Адабий окуу сабагы

Адабий окуу 14.03.19.

Сабактын темасы: Баяндама «Ат чабыш»

Сабактын тиби: Текшер\\, анализдъъ

Сабактын максаты:

1. Текстти кунт коюп угушат, план т\з\шът, т\ш\н\г\н ъз съз\ менен жаза алышат.

2. Текстке карап ырааттуу жаза алышат, адабий тилде жазууга кън\г\шът.

3. Бири-бирине жардам бер\\гъ, ынтымактуу болууга тарбияланышат.

Ресурстар: текст жазылган барак, дил баян дептери

Сабактын ж\р\ш\:

1. Уюштуруу

2. /й тапшырмасын суроо

3. Жаёы сабак

Баяндама жазуу

Ат чабыш

Балалыктын сүйүнүчүн өмүр бою унутпайсың. Менин артыкча сүйүнүчүм – адеп кунан чапканым.

Жайлоого чыкканда кунанды таятабыз бапестеп таптады. Айт күнү суунун аркы- берки өйүзүндөгү айылдар оюн-тамаша курушту. Он чакты кунан, тай ча­былмак болду. Күлүктөрдүн көкүлүн шүйүп, куйругун түйдүк. Башыбызга жоолук

байлашты. Алеп-желеп болуп, жүрөк түрсүлдөп, сүрдөгөндү айтпа. Ат айдоочу күлүктөрдү белге чейин сүрүп барып, анан коё берди. Шатырап учкан көгүчкөн­дөрдөй артка кайрылып, чаап жөнөдүк. Жел менен жарышып, зымырап бара­табыз.

Ат чабышта таятамдын тилин албай, кунанды жиниктирип алдым. Адегенде эле аттын оозун коё бергенмин. Ошентип, мен байгеге илинбей калдым. Бирок менин өмүрүмдө бул ат чабыш шаңдуу майрам болду.

К. Жусупов

План

1. Балалыктын артыкча сүйүнүчү.

2. Ат чабышка даярдануу.

3. Күлүктөрдүн жарышы.

4. Жаш чабандестин жаңылганы.

Суроолор:

1. Ат чабыш эмне үчүн баланын эсинде калды?

2. Ат чабышка айыл ичи кандай даярдык көрүштү?

3. Жаш балдар эмнеге сүрдөштү?

4. Күлүктөрдүн жарышы кандай башталды?

5. Жаш чабандес эмнеге байге алган жок?

Таяныч сөздөр: балалыктын, сүйүнүчүм, кунан чапканым, унутпайсың, жай­лоого, таятабыз, таптады, айт күнү, айыл, оюн-тамаша, түйдүк, жоолук, жүрөк, ат айдоочу, сүрүп барып, шарт кайрылып, зымырап, таятамдын айтканы, жиникти­рип, илинбей калдым, майрам.