Диагноздоочу баалоо

Диагноздоочу баалоонун мааниси.

Диагноздоо – бул билим берүү процессинин жана окуу процессинин катышуучуларынын өзгөчөлүктөрүн таанып билүүчү, ошондой эле коюлган максатка жетүү үчүн так жана обүективдүү натыйжаны аныктоочу таанып билүү ишмердүүлүгү.

Диагноздоочу баалоо – мугалим кандайдыр бир окуу предметинин стадиясында окуу процессин андан ары туура уюштуруусу үчүн окуучунун алгачкы билим, билгичтигинин дещгээлин баалоо ишмердүүлүгү.

Диагноздоочу баалоонун максаты - программанын материалынын сапаттуу өздөштүрүлүшүнө зарыл предметтик окуу билим, билгичтик, көндүмдөрдүн калыптанган дещгээлин жана ишмердүүлүк ыкмаларын баалоо эсептелет.

Диагноздоочу баалоо окутуунун түрдүү этаптарында ишке ашырылат:

• окуу предметинин негизги түшүнүктөрүнүн окуучуда калыптангандыгын алдын-ала аныктап алуу максатында окуу жылынын башында;
• окуу материалынын мазмунун өздөштүрүүдө зарыл болгон таяныч билим, билгичтикти аныктоо максатында теманы же бөлүмдү окутуунун башында.

Улуттук Алкактык куррикулумда- белгиленгендей, диагноздоочу баалоо мугалим үчүн окутууга коюлган милдеттердин, ал эми окуучу үчүн окууга коюлган милдеттердин ишке ашырылышына оңдоп-түзөө киргизүү үчүн кызмат кылат.

Диагноздоочу баалоо окуучунун жеке мүмкүнчүлүгүнө жараша окууну пландаштырууга жана сапаттуу өздөштүрүү максатында окуу процессин ощдоп-түзөөгө мүмкүнчүлүк берет. Мугалим окуу жылы бою окуучунун баштапкы дещгээлин алынган жыйынтык менен улам салыштырып жүрүп отурат.

Диагноздоочу баалоо окуучунун теманы же окуу курсун өздөштүрүү даярдыгынын дещгээлин аныктоо менен катар эле ал теманы же окуу курсун окуучунун ишмердүүлүгүндө активдештирүүгө мотивация жаратуу, мугалим менен окуучунун кызматташтыгын арттыруу, окутуунун максат, милдеттерин тактоого шарт

Диагноздоочу баалоо төмөндөгүдөй суроолорго жооп табууга мүмкүндүк берет :

• окуучунун белгилүү бир деңгээлдеги таяныч билимдери жана жөндөмдөрү барбы?
• окуучу өтүлгөн материалдын кайсыл бөлүгүн билет?

Диагноздоочу баалоонун механизмдери.

• Билим берүү процессинде педагогикалык диагноздоо төмөндөгүдөй милдеттерди аткарат:
• жетишүү дещгээлин аныктоо;
• окуучунун жетишкендиктерин анын мурдагы абалы менен салыштыруу;
• окуучунун билиминдеги кемчиликтердин себебин анализдөө;
• келечегиндеги жетишкендиктерди прогноздоо;
• окуучунун жетишкендиктерин интерпретациялоо жана баалоо;
• окуучуга диагноздоонун натыйжаларын маалымдоо;
• диагноздоонун натыйжасына карата окуучунун иш-аракетин контролдоо.

Диагноздоочу баалоону уюштуруу үчүн суроо-жооп, маектешүү, долбоордук иштер кырдаалга жараша тапшырмалар, ата-энелер, мугалимдер менен кызматташтык сыяктуу методдор жана каражаттар колдонулат.