Առաջին Կին Ծրագրավորողը

Ադա Լավլեյս Ada Lovelace
Ծնվել է	դեկտեմբերի 10, 1815 Փիքադիլի, Միացյալ Թագավորություն
Մահացել է	նոյեմբերի 27, 1852(36 տարեկանում) Մարլիբոն, Լոնդոն, Միացյալ Թագավորություն բնական մահով
Գերեզման	Սբ. Մարիամ Մագդաղենացու եկեղեցի, Հաքնալ
Քաղաքացիություն	Մեծ Բրիտանիայի և Իռլանդիայի միացյալ թագավորություն
Ազգություն	անգլիացի
Մասնագիտություն	մաթեմատիկոս, ծրագրավորող, բանաստեղծ, համակարգչային գիտնական, գյուտարար, թարգմանիչ, գրող և ճարտարագետ
Հաստատություն(ներ)	Քեմբրիջի համալսարան
Գործունեության ոլորտ	մաթեմատիկա
Տիրապետում է լեզուներին	անգլերեն
Ազդվել է	Չարլզ Բեբիջ
Ամուսին(ներ)	Ուիլյամ Քինգ-Նոել
Երեխա(ներ)	Էն Բլանթ, Ռալֆ Քինգ-Միլբանկ և Բայրոն Քինգ-Նոել
Հայր	Ջորջ Բայրոն
Մայր	Աննե Իսաբելա Բայրոն

Հայտնի է որպես Չարլզ Բեբիջի մշակած հաշվիչ մեքենայի նկարագրության ստեղծող։

Ադան անգլիացի բանաստեղծ Ջորջ Բայրոնի աղջիկն էր։ Ադայի մայրը նույնպես տարված էր մաթեմատիկայով։ Նա դստեր համար հրավիրեց իր նախկին ուսուցչին՝ շոտլանդիայի մաթեմատիկոս Օգաստես դե Մորգանին։

1833 թ. Ադան ծանոթացավ Չարլզ Բեբիջի հետ։ Բեբիջն արդեն ավարտել էր հաշվիչ մեքենայի մշակումը և անցել կառուցման աշխատանքներին։

1835 թ. միսս Բայրոնն ամուսնացավ Վիլյամ Քինգի հետ, վերջինս շուտով ստացավ լորդ Լավլեյս տիտղոսը։ Նրանք դարձան 3 զավակների ծնողներ։ Սակայն ընտանիքը չխանգարեց Ադային զբաղվել իր նախասիրություններով։ Ադան գրեց Չարլզ Բեբիջի անալիտիկ մեքենայի նկարագրությունը՝ իր մեկնաբանություններով։ Հենց այդ մեկնաբանությունները թույլ տվեցին սերունդներին Ադա Բայրոնին անվանել աշխարհի առաջին ծրագրավորողը։ Նկարագրություններում կիրառվում էին այնպիսի տերմիններ, ինչպիսիք են «ենթածրագիր», «ենթածրագրերի գրադարան», «ինդեքսային ռեգիստոր», որոնք սկսեցին օգտագործվել միայն 1950-ական թվականներին։ Ադա Լավլեյսը առաջին անգամ կիրառության մեջ է մտցրել «ցիկլ» և «աշխատանքային բջիջ» տերմինները։

Ադա Լավլեյսը մահացել է 1852 թ. նոյեմբերի 27-ին և հուղարկավորված է Բայրոնների ընտանեկան գերեզմանատանը։

1975 թ. ԱՄՆ-ի Պաշտպանության նախարարությունը ընդունեց որոշում նոր ունիվերսալ ծրագրավորման լեզվի մշակման վերաբերյալ, որը կոչվեց Ada։