Ак калпак жөнүндө маалымат

Калпак көбүнчө ак кийизден жасалгандыктан,ак калпак деп аталган.Калпак-кыргыздын улуттук көркөм дөөлөттөрүнүн көрөнгөсү.Ата-бабадан кастарланып келе жаткан асыл мүлк.Кыргыз эли эл болуп түзүлгөндөн бери жашоонун,улуулуктун,тазалыктын,улуу күндүн символу,ыйык белгиси катары кастарлап сүр тутуп,сөөлөт санап,көрк катары маанилүү шаң салтанатка кийип жүргөндүгү жалпы дүйнө элине белгилүү.

Оюлуп алынган кийиздин кырларын ак,кара,көк,жашыл тукабадан,чийбаркыттан.сатинден,макмалдан,баркыттан,кыжымдан кыюу коюп тигип чыккан.

Калпактын кырына коюлган түстүү кыюулар адамдын жаш өзгөчөлүгүнө жараша болот.

Калпак кышкысын жылытат да,жайкысын сергитет.