Արքիմեդյան ուժ։ Փորձեր։

Հեղուկներն ազդեցությունը իրենց մեջ ընկղմված մարմինների վրա կարող ենք զգալ ամեն անգամ երբ լողում ենք ջրում։ Օրինակ՝ եթե գետնից բարձրացնենք մի ծանր քար և այն աստիճանաբար ընկղմենք ջրի մեջ, կզգանք, թե ինչպես է փոքրանում մեր մկանային ուժը, որով քարը պահում ենք օդում։

Հեղուկի կամ գազի մեջ ընկղմված մարմնի վրա ազդում է դուրս մղող մի ուժ, որն ուղղված է ուղղաձիգ դեպի վեր, հավասար է մարմնի արտամղած հեղուկի կամ գազի կշռին և կիրառված է դուրս մղվող մարմնի ծանրության կենտրոնին։ Այդ ուժի մեծությունը որոշվում է մարմնի վրա գործադրված ճնշման ուժերի տարբերությամբ։ Եթե դուրս մղող ուժը փոքր է մարմնի կշռից, ապա մարմինը սուզվում է, իսկ եթե հավասար է՝ լողում է հեղուկում։ Եթե դուրս մղող ուժը մեծ է մարմնի կշռից, մարմինը դուրս է մղվում այնքան ժամանակ, մինչև որ նրա ընկղմված մասի արտամղած հեղուկի կշիռը հավասարվում էդուրս մղող ուժին։

Տեսանյութում դիտվող փորձերը ցույց են տալիս, որ հեղուկներն ու գազերը իրենց մեջ ընկղմված մարմինների վրա ազդում են դեպի վեր ուղղված մի ուժով, որն անվանում ենք Արքիմեդյան ուժ։