8март- Халыкара хатын-кызлар бәйрәме.

8март- Халыкара хатын-кызлар бәйрәме.

Көннең яктылыгы кояшта, күкнең матурлыгы-йолдызларда, җир йөзенең гүзәллеге –хатын-кызларда дип әйтелгән бик матур сүзләр бар. 6март көнне без дә уртанчылар төркеме белән “8 март – Әниемнең бәйрәме ” дип аталган матур бәйрәм-кичәсен үткәрдек. Бәйрәмгә кадерле әниләр, әбиләр, дәү әниләр, апаларыбызны чакырдык. Бәйрәм балаларның шигырьләре, җырлары күңелле уеннар белән үрелеп барды. Кунакларыбызны да тик утыртмадык алар белән “Әпипә”, “Серле тартма”, “Балаңны таны ” һ.б уйнадык. Кызлар әниләре өчен әзерләгән биюләрен бүләк иттеләр. Кадерле кунакларыбыз өчен тәрбияче апаларыбыз да бүләк әзерләгән. Алар Фәнис Яруллинның “Кояштагы тап” әсәрен сәхнәләштереп күрсәттеләр. Бәйрәм ахырында балалар үзлләренең якын кешеләренә бүләкләрен тапшырдылар. Әниләребез дә бик зур рәхмәт, җылы сүзләр әйтеп бәйрәмебезне бик күтәренке кәеф белән тәмамладык.