Аба тухай найруулга

Аба тухай найруулгаяа би энэ наhанайнгаа хуудаhан шэнги бэшээб. Һанаан соогоо хуудаhануудаа ирахадаа, би ойлгоном, абамни намдаа ямар шухала удхатай, минии наhанда ямар тусгаар hуури эзэлнэб гээшэ. Абымни хажууда yнгэржэ ябаhан сагни намда наhанаймни хэшээл болоно. Мyнѳѳ абынгаа харуулhан, yгэhэн хэшээлнyyд тухай хѳѳрэхэмни. Абамни ажалша, энэрхэг, хyсэтэй, yнэн сэхэ, зоригтой хyн. Алтан дэлхэй дээрэ тyрэхэдэмни, эжытэймни адлихан баярлажа, хѳѳрхэн заахан бэеыемни эльбэжэ мансылгаhан абамни намдаа хайратай. Абатай хyн наадажашье ябахадаа зоригтой, баяртай ябагша.

Абамни hургуулияа эрхимээр дyyргээд, Сэрэгэй Алба Монголдо пограничник байгаа юм. Эсэгэ Ороноо хамгаалгын hайндэртэ сэрэгэй алба хэhэн нyхэдѳѳрѳѳ уулзалга хэхэдэнь, би жэл бyхэн ошолсодогби. Энэ нyхэдэй онсо ёhо заншалынь болоно. Уулзалгануудтаа фотозурагуудые харадаг, Эхэ оронойнгоо нэрэ хyндэ, эб найрамдал тухай хѳѳрэлдэдэг. Арми- хадаа ёhотой эрэшyyлэй гарадаг hургуули. Энээн тухай би бага наhанhаань мэдэнэб.

Бидэ Эрхyy голой эрьедэ ажаhуудагбди. Абамни ехэл загаhа бариха дуратай. Зааханhаань абаяа дахажа, загhашалха тухай мэдэхэ болооб. Ямар сагта яажа баридаг бэ гэжэ. Yбэлдѳѳ Мойhотын нуурта ошожо, загаhа баридагбди. Гушан градус хyйтэндэ тиимэшье гоё элдэб сэнгэлгэ бэшэ. Ямар гоёб даа, мyльhэн дээрэ hуугаад, халуун сайгаа уужа, сэбэр агаараар амилжа hуухада. Гоё hайхан юумэн гэдэг энэл байна!

Абамни ехэ бэрхэ агнуушан болоно. Манай бyлэ ехэ ой тайга руу ошохо дуратай. Зундаа эжы абатаяа жэл бyхэндэ Шумаг амархаяа ошодогбди. Морёо унаад лэ, хоёр yдэр соо Саяан хадын тала дайдаар, байгаляар hайгшаан ябахаш. Абамни намайе гурбатайhаамни морёор ябуулжа hургаа.

Минии hанахада абымни наhан зyбѳѳр ябталагданхай. Ѳѳрѳѳ томо ехэ гэр баринхай, модондо ехэ уран. Газаагаа сэсэрлиг шэнги модо hуулгаа. Би абадаа дуратайб, абаяа ехэ хyндэлдэгби. Абатаяа адли боложо, саашадаа хyн зондоо, yхибyyдтээ жэшээ боложо ябаха hанаатайб. Абымни наhанай ябадалга хадаа: hайн hайхан зан, ажал хэхэ дуран, сэхэ сэбэр ябадал болоно. Энэл шанарнууд хyнэй жаргалай hуури болоно. Минии аба алтан дэлхэй дээрэ эгээл хyндэтэй хyн!