Мои стихи, мои мысли

Олох диэн тугуй?

Киһиэхэ таҥара бэлэҕэ буолуо дуу,

Эбэтэр таҥнары накааһа эбитэ дуу?

Кимим миэхэ хоруйдуой,

Кимим миэхэ быһаарыай?

Тоҕо олох бэриллэр бу күн сиригэр

Улуу куйаар кээмэйинэн

Олус кылгас кэрчиккэ?

Олох – таайыллыбат таабырын,

Сорох олоҕун толорор дьолунан,

Сорох олоҕун алдьатар сорунан.

Сорох олоҕун аныыр бар дьонугар,

Сорох олоҕун барыыр тус бэйэтигэр.

Ким эрэ олоҕо салҕанар оҕолорунан,

Ким эрэ олоҕо түмүктэнэр бэйэтинэн.

Олох олох эриэ дэхси тэҥ буолбат,

Ханна эрэ эндирдээх, ханна эрэ уу нуурал.

Ханна эрэ түһүүлээх, ханна эрэ тахсыылаах.

Тоҕо олох биирдэ эрэ бэриллэр,

Иккистээн күн сирин көрөммүт

Сыыьаны, ал5аьы туоратан,

Саналыы оло5у олоруох этибит.

Олох диэн таабырын –

Ким таайыай тугун-ханныгын?!

..

Олох тыйаатыр дииллэр,

Дьоннор онно артыыстар.

Араас олох оонньонор,

Дьоллоох ырай олоҕор,

Сордоох муҥун ытанар.