Математика

Математика (байыркы грекче μᾰθημᾰτικά < μάθημα «изилдөө; илим») – алгач сандык мамилелерди жана мейкиндик формаларын изилдеген так формалдуу илим. Заманбап мааниде бул объектилердин ортосундагы мамилелер жөнүндөгү илим, алар жөнүндө эч нерсе белгисиз, аларды сүрөттөгөн айрым касиеттерден, тактап айтканда тигил же бул математикалык теориянын негизинде аксиома катары коюлгандардан башкасы. Алгебра – арабдын «ал-жебр» деген сөзүнөн келип чыккан, ал математика илиминин негизги тармактарынын бири. Алгебра бирдей типтеги арифметикалык маселелерди чыгаруунун жалпы методдорун изилдөөдөн жана коомдук практиканын муктаждыктарынан пайда болгон. Геометрия (Андаса) – тегиздиктеги (планиметрия) жана мейкиндиктеги (стереометрия) фигуралардын касиеттерин иликтеп үйрөнүүчү математиканын бөлүгү. Геометрия термини (латын тилинде «гео» – жер, «метрия» – ченеймин) жер ченөө деген сөздөн келип чыккан. Демек, геометрия илиминин элементтери биздин эрага чейин көп кылымдар мурда эле пайда болгон.