«Бесікке бөлеу»

Білім беру саласы:

Таным

Бөлімі:

Қоршаған ортамен таныстыру

Тақырыбы:

«Бесікке бөлеу»

Мақсаты:

Бесіктің құралдарын атауға үйрету, баланы бесікке бөлеу салтымен таныстыру

Қажетті құрал-жабдықтар, көрнекіліктер:

Кезеңі

Тәрбиешінің іс әрекеті

Баланың іс-әрекеті

Мотивациялық кезең

Ұйымдастырушы

кезең

Сергіту сәті

Қуыршақ сәбидің жылаған дауысы естіледі.

Балалар біздің топтағы сәби қуыршақ неге жылып жатыр екен? Тамағы да тоқ еді.Асты да құрғақ.

Қой, бұлай болмас.Мен барып әжемді шақырып келейін. Ол наурыз мерекесіне дайындалып жатыр. Әжем біздің бәрімізді  өсірген.Ол бәрін біледі. Наурыз мерекесіне арнап әжеге сыйлыққа тостаған жасап берейік( балалардың жартысын өнер орталығына отырғызады)

Ал сендер қуыршақты кезектесіп тербете тұрыңдар.(Шығып кетіп басына кимешек-жаулық киіп балаларға қайтып келеді. Қолында жабдықтарымен бесік бар)

-Сәлеметсіңдер ме балалар? Кішкентай қуыршақтарың мазасызданып жатыр ма? Оның қарны тоқ болса, еш жері ауырмаса онда жатқан жері жайсыз болғаны ғой. Мен оған  жайлы төсек алып келдім. Мұның не екенін білесіңдер ме? Бұл- бесік. Барлық заттарын алып келдім.

Мынау көрпесі, жастықшасы, бұлар баулары, Бірі белбауы, екіншісі аяқбауы,ал мынау жөргегі, түбегі және шүмегі деп құралдармен  таныстырып шығады.

-Ал енді бесікті дайындап бөбегімізді жатқызайық. Бесіктің ойығына түбек саламыз, ертеде түбектің түбіне күл салған, оған бала дәретке отырады.

-Енді көрпешені саламыз.Көрпешеде нені көріп тұрсыңдар(ойыққа назар аудартады)? Дұрыс бұл түбектің үстіне салынады.

Ал мынау жастықшасы. Басына жұмсақ болады.

Енді міне ойығы бар жөргекті саламыз. Біздің барлық жабдықтарымыз дайын болды. Бесікке баланы салмас бұрын аластап алған дұрыс.

-Алас-алас алас, бар пәледен босын қалас,

Барлық пәле желмен кетсін,

Ағынды сумен кетсін.

Алас-алас алас(деп шырпыны жағып отпен аластайды)Балалар, сәби дәретке жақсы отырсын деп ырым жасайық.Оны тыштырма деп атайды.Тесіктен түскен тәттілерді көрсеңдер «тышты-тышты» деп айтарсыңдар.(түбек салуға  арналған ойықтан кәмпиттерді тастайды да балалардан тышқан тышпағанын сұрап отырады)

Ал енді бөбекті жатқызуға болады(қуыршақты жатқызып, шүмегін қыстырып көрсетеді де жөргегін жабады)

Аяғын қозғаса шүмегі түсіп қалады ғой сондықтан да аяқ бауын қаттырақ тартып байлаймыз.Қолдарын қозғалтып оянып кетпесін деп белбаумен байлап қоялық.Балалар, сендер бесік жырын білесіңдер ме?

(Балалармен бірге бесік жырының бір шумағын айтады) Бөбегіміз ұйықтап қалған сияқты.

Ол ұйықтап жатқанда бөбекке арнап мен шашу шашайын.Барлығың мұнда келіңдер, тәттіні көп теріңдер!(Шашуға арнап әкелінген карамель кәмпиттерді шашады)

-Ал енді мен сендерге жұмбақтар жасырамын , ал сендер жауабын тауып, суретін де тауып беріңдер.

Жұмбақтар.(тақтаға бесіктің құралдары: түбек, жөргек, аяқбауы,  суреттері қойылады)

1. Көрпе, көрпе дескен

     Ортасын әдейі тескен (Жөргек)

1. Сүйекті ойып жасаған                                       Бесікке салып байқаған.(Шүмек)
2. Құс жүнінен толтырған,                                Басына салып жастанған (Жастық)
3. Жатсаң да ұйықтап,                                            Тұсайды аяқты мықтап (Аяқбау)

«Бесік құралын табыңдар»

-Мына сыреттердің қайсысы бескке қажет зат болып табылады?

Жұмыс дәптерінен тапсырма.

-Қане балалар мен сәбиді бесікке қалай бөледім?

-Ең бірінші не істедім? Естеріңе түсіріңдер. Ал мен үйіме қайтайын, қызым мені үйде тосып отыр.Сау болыңдар!(Шығып кетеді. Кимешек-жаулығын шешіп топ бөлмесіне қайтып келеді)

Балалар кішкентай баланың жылау себептерін ай тады.

Өнер орталығына барып ермексаздан тостаған мүсіндейді.

Әжемен сәлемдеседі.

Бесіктің құралдарымен танысады, атауларын еске сақтайды.

Тәттілер бесіктің астына түскенде «тышты-тышты» деп айғайлап отырады. Тәттілерді алып отырады.

Әжемен бірге қосылып бесік жырын айтады.

Әженің шашуын тереді.

Жұмбақтарды мұқият тыңдайды, жауабын тауып атайды, суреттен тауып көрсетеді.

Столдың үстіндегі суреттердің ішінен бесіктің құрал-жабдықтарын тауып бөліп алады, атауларын атайды.

Дербес отырып қосады.

Әжемен қоштасады.

Рефлексивті-түзетуші

-Балалар,  әже сендерге не көрсетті?

-Бесікте қандай құрал жабдықтар бар екен?

-Түбек не үшін қажет?

-Қандай баулары бар?

Ал сендер әжеге арнап не дайындадыңдар?

Сұрақтарға жауап береді.

Нені білу керек:

Бесікпен танысу барысында,  ырым сөздерін білу керек.

Нені игереді:

Бесіктің құрал жабдықтарының атауын игереді.

Нені біледі:

Бесікке баланы бөлеу тәртібін үйреніп біледі.