Аналар күніне тақпақтар

1-о: Құрметтейік, о адамдар, аналарды,

Бізді өмірге әкелген даналарды.

Себебі Ана деген асыл жан ғой,

Ойлауменен істелік әр қадамды.

2-о: Еліммен бірге тілегім,

Өзің деп соғар жүрегім.

Жатқа айта білемін

Елімнің әнұранын.

1-о: Анашым, ортамызға келсең күліп,

Болады Алатаудай еңсем биік.

Балалық қарызымды өтеймін бе

Әлемнің жақсылығын берсем жиып.

2-о: Менің анам – мұғалім,

Күн секілді білгенге.

Шашырайды шуағы

Ол сыныпқа кіргенде.

3-о: Ана – біздің гүліміз,

Ана – біздің күніміз.

Ұландарды қуантып.

Ұзақ өмір сүріңіз.

4-о: Мәпелейсің мені, анам,

Қолыңдағы құсыңдай

Құлпыра өсіп дем алам,

Құшағыңда қысылмай.

5-о: Аналарды сүйеміз,

Сөзін ойға түйеміз.

Әжені де ардақтап,

Әдеппен бас иеміз.

6-о: Өнерлі боп өсеміз,

Өмір сырын шешеміз.

Өсіріп ой-сананы,

Қуантамыз ананы.

7-о: Біз доспыз гүлдермен,

Текке оны жұлмаймыз.

Той күні бір-бірден

Анамызға сыйлаймыз.

8-о: Бізді өсірген апатай,

Еңбегіңде зор екен.

Құтты болсын, апатай,

Құтты болсын мерекең.

9-о: Аялаған, саялаған,

Бар бақытым, берекем.

Апатайым, құттықтаймын,

Бүгін сенің мерекең.

10-о: Өлең айтып беремін,

Нан да алып келемін.

Өйткені мен анамды

Өте жақсы көремін.

11-о: Сен жалықпай жетектеп,

Мен жаттыға жетермін.

Айтқаныңды екіетпей

Ақ сүтіңді өтермін.

12-о: Бәрімізге анасың,

Біз үшін күн боп жанасың.

Құтты болсын мейрамың,

Құттықтаймын, анашым!

1-о: Ана – бізді дүниеге әкелген адам, «Ана» ең қастерлі, ең аяулы сөз.

2-о: Ана деген сөздің өзі ыстық.

3-о: Ана – өмір гүлі. Ана деген сөз барлық халықтың тілінде жылы естіледі.

4-о: Ана десе әр баланың тілегі ақ, мейірімі ұшаң теңіз. Анамыздың көңілі шат, жүзі жарқын, дені сау болуын әрқашан тілейміз.

5-о: Ана – сұлулықты, жарасымдылықты, көріктілікті, барша игілікті бойына сіңірген тұлға.

6-о: Ана – әлемдегі ең сұлу, ең мейірімді, ең қамқор адам.

7-о: Ана – әр үйдің алтын қазығы.

8-о: Ана ақылды болса, бала дана болады.

9-о: Ана тәрбиесі – қызға үлгі, әке тәрбиесі – ұлға үлгі.

10-о: Ананың мейірімі көзінде, ықыласы көңілінде, ақылы сөзінде емес пе?

11-о: Ананы сыйламағанның ақылы кем, әкені сыйламағанның жақыны кем.

12-о: Ана – тіршілік көзі, үлкен тағдыр, махаббат пен шабыттың нәрі.