Պոլիմերներ

Գրական ակնարկ

• Պոլիմերներ բառն առաջացել է հունարեն <<պոլի>>` բազմաթիվ, <<մերոս>>` մաս, բաժին, չափ, բառերից և բառացի նշանակում է բազմաչափ:
• XX դարը կոչվել է <<պլասմասսաների և պոլիմերների դար>>, քանի որ դրանք իրենց արտադրության և կիրառության մասշտաբներով գերազանցել են մյուսներին:

Ակնարկ պոլիմերների ստացման պատմությունից:

<<Պոլիմերիա>> հասկացությունը գիտության մեջ ներդրվել է շվեդ քիմիկոս Ի. Բերցելիուսը 1833թ.-ին` իզոմերիայի (հունարեն <<իզոմերիոս>>` հավասարամաս կամ հավասարաբաժին բառից) մի տեսակն առանձնացնելու համար: Այդ ժամանակ ներկայիս պոլիմերները դեռևս հայտնի չէին, հանդիպող <<խեժացման>> ռեակցիաները համարվում էին անցանկալի, ստացվող խեժերն էլ ուսումնասիրված չէին:

Սինթետիկ պոլիմերներն առաջին անգամ հիշատակվել են 1838թ.-ին (պոլիվինիլքլորիդ) և 1839թ.-ին (պոլիստիրոլ):

Պոլիմերների քիմիան ձևավորվել է XIX դարի 60- ական թվականներին` ռուս քիմիկոս Ա. Բուտրելովի`օրգանական միացությունների կառուցվածքի տեսության ստեղծումից հետո: Գերմանացի քիմիկոս Հ. Շտաուդինգերի հետազոտությունները հիմք դրեցին պոլիմերների` որպես բարձրամոլեկուլային միացությունների մասին ժամանակակից պատկերացումներին:

Հետազոտության հիմնական ուղղությունները:

Աշխատանքներն իրականացվում են հետևյալ չորս ուղղություններով`

• Պոլիմերների կառուցվածքի և հատկությունների ուսումնասիրություն:
• Հետազոտվեղ նմուշի` պոլիքլորոպրենային կաուչուկի (նաիրիտ) բնութագրումը:
• Դիէլեկտրական սպեկտրոսկոպիայի մեթոդների ուսումնասիրությունը:
• Բյուրեղային ցանցի արատների տեսակների ուսումնասիրությունը:

Արդիականությունը:

Ժամանակակից գիտության հիմնական թիրախներից մեկը բարձրամոլեկուլային միացությունների` պոլիմերների կառուցվածքի և դրանց ձևափոխման միջոցով նրանց հատկությունների կարգավորման բնագավառն է: Լաբորատորիաում կատարվող աշխատանքները նվիրված են հենց այդ բնագավառին` պոլիմերների կառուցվածքի փոփոխությունների տեսական հետազոտություններին, նրանց մեխանիզմների պարզաբանումներին, արտաքին գործոնների ազդեցությունը, մասնավորապես` արատների ազդեցությունը դիէլեկտրական ռելաքսացիայի վրա:

Տեխնիկական հագեցվածությունը:

Նշված աշխատանքների իրականացման ուսումնասիրությունների համար, օգտվել ենք հետևյալ սարքավորումներից և հաշվարկային- համակարգչային ծրագրերից (տվյալներն մշակվում են էլեկտրոնային հաշվիչ մեքենաների (էհմ) օգնությամբ):

• Փոփոխական հոսանքի <<ձևափոխված սարքի տիպը>> - МЛЕ - | (Շերինգի սեփական կամուրջ):
• Դիէլեկտրական կորուստի գործոնի չափիչ „ТЕССЛА” BM - 27|
• Հաճախականությունը չափող սարք – ф55|A
• Սպեկտրոմետրեր – NK, NKC-22 (երկճառագայթային սպեկտրոմետր)
• Ռեֆակտրոմետր – НПФ -22
• Պոտենցիոչափ – ПП-63
• Էլեկտրոնային պոտեցիոչափ – ЭПБ – 2: