Нооруз ....

Нооруз майрамынын негизги белгилери катары эрте жаздын келишин, эгин себүүнүн башталышын, жер бетиндеги өсүмдүктөрдүн кайрадан жанданышын эсептешкен. Ал азыркы Григорян календары боюнча 21-22-мартка туура келет.Нооруз майрамына он беш күн калганда майрамга даярдык башталат.Айлана-чөйрөнү,үйүн ичин тазалоо,майрамдык тамак-аштарды даярдоо иштери жүргүзүлөт.Жаңы жылдын түшүмү жакшы болсун үчүн атайын майрамдык тамак-сүмөлөк даярдалат. Дасторкондун үстүнө жети түрдүү тамак коюлат. Ушул түнү үй-бүлөнүн бардык өкүлдөрү дасторкондун айланасында болуп,эң жакшы каалоо-тилектер айтылат.Бул майрамда капа болуп,бирөө-бирөөгө жаман сүйлөп,бирөө-бирөөнү таарынтпаш керек.Бабалардын ишеними боюнча,адам ушул күнү кандай жүрсө,ал үчүн жыл да ошондой болот.