Адептүүлүк жөнүндө

Бир илимпоз киши бир бай менен сүйлөшүп турган эле. Ошол кезде алардын жанынан бир жарды адам өтүп бара жатып окумуштууга ийилип салам берди. Окумуштуу башын ийип, колун берип саламдашты. Анда жанында турган бай, «таксыр сиз илимдин адамысыз, ал кедей. Сиз эмнеге ага башыңызды ийип салам бердиңиз?» — деп сурады. Анда илимпоз киши: «Эч бир илим билимден кабары жок киши ийилип, адептүүлүгүн көрсөтүп жатса, мен андан адепсиз көрүнсөм ылайык келбес бекен», - деген экен. Адептүүлүк кандай жогорку сапат. Элибизде жакшы сөз бар эмеспи: “Ийилгенге ийилгин, башың жерге тийгиче”. Ал эми бүгүн бир адам иш бөлмөбүзгө келип, отургандардын бирине аябай бакылдап, он мүнөттөй сүйлөп отурду. Калгандарыбызга бир топ ыңгайсыздык жаратты. Менимче, бул адепсиздик.