Ачык саат башталгыч класс

Өтүлгөн теманы кайталоо 1. Жаратылышты коргоо-Мекенди коргоо дегенди силер кандай түшүндүңөр? 2. Бул бөлүмдөн силерге кайсы чыгарма өзгөчө жакты?. Ал тууралуу сүйлөп бергиле? 3. Чын эле дарак да ыйлашы мүмкүн бекен?. Эмне үчүн? 4. Балапандарды өз уясына салып, ак каш чымчыктарга жакшылык кылган балдар кимдер эле? 5. «Адамдар күйүмдүүлүктү чыйырчыктардан үйрөнсөкчү...» дегенди кандай түшүндүңөр? 6. Чоң ата Коляга тааныштырган чөптөрдүн аты кандай эле?. Бизде өскөн кандай чөптөрдүн аттарын билесиңер?.

Сабактын темасы: Өткөн турмуш элеси. Жарык жол.

Сабактын максаты:

А) билим берүүчүлүк

Б) өнүктүрүүчүлүк

Аңгемени окуп, анын мазмунун түшүнө алат. Түшүнгөндөрүн адабий тилде мазмундуу, ыраатуу айтып бере алат. Каармандарга мүнөздөмө берип, аларга жараша чыгармадан мисал келтире алат. Башкы каармандын балалык чагын өзүнүн бала чагы менен салыштыра алат.

В) тарбия берүүчүлүк

Логикалык жана сынчыл ойлоо жөндөмдүүлүгү артат. Өз оюн көркөм, так айтууга көнүгөт.

Эрктүүлүк, чыдамкайлык, адамгерчилик, боорукерлик сыяктуу адамдык ар кандай сапаттарды үйрөнөт.

Күтүүлүүчү натыйжа

Сабак максатына жетет, эгерде

Сабак максатына жетет, эгерде

Аңгемени окуп, анын мазмунун түшүнө алса. Түшүнгөндөрүн адабий тилде мазмундуу, ыраатуу айтып бере алса. Каармандарга мүнөздөмө берип, аларга жараша чыгармадан мисал келтире алса. Башкы каармандын балалык чагын өзүнүн бала чагы менен салыштыра алса.

Сабак максатына жетет, эгерде

Логикалык жана сынчыл ойлоо жөндөмдүүлүгү артса. Өз оюн көркөм, так айтууга көнүксө.

Эрктүүлүк, чыдамкайлык, адамгерчилик, боорукерлик сыяктуу адамдык ар кандай сапаттарды үйрөнсө.

Сабактын тиби: Интерактивдүү усул Сабактын жабдылышы: слайд шоу, маркер, түстүү сүрөттөр Сабактын жүрүшү: а) Уюштуруу (жагымдуу жагдай) Тапшырма суроо,жаңы тема

Бүгүнкү темабыздагы жаңы сөздөр. Керки-чот, шайман- устанын куралдары. Кал- таз Памилия- фамилия Куржун- ат жабдыгы

1- бөлүм Атам жалданып иштеп, кайсы байдын эмне жумушу болсо, ошону жасап жүрчү. Ал усталыгы менен жан баккан адам эле. Комуз, кыяк жасачу, өзү да чертчү. Куржундун бир көзүндө керки-чоту, ар түрдүү шаймандары, бир көзүндө мен жүрөм. Иштеген жеринде мага чапанын жая салып берип коет, мен ит, мышык, дагы бир нерселерди чоподон жасап отура берем. Атамдын айтып берегн жомоктору «Курманбек», «Олжобай менен Кишимжан». Алар күнү бүгүнкүдөй кулагыма жат, өмүр бою унута албасмын.

1. Бөлүм боюнча талкулоо. 1. Кичинекей Капар жана анын атасынын турмушу кандай болгон экен?. 2. Бал эмнеге шык-жөндөмдүү экенин эмнеден улам билдиңер?. Чыгармадан ошол жерин таап, үн чыгарып окугула?. 3. Силердин оюңар боюнча мындан ары эмне болот деп ойлойсуңар?. Эмне үчүн?

2- бөлүм. Атам бир үзүм нанды өзү жебей, мага берчү экен кийин ойлосом. Ошентип жүргөн учурда Курбу келди. Курбу биздин туугандардын баласы эле. Менден улуураак. Жетим болгондуктан, Оштогу №2 кыргыз жетимканага өтүп, ошондо жашайт экен. Кийими мени абдан таң калтырды. Көйнөк, шым, галустук. Мен башта мындайды көрбөгөм. Мени алып кетем деди. Атам урушуп болбой койду. «Жалгыз баласын багалбай тентитип жиберди дейт эл». Курбу мени ээрчитип эки-үч күн жүрдү, жетимканадагы сонун турмушту айта берет, кызыктыра берет. -Момундай ак бөлкө болот, кыссаң кичинекей, кое берсең жазылып кетет. Чайга, кофеге салсаң шимирип алат, жей бересиң. «Бөлкө», «кофе»-укпаган нерселеримю түшүмө да кирбесе керек. - Ата, барам, -дей бердим. Мени багуу деле атама оңой эмес турбайбы. -Эрте менен Капарды жетелеп, арыктын ичи менен кетип калгыла. Эл көрбөсүн. Мен билбей калайын. Өз убалы өзүнө. Ал жакта ага суутуп койсо.

2. Бөлүм боюнча талкулоо. 1. Капарды абдан таң калтырган нерсе эмне болду? 2. Эмне үчүн атасы Капардын элге көрүнбөй кетип калышын каалады?. 3. Окуя мындан ары кандай уланат деп ойлойсуңар?.

1924-25-жылдары 9-10 жаштарда болушум керек. Оштогу жетим канага килип кирдим. Эч кандай кагаз-пагаз, документ сурашкан жок. Анан калса, жетимдигим кебетемен эле билинип тургандыр. Мына ушул жетим канага өткөн күндөн баштап курсагым тоюп, кийимим бүтөлүп, калем –кагаз алып жыргап калдым. Ар түрдүү оюндарды ойнойбуз. Башым бүтүм жара болуп, эл мени «кал» деп атап калышкан, ал айыкты. Безгек оорум бар эле мындан да кутулдум. Колума тийген, карандаштар менен эмнени боеп, эмнени сүрөттүн тартып жибереримди билбейм. Колума кагаздардын чоло жерин калтырбай сүрөт тарта берем. Бир күнү жыгач керебетимди оюу салып, кооздоп жибердим. Мугалимдерим бул тартипсиздигим үчүн жемелешти. Башымды шылкыйтып тим болдум.

1927-жылы Пишкеке келдик, 4 балабыз. Алты күн поезд менен жүрүп, арың жеттик. Киринпроско кирүү эле максатыбыз. Окуу жайды ушинтип атачу. Завуч Базаркул Данияров ар бирибизден минтип сурайт: -Памилияңды айт? Биз унчукпай тура беребиз, себеби эмнени сурап жатканын түшүнбөйбүз. Менден бою узунураак бал мага акырын кайрылат: «Памил чай деп жатабы?». Акыр тилеген окууга да өттүк. Мен сыяктуу кедей балдарынын алдында кенен, жарык жол жатты. Ошо жол бизди бул күнгө, бул даражага алып келди. Г.Айтиев.

3-бөлүмдү талкулоо. 1.Капар жетим канага кантип барып калды? 2. Капар сыяктуу өткөндөгү тагдырына бооруңар ачыдыбы?. 3. Өзүңөрдүн бүгүнкү турмушуңар менен салыштырып көргүлөчү?. 4. Окуя силер күткөндөй аяктадыбы?.

Капардын бала чагы өткөн мезгил

Үйгө тапшырма: 1.Чыгарманы окуп чыгып талдагыла. 2. Макалдын маанисин түшүнүп, жатап алгыла. Ач тоюнат, жетим жетилет. Баалоо.