Ең қадірлі маман иесі

Ең қадірлі маман иесі

Бақыт - денсаулығың мен бас амандығың! Саулығың болмаса, сандаласың. Бір жұтым ауа үшін бәріне барасың!

Басың аман болса, денің сау өз аяғыңа мініп жүрсең, басқа жұмыр басты пендеге не керек?

Қарапайым ұстаз ретінде жүрек түкпірінде жүрген ойларымды қалам мен қағазға ақтардым. Ұнаса, оқып көріңіз!

Бүгінгідей алмағайып уақытта адам баласы көп нәрсені түйсінді. Адам қадірі артты. Білімді адамның қоғамға қажеттілігі аңғарылды. Білімі таяз бір адамның ісі - қоғамға тоқырау әкелетіндігін білді. Отырардың арда ұлы, әлемнің екінші ұстазы -Әбу Насыр Әл-Фараби: " Білімге ынтықпаған, білімді керексінбеген адамның кеудесі азады. Кеуде азған жерден сана сарғаяды. Білімді керексінбеу, білім іздемеу - адам баласының рухын сындырады. Рухы сынған адам кімге керек? Рухсыз - адам ешбір нәрсенің қадірін біліп, ешкімге пайда әкелмейді. Білім - бағдаршам. Жарқын болашаққа бойдағы біліміңмен ұмтыласың. Білімсіздік - ерік пен жігерді тәрбиелей алмаудан туады" демей ме?!