Ата-эне мээрими

Ата- эне Жараткандын адам баласына тартуулаган мээримдүүлүктүн өлкөсү, үй- бүлөнүн бакты-куту. Жашообуздун башкы каармандары, бардык жакшылыктарды өздөрүнө камтып турган, мээримдүү, боорукер, балдарына болгон сүйүүсү чексиз.адамдар.

Бирок акыркы мезгилде балдарын кордоп, жамандыктарга барган ата- энелерди көрүп калып жатабыз.

Мен 1-класстын алиппе сабагында "Пинвгин" деген теманы өтүп жатып аябай таасир алдым. Адамдар жаныбарлардын баласына болгон мээриминен үлгү алышыбыз керек экен деп ойлоп калдым

Эне пингвин жумуртканы чыгарып, атасына берип өзү тамактанганга деңизге кирип кетет экен.Атасы жумуртканы бутунун үстүнө кою 2 ай бою суука тоңдурбай карап турат. Эки айдан кийин, энеси деңизден чыкканда гана ал тамактанганга деңизге кирип кетет. Атасы 2 ай бою суукта чыдап, карап отурганы, али жарыкка чыга элек кичинекей пингвинге болгон мээрими жана жоопкерчилиги деп ойлойм. Жаныбарлар деле жашоо үчүн, балдарынын курсагын тойгузуш үчүн тамак издеп чыгышат.Бирок өз балдарына кордук көрсөткөнүн эч жерден жолуктурбадым.

Ал эми адамдарда ушундай мээрим, жоопкерчилик жоголуп баратат. Адам айбанаттардан акылыбыз менен айырмаланыбыз дейбиз.

Пингвиндин акылы болбосо да ата-энелик жоопкерчилиги, инстинкти, мээримдүүлүгү алда канча жогору экен.