-жұмамыз (қатты-жәй)

Ернімізді  түтікше  тәрізді  алға  қарай  созамыз. «Жымию»

Екі нүкте арқылы түзу жүргізу. Балалардың алдына бір-бір парақ беріліп, оның бетіне екі нүкте белгілетіп, сол екі нүктені бастыра түзу жүргізеді. Осы екі түзуді бастырып тағы басқа түзу жүргізіледі. Екі түзу бір-бірімен беттескенде екі нүктеден бір ғана түзу пайда болады, — деп тұжырымдайды. Тапсырмада екі нүктені бастыра жүргізілген түзулерді үстінен бастырып тағы түзу жүргізуге болатынын екі нүкте арқылы бір түзу жүргіздік деген тұжырым нақтыланады. Бір нүкте арқылы жүргізілген түзулердің үстінен тағы түзулер жүргізіп, бір нүкте арқылы сансыз көп түзу жүргізуге болады деген тұжырымды тағы бір рет қайталайды.

"Нүктелерді қос"ойын.

Көрнекілік: нүктелермен бейнеленген жұлдызша, жалауша бейнелері.

Ойын шарты: Қағаз бетіндегі нүктелерді қосу арқылы бейнелерді анықтау, атын атау.Неше нүкте бер екен? Сұрағына жауаптарын тыңдау. Нүктелерді немірлету, сандарды тура және керісінше атату. Ойын нәтижесінде түзу, ұшбұрыш, тікбұрыш ұғымдарын қалыптастыру, сандарды тура және керісінше атау.

IY.Сергіту сәті.

III  апта

Сабақтың  барысы:   

 I. Ұйымдастыру   кезеңі:  Балалардың  зейінін  сабаққа  аудару, оқу құралдарын  жинақтау, ой  қозғау (көрнекіліктер  арқылы).

 Психологиялық  дайындық.   «Күлімде  күн, күлімде!

                                                     Күлсін барлық бала шат!

                                                     Берекелі  бүгіндей

                                                     Бейбіт  болсын  болашақ!»

Тапсырма: Қарындаш  арқылы берілген нүктелерді (түсіне қарай, екі қара, қара, кек) бастыра түзу жүргізу тапсырылады.Кесіндінің пайда болуын практикалық жолмен меңгертеміз. Ұзын жіпті (арқан) алып, екі балаға керіп ұстатып, сол түзу жіптен кесінді кесіп алады. Алынған жіптің кесіндісі арқылы оның ұзындығының белгілі бір өлшемі бар екендігін түсіндіреміз.

Көзге  арналған  жаттығулар: Екі  көзімізбен  оң  жақ  иығымызға  қараймыз да,             5 секунд  тұрамыз. Екі  көзімізбен  сол  жақ  иығымызға қараймыз да, 5 секунд  тұрамыз.

IY.Сергіту сәті.

IY  апта

Сабақтың  барысы:   

 I. Ұйымдастыру   кезеңі:  Балаларды  түгелдеу, оқу құралдарын  жинақтау, ой  қозғау (көрнекіліктер  арқылы).  Психологиялық  дайындық.  «Күлімде  күн, күлімде!

                                                                                                Күлсін барлық бала шат!

                                                                                                Берекелі  бүгіндей

                                                                                                Бейбіт  болсын  болашақ!»

Тапсырма: дәптердегі   сызықтарға  қарап, дәл  сөйтіп  сызып  үйрену.  

V.  Бекіту.

Көзге  арналған  жаттығулар: Отырып  жасалады. 3-5 секунд  оң  қолыңның  сұқ саусағына  қара, содан  соң  қолыңның  алақанымен  сол  жақ  көзіңді  3-5  секундқа  жаба  тұр,  осы  арада  оң  жақ  қолыңды  бүгіп  және  жазып  тұр. Ал, енді  керісінше  оң  қолыңмен  оң  жақ  көзіңді  жауып  орында.

 VI. Қорытынды.

Сұрақ-жауап  арқылы  тақырыпты  қорытындылау.     

VII. Бағалау.

Балаларды  жеке-жеке мадақтау.