Ыймандуу адам уурулук кылбайт

Уурулук- башканын мүлкүн уурдоо, уруксатсыз алуу, өзгөнүн менчигин акысыз (адилетсиз) түрдө өз ээлигине өткөрүү дегенди билдирет.Уруксатсыз алынган жана уурдалган нерселер аз болсо да өкүмдөрү бир жана харам болуп саналат. Уурулук кичине нерседен башталат, же үй- бүлөдө да тарбияга көз каранды.Ата- эне бирөөнүн буюмун сурап алуу, ээси жок болсо тийбөө деген сөздөрдү балдарга көп айтуу керек.

Бир аял жалгыз уулу менен жашачу экен, баласы жолдон тапкан нерсесин апасына алып келип берчү.Ошентип кошунасынын тоокканасынан бир жумуртканы жакшы көрүп алып келет, апасы сурабастан,жакшы кылдың деп бышырып берет.Бала ошентип биринчи уурулуктун эмне экенин деле түшүнбөй кийин- кийин башка нерселерди уурдап келе баштайт.Бирок апасы эч нерсе дебейт, ошону менен баласы чоң ууруга айланып кетет. Ошентип баланын уурулугу ханга чейин билинет. Хан баланы жазаламак болот.Бала хандан бир жолу апам менен жолуксам деп суранат. Хан макулдугун берет. Бала апасынын жанына келип:

-Апаке тилиңди чыгарчы дейт.Эмне болду деп апасы тилин чыгарганда баласы чайнап жиберет.

Хан эмне үчүн мындай кылганын сураганда бала:

-Эгер ошо жаш кезимде биринчи жолу жумуртканы уурдап келгенимде апам мени урушуп, тыйганда мындай жаман ууру адамга айланбайт болчумун деген экен.

Уурулук кылуу - чоң күнөөлөрдүн бири.Эркектердин да, аялдардан бул күнөөгө чалынгандар өтө көп. Уурулуктун тузагынан кутула алган өтө аз.Ошондуктан, уурулук эмне экенин билип, андан сактануу керек.

Уурунун тамагы оңой болгону менен, анын жугуму жок, коркунуч менен табылат.Ал бирөөнүкү сага тиешеси жок, бир сындырым нан болсо да эч качан уурулук кылба!