Привлечение учащихся к чтению на родном языке

Аныгы олох ирдэбилэ – кинигэни ааҕыыга интэриэһи үөскэтии, сайыннарыы, үрдэтии. Ити ирдэбиллэр улахан суолталара мөккүөрэ суох. Тоҕо диэтэххэ, оҕону кыра сааһыттан иитэн таһаарарга оҕо саас уонна оскуола кэминээҕи сыллар улахан суолталаахтар. Өскөтүн улахан дьон (ийэ, аҕа) оҕобут сарсыҥҥытыгар кыһаллар, кини үчүгэй үлэһит, киэҥ билиилээх киһи буолуон баҕарар буоллахпытына, оҕо кинигэҕэ сыһыаныгар болҕомтобутун ууруохтаахпыт. Билэрбит курдук, кинигэни кытта үлэ ис хоһооно да, көрүҥүн арааһа да элбэх. Хас биирдии төрөппүт, учуутал эбээһинэһэ – оҕоҕо кинигэҕэ тапталы иитии, кинигэ иитэр – үөрэтэр сүдү суолтатын өйдөтүү, кинигэ киһи арахсыспат аргыһа буолуохтааҕын быһаарыы.Оҕо кинигэни кытта сатаан үлэлиир, иҥнигэһэ суох ааҕар, кинигэттэн наадалааҕын булан көрөр уонна туһанар эрэ буоллаҕына, кинини кинигэ үөрэтиэ, иитиэ, туһаны аҕалыа. Төрөппүт, учуутал оҕоҕо ааҕыыга интэриэһи үөскэтиэхтэрин баҕарар буоллахтарына, бу үлэни тиһигин быспакка ыытыахтаахтар.

Оҕобут инники кэскилэ: үтүө үлэһит, киэҥ билиилээхааҕааччы буолан тахсыыта биһигиттэн улахан тутулуктааҕын умнарбыт табыллыбат.