12 жылдық білім беру

«Негізгі орта білім беру» мамандығының «Қазақ тілі мен әдебиеті пәнінің мұғалімі» біліктілігі бойынша оқитын 4 пкял тобының студенті Қазбек Мөлдір Асылбекқызы

Molya.kazbekova @mail.ru

Маған жақсы мұғалім бәрінен де қымбат, өйткені мұғалім – мектептің жүрегі. Ыбырай Алтынсарин

Эссе

12 жылдық білім беру жүйесіне көшу уақыт талабы

Елбасы Н.Ә.Назарбаев «Келер ұрпақ алдында зор жауапкершілік жүгін арқалап келеміз», - деп айтқандай болашақ мұғалімдердің мойнында ауыр жүк тұрғаны анық. Себебі, қазіргі кезде біздің республикамызда білім берудің жаңа жүйесі жасалды. ХХІ ғасырда Қазақстанда 12 жылдық білім беру жүйесінің енгізілуі уақыт талабы болып отыр. Себебі, алдыңғы қатарлы елдердің барлығы жалпы білім берудегі жаңа жүйені ұсына отырып, соның ішінде көпжылдық білім беру бүгінгі күннің айқын талабы екені көрінуде. 12 жылдық білім беру жүйесіне көшу тұрғысында мұғалімнің кәсіптік жетілуі мен дамуы туралы көп мәселелер қарастырылуы – қалыпты жағдай. Өйткені, Ы. Алтынсариннің «Мұғалім-мектептің жүрегі» деп айтқанындай, барлық күш мұғалімге түспек. Осығай орай біздің колледжде арнайы дәрістер ұйымдастырылды. Дәрістердің негізгі тақырыптары: «Оқу мен оқытудағы жаңа әдіс-тәсілдерді қолдану», «Оқытуда ақпараттық коммуникативтік технологияларды (АКТ ) пайдалану», «Талантты және дарынды балаларды оқыту», «Оқушылардың жас ерекшелігіне сәйкес оқыту және білім беру», «Оқыту үшін бағалау және оқудағы бағалау», «Жоспарлау».

Ол дәрістердің бірінші күнін Дүйсенгалиева Айгүл Утегеновна өткізді. «Оқушылардың жас ерекшелегіне сәйкес оқыту және оқу» тақырыбымен таныстық. Оқыту мен білім беру процесіндегі ең маңызды бөліктердің бірі - оқушылардың жас ерекшелігін ескеру. Оқушылардың жас ерекшелігіне қарай олардың қызығушылығы мен қабылдауы, ойлауы мен сөйлеуі әр түрлі болады. Оқушыларды жас ерекшелігіне сәйкес жұмыс жүргізу арқылы оларға қызықты ойындар мен сергіту сәттерін дайындау керектігін түсіндім.

Келесі күні дәрісті Какенова Эльмира «Бағалау» тақырыбында өткізді. Қазіргі таңда болашақ ұрпақты тәрбиелеу мен білім беруде оқыту және бағалау маңызды болып отыр. Бағалау формативтік және жиынтық болып екіге бөлінеді. «Бағалау» термині «жақын отыру» дегенді білдіретін латын сөзінен шыққандығы кездейсоқ емес, себебі бағалаудың негізгі сипаты бір адам басқа адамның не айтып, не істегенін немесе өзін-өзі бақылау жағдайында өзінің дербес ойлауы, түсінігін және тәртібін мұқият бақылауы болып табылады. «Оқу мен оқытудағы жаңа әдіс-тәсілдер» тақырыбы бойынша сын тұрғысынан ойлау және оның маңыздылығын түсіндім. Бұл дәрісті Халықова Айжан Мағауияқызы өткізді. Сын тұрғысынан ойлау дегеніміз – ой қозғай отырып, оқушының өз ойымен өзгелердің ойына сыни қарап, естіген, білгенін талдап, салыстырып, жүйелеп, білмегенін өзі зерттеп, дәлелдеп өз бетімен және бірлесіп шығармашылық жұмыс жасау. Видеоролиу көру арқылы сабақ барысында шығармашылық жұмысты оқушылар топпен, ұжымда атқаруы өте маңызды екендігін ұғындым. Оқушыға сапалы білім берудің негізгі жолдарының бірі – жаңа әдіс-тәсілдерді пайдалану болып табылады. Сабақта диалогтік оқыту модулі маңызды рөл атқарады. Диалог сабақта оқушылардың қызығушылығын арттырып, білім деңгейінің өсуіне зор үлес қосады.

Мадина Ералиеваның өткізген тақырыбы «Оқытуда ақпараттық коммуникативтік технологияларды (АКТ ) пайдалану» болды. Қазіргі білім беру жүйесінің мақсаты – бәсекеге қабілетті маман дайындау. Сондықтан заман талабына сай оқыту үрдісін жетілдіре отырып, қоғам сұранысына сай жеке тұлға қалыптастыру мәселесі бойынша оқушыларға ақпараттық-коммуникативтік технологияны сабақта көптеп қолдану тиімділігі артып отыр.

«Талантты және дарынды балаларды оқыту» тақырыбындағы дәрісті Қоянбаева Нұргүл Қайратқызы өткізді. Дарынды оқушымен жұмыстың негізгі мақсаты – олардың шығармашылық жұмыста өзінің қабілетін іске асыру дайындығы. Дарынды оқушымен жұмыс жүйесінде мұғалім маңызды орын алады. Қабілетті дарынды оқушыларды дәл таба білу әрқайсысына жеке тұлға ретінде қарап, олардың өздеріне деген сенімін және пәнге деген қызығушлығын арттыра білуім керек.

Дәрістердің соңғы күнін Хасенова Айжан Ислямовнамен «Жоспарлау» тақырыбында өткізді. Блум таксономиясы бойынша жалпы мағлұмат алып, теория мен практиканы ұштастыруды үйрендік. Сабақ құрылымының жоспарын Блум таксономиясы негізінде жасауды үйрендік.ондағы оқу мақсаттарының . Ондғы оқу мақсаттарының 6 негізгі бөлімдері бар. Олар: білу, түсіну, қолдану, талдау, синтез, бағалау.

Қорыта айтқанда 12 жылдық білім беру жүйесіне көшу – заман талабы. 12 жылдық білім беруге көшу барысында мұғалімнің дайындығына да баса назар аударылады. Біздің колледжде жүргізілген дәрістердің мақсаты – 12 жылдық білім беруге көшудегі болашақ мұғалімдердің даярлығын, қазіргі қоғам талабына сай білім беру мен тәрбиенің жаңа әдіс- тәсілдерін қолданудағы жан-жақтылығын қалыптастыру.