Биз химикбиз!?

Жашоосунда химияны кезиктирет.

Химиянын татаалдыгын сезип билет.

Ал физиктер атомду бөлүп койсо,

А химиктер атомдорду бириктирет.

Математиктер эсептешет, билишет.

Маселе, эсеп ойлонбостон чечишет.

Түнү бою химияны окууса да,

Бир реакция теңей албай келишет.

Биологдор химияны билишпейт.

Билсе дагы эсептерин чечишпейт.

ДНК, РНКны жатап алып айтса да,

Формуласын туура жазып келишпейт.

Географтар геологдорун даңкташат.

Алтын, күмүш, көмүр кенин такташат.

Кара алтындан ак алмазды алышкан,

Кайра эле химиктерди макташат.

Георафтар минералдарды жатташат.

Сурьма, сымап, темир кенин такташат.

Минералдан жаңы элемент табышып,

Бул химиктер анализин башташат.

Автор: Бек Жеңишбек уулу