Сабак жөнүндө ой толгоо

Сабак! Сен кандай укмушсун! Сен ар кандайсың, же сен кандай миң түрдүүсүң!

Бирде жомокко айланып кетесиң, бирде сахнадагы спектакль боло аласың, бирде кызыктар дүйнөсүнө азгырган саякат - сабак боло каласын! Бирде командалар таймашысың! Кээде чекеден тер агызып, изденүүчүлүктү талап кылган түйшүктүү жана кызыктуу кемесиң! Ошол үчүн мен сени ар күнү, саат сайын, ар сабакта зарыгып күтөм!-дешип окуучуларың мээримдүү көздөрү менен сабакты күтүп, сагынып турса-сага берилген эң баалуу сыйлык ошол.Бул үчүн убакыт жана талыкпаган мээнет керек.

Алдыга койгон максаттарым окуучуларымды билим менен куралдандып тим болбостон алардын инсан катары калыптанышына жана жетилишине, жөндөмдөрүнө жараша өз бийиктиктерин багынтууга жардам берүү.

Мугалимдин үлгүсүндө калыптанган сабырдуулук, туруктуулук, боорукердик, адамгерчилик менен окуучуларымды достукту, ынтымакты баалоого, өз күчтөрүнө ишенүү менен жашоодо туура чечим кабыл алууга үйрөтүү.

Башталгыч класс мугалими үчүн эң негизгиси; эсеби боюнча биринчи болбостон, сыйлуу адамы катары биринчи болуу кесибинден алган чоң белек деп эсептейм.