СДЕЛАЙТЕ СВОИ УРОКИ ЕЩЁ ЭФФЕКТИВНЕЕ, А ЖИЗНЬ СВОБОДНЕЕ
Благодаря готовым учебным материалам для работы в классе и дистанционно
Скидки до 50 % на комплекты
только до
Готовые ключевые этапы урока всегда будут у вас под рукой
Организационный момент
Проверка знаний
Объяснение материала
Закрепление изученного
Итоги урока
1 сыныпта Әліппе кезеңінің аяқталуына орай өткізген "Әліппе саған мың алғыс" атты тәрбие сағаты
Әліппемен қоштасу мерекесі «Қош бол,Әліппе»
Мақсаты: 1. Оқушылардың білімдерін бекіту, олардың
алған білім-беру дағдыларын көрсету.
2. Тілін дамыту, сөздік қорын молайту.
3. Ұқыптылыққа, шапшаңдыққа тәрбиелеу.
Түрі: Ертеңгілік
Әдісі: Ұлттық этно-педагогикалық салт-дәстүрді насихаттау
Көрнекілігі: Бет перде әріптер, ұлағатты сөздер, оқулықтарға арналған банерлер, шарлар, гүлдер, слайд, фотомонтаж.
Қатысушылар: Ата-аналар,ұстаздар,оқушылар,тәлімгерлер
Жүргізушілер: 5-сыныптағы шәкірт-оқушы тәлімгерлерім
Ертеңгіліктің барысы:
Мұғалім : Құрметті ұстаздар мен аяулы да ардақты ата-аналар,бүгін 1 сынып оқушылары өздерінің алған білімдері мен өнерлерін көрсеткелі отыр.
Жиналыппыз сәтті күні бәріміз де,
Үлкен,кіші,жасымыз, кәріміз де.
Төрлетіңдер,қадірменді қонақтарым,
Гүл-гүл жайнап біздің мына төрімізге. (Әнұран орындалады)
1- жүргізуші: Айбота
-Құрметті ата-аналар, ұстаздар, оқушылар! Бүгін елдігіміз ескеріліп, егеменді ел болған, тәуелсіз тұлпардай етек-жеңіміз кеңейіп, атымыз алысқа жетіп жатқан шақта, бүгін сіздер үшін
тойларыңызға тағы бір той қосылмақшы.
2-жүргізуші: Қуаныш
-Ана тілінің ғажайып әрі шынайы әлеміне бүлдіршіндерді дәл жетелейтін өз тілін оқып үйренуге оқи алсам деген ұмтылысқа шақыратын Әліппе оқулығы. Міне, бүгін сіздер барлық ғылымның анасы біздің болашағымыздың негізі- Әліппемен қоштасу тойына келіп отырсыздар. Тойларың тойға ұлассын! Шәкірттеріміз ата-ананың ұлы емес, халықтың ұлы болсын!
1-жүргізуші Өсті міне бойларың,
Өсті ақыл ойларың
Қуанышқа ортақпын
Құтты болсын тойларың! Айбота
2- жүргізуші Бала деген шіркін-ай балдай екен!
Тәттілігі жая мен жалдай екен!
Арып –ашып даладан келгеніңде
Бал иісін таттырып алдайды екен- деп
Кенен Әзірбаев айтқандай кішкентай бүлдіршіндердің бал тіліне
құлақ салайық. Қуаныш
1-жүргізуші: Бар ғылымның бастауы
Бар білімнің бастау
Жас балаға нұр шашқан
Қандай кітап тіл ашқан? Айбота
Оқушылар: Әліппе, әліппе, әліппе.
2-жүргізуші: Олай болса бәрімізге ең қымбат Әліппе өмірі туралы
білесіңдер ме?
- Жазда,ыстық шілдеде Әліппе өмірге келіп, а-а-а- деп алғашқы жылап,
ал депті.Одан кейін біраз уақыттан кейін тісі шыққанда ә-ә-ә-депті,
б-б-б –басын бұрыпты,бер-депті.Тәй-тәй басып ата,апа депті. Сөйтіп,
ержетіп өсіп,ол да қазір ата болыпты.Енді қазір атамыздың 15 қызы, 25ұлы, 2 немересі бар екен.Әліппе атамызды ортаға шақырайық.
Қане, хормен: Қуаныш
- Әліппе, әліппе, әліппе.!
Әліппе: Армысыздар, жас достар!
Армысыздар ата-аналар!
Болашаққа жол бастар
Әліппе келді ортаға
Білім деген ғажайыптың,
Әліпбиін меңгерген
Келешегі қазақтың
Басталады сендерден.
Әліппенің сұрағы:
1-сұрақ: -Балалар, әліппені алғаш жазған кім? /А.Байтұрсынов/
2-сұрақ: -Балалар, ең алғаш мектеп ашқан кім? /Ы.Алтынсарин/
3-сұрақ: -Қазақ әліпбиінде неше әріп бар? /42 әріп /
4-сұрақ: -Дыбыстар нешеге бөлінеді? /2 дауысты,дауыссыз/
5-сұрақ: -Қазақ тіліне тән дыбыстарды атаңдаршы. / 9 әріп бар /
Ән «Мектебім»
Балалар тақпақтар оқиды.
1-оқушы: Келгенде алғаш мектепке
Білмеуші едік әріп те
Оқимыз қазір ертек те
Үйреткен оны Әліппе. Айдана
2. –оқушы:Жақсы кітап-Әліппе
Үйретеді әріпке
Қуыршақпен қоштасып
Әліппемен достасып
А –дан бастап әріпті
Теріп маған танытты. Нұрай
3-оқушы: Бар кітапқа бас болған
Әліппе –ғылым ағасы.
Әліппеден басталған
Даналықтың данасы Тамирис
4-оқушы: Өтті оқу сан сабақ
Бүгін үлкен салтанат
Оқулықпен достастық,
Әліппемен қоштастық. Мадина
5-оқушы: Әліппенің тойында
Әркім құмар ойынға
Әріптер сыр шашады. Ильяс
Мұғалім : ендеше, сіздермен бір ойын ойнайық
Білім тапсырмаларын орындау.
Әліппе атамыздың ойындарын тамашалайық:
-Бүгінгі кеш әр үйдің «Той басы» деп саналар,
Балалардың есімі әулеттерге таралар.
Әліппе тойының тойбастарын ашайық!
(Тойбастарда әріптер)
Балалар екі-екі әріп алып,оларды ата-аналарыңа береді.Ата-аналары 1-2-3 сигналы арқылы алфавит ретімен орнын тауып тұру керек.
6-оқушы: Әліппе деген даңғыл жол
Апарар сені алысқа
Жеңіл емес ауыр жол
Тырысып бақ намысқа. Қ.Аружан
Тақтамен жұмыс.ойын «Тез тап,жаз!»
Сабина Аспанда не бар? / жұлдыз,ай, күн, бұлт/
Аружан –Атаң сабаққа немен әкеледі? /машинамен,автобуспен/
Айша –Ұзын құлақ,сұр. /қоян /
- Мариям, әжеңізз қандай? / ақылды, мейірімді/
- Жансая,мемлекеттік туда не бейнеленген? /қыран,ою,күн /
- Нұралы, немен көресің? /көзбен/
-Гүлнұр, шайды немен ішесің? /кесемен/
- Даурен, орманда не бар? /ағаш,аң,жануарлар/
7-оқушы: Туған елдің тілімін,
Ақылыммен таныламын.
Түсіндірер бәріне,
Ертегі қоялам. Мансұр
Көрініс «Шалқан» ертегісін сахналау.
Адиль,Томирис,Арман,Даниял, Салтанат, Данияр
Мұғалім : - балалар,енді жұмбақтардың шешуін тауып көрейікші
Жазу жазып жалықпаған,
Жаза-жаза арықтаған /бор/
Сөйлеуді ол білмейді,
Бірақ «Тоқта,жүр » дейді / бағдаршам/
Бойлаған сайын тереңге,
Шығасың биік белеске. / білім /
Әліппе атамыздың құрметіне «Қара жорға» биін тамашалайық.
8- оқушы: Әліппемен қош айтысып қаламыз,
Енді қолға Ана тілін аламыз.
Ата-ана қуанышқа ортақ бол
Сауаты боп шықты міне балаңыз. Даяна
Ән « Отан »
9- оқушы: Бүкіл қазақ баласы дәріптеген
Қоштаспақпыз сүйікті әліппемен.
Ризамыз бәрімізді таныстырған,
Сөз бен дыбыс, әр түрлі әріптермен. Азамат
Әліппеге сөз беру.
Білімнің бетін жарық ет!
Ұл-қызымды білімді ет,
Келесі оқу жылына,
Аман-есен түгел жет!
«5» болсын алар бағамыз,
Білімнен бақыт табамыз.
Өнер-білім көп тоқып.
Өсе берсін санамыз!
Әумин.
Қош болыңдар, балалар!
Барлығы: « Әліппе!» әнін орындайды
Мұғалім :
Жүздеріңнен көрем шаттық арайын,
Болсын солай әрбір күнің,әр айың.
Тойларыңыз құтты болсын,ата-ана,
Тойларыңыз тойға ұлассын ағайын!
Уақыт бөліп келгендеріңізге көп-көп рахмет!
© 2016, Орынбаева Гаухар Тортаевна 1624