Достаса білейік

«Адал дос»

Білім саласы: Әлеуметтік орта

Бөлімі: Өзін-өзі тану

Тақырыбы: Достаса білейік!

Сабақтың мақсаты: «Достық» құндылығы туралы одан әрі жетілдіру, сүйіспеншілік сезімдерін ояту,қамқор болуға тәрбиелеу,бір-бірімен тату,дос болуға тәрбиелеу.

Көрнекіліктер: Суреттер,доп.

Әдіс-тәсілдер: Сұрақ-жауап,ойын,тосын сый,суретпен әңгіме.

Сөздік жұмыс: қамқор, тату, сыйлау.

Сабақтың барысы: Әр бала өз атын айтып,өзі туралы жақсы сөз айтып,қолындағы күн шуағын тақтаға іледі.Тақтада үлкен күн пайда болады.

-Балалар,қараңдаршы біздің топта не пайда болды?

-Күн.

Бәрі: Шуақты күннің сәулесі,

Жайнасын бүгін жарқырап.

Амансың ба нұрлы күн,

Шуағыңды төк бүгін!

-Енді, балалар біз шуағын төккен күнмен,жан-жағымызбен амандасайық.

Бәрі: Қайырымды жандар айнала,

Шеңберге келсін айнала.

Жалықпастан қайта біз,

Достық сөзін айтамыз.

Бақыттымыз осы біз,

Қасымызда досымыз!

«Достық» туралы әңгімені сахналау.

Қатысушылар: құмырсқа, көбелек,ара,торғай,карға.

Ән: «Дос болайық бәріміз».

Әрқашан дос, біргеміз,

Ажырамас іргеміз.

Іргелі жүріңдер,

Достық жырын біліңдер.

Туғып ұстап бірлікті,

Еңбекті сүйіңдер.

Қ-сы:

Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

-«Дос» және «достық» деген сөздерді қалай түсінуге болады?

-«Жақсы дос» деп кімді айта аламыз?

Ойын «Менің досым».

Балаларды шеңберге тұрғызып, кезек-кезек сұрақтар қою.

-Сенің досың кім?

-Сен досыңды жақсы көресің бе?

-Досыңа қалай көмектесесің?

-Досыңды қалай сыйлайсың?

-Досыңды сағынасың ба?

-Досың туралы қандай жылы сөз айтасың?

-Достар бір-біріне қалай көмектеседі?

Балалар сұрақтарға жауап береді.

Асылай: Монғол,дүнген, ұйғыр,

Армян, тәжік,грузин.

Орыс пенен украин

Терезесі тең жатыр.

Дәйексөз бен жұмыс. «Дос-бәрінен де қымбат» деген мақалдың мағынасын ашу.

-Балалар, достық туралы мақал-мәтелдер айтайық.

Досыңды бір алдасаң, өзіңді мың алдағаның.

Жаман достан,қисық таяқ артық.

Дұшпан күлдіріп айтады,дос жылатып айтады.

Сергіту сәті:

Достар бірге жүреміз,

Бірге ойнаймыз, күлеміз.

Бірге балық аулаймыз,

Міне,біздер қандаймыз!

Бөлінбейді іргеміз,

Әрқашанда біргеміз!

Дәптермен жұмыс

Балалар досына сыйлайтын сыйлығының суретін салады және сол туралы әңгімелеп береді.

Д/О «Жақсы-жаман».

Қорытынды:

-Біздің бүгінгі сабағымыз сендерге ұнады ма?

-Олай болса бүгінгі сабақтың қорытындысы болсын.

Бәріміздің кеудемізде бір үміт,

Біз сол үшін айқасамыз бірігіп.

Жүрегіміз бір соғады қашанда,

Жүрсекте біз неше түрлі киініп.

«Нан-ел байлығы»

Білім саласы: Әлеуметтік орта,Коммуникация

Тақырыбы: Тамаша сахна көрінісі

Сабақтың мақсаты: Ас атасы нанның дастарханға қандай еңбекпен келетіні туралы түсінік беріп, білімдерін жетілдіру.Балаларды еңбексүйгіштікке, барға қанағат етуге, адамгершілікке тәрбиелеу.

Көрнекіліктер: Егістіктің суреті,түлкі, бауырсақ,диірменнің суреті.

Әдіс-тәсілдер: Сұрақ-жауап,көрсету,тыңдау,сахналау.

Сабақтың барысы: Шаттық шеңбері:

Амансың ба, Алтын күн!

Амансың ба, Жер-ана!

Амансың ба, достарым!

Көргеніме қуанам!

Топқа бауырсақ түлкіден қашып, кіріп келеді.

Тәрбиеші: -Мынау бауырсақ қой?

Түлкі: -Сәлеметсіңдер ме балалар!Бауырсақты көрген жоқсыңдар ма?

Бауырсақ:-Түлкішек,мені жемеші!Балалар сендер түлкіге менің қандай еңбекпен келгенімді түсіндіріп беріңдерші!

Тәрбиеші: -Әрине,Бауырсаққа көмектесейік

Түлкі: -Жарайды, балалар,сендер мені көрдіңдер.

(Әр мезгілді балалар көрнекіліктермен сахналап көрсетеді)

Тәрбиеші: Бауырсақжан, біз саған көмектесейік! Түлкішек,сен ашуыңды басып,Бауырсақтың қандай еңбекпен келгенін мына бір көріністен тамашалап,танысатын боласың.

Бауырсақ: Ой,балалар, мені құтқардыңдар. Рахмет!

-Ал, балалар, мен сендерге жұмбақ жасырайын

Қар еріп,су көбейіп

Сай-салаға ағады.

Бүршік шашып,Жапырақ ашып

Гүл бәйшешек ашады. (көктемде)

Бала: Көктемде егін егетін,

Күзде жинап беретін.

Біздің дала,бай дала

Алтын астық айнала.

-Айтыңдаршы,балалар, бұл қай кезде болады?

Жауаптары: Көктемде бидай салып,егін егіледі.

Түлкі: (Тұқым сеуіп жатқан диқаншыға келіп сұрайды). Сен кімсің?

Не істеп жүрсің?

Диқаншы: Мен жер жыртып,егін егуге дайындалып жатырмын.

Тәрбиеші: Түлкіжан,балалар шаршаған болар,бойларын жазып,бір сергіп алсақ қалай?

Сергіту сәті

Көлбең,көлбең,көлеңкем

Көлбеңдеген көлеңкем.

Тасып піскен бидайды

Айтшы қалай жинайды?

Түлкі: Енді қайда барамыз?

Бала: Жатыр дала жалтылдап,

Жаз шуағын мол құйды.

Күн астында алтын дән

Тербеледі,толқиды

Тәрбиеші: Енді жаз мезгіліне барамыз.

Түлкі: Қандай жұмыс жасап жүрсің? Не үшін су құйып жатырсың?

Жаз: Жазда күн ыстығынан бидай құрғап қалмауы үшін, бидайға су құйып жатырмын.

Тәрбиеші: Түлкіжан, Бауырсақтың қандай еңбекпен келіп жатқанын түсінуге жақын қалған шығарсың?

Түлкі: Еңбектің не екенін енді түсініп келе жатырмын.

Қазір біз күз мезгіліне барып,егіннің қалай жиналатынын көреміз.

Жұмбақтар:

Ұзын мұртты сарылар

Қойнында наны бар

Бұл не? (Бидай)

Сабан той бастап,

Салды бір әнді

Сабанды тастап

Сапырды дәнді (Комбайын)

Түлкі: -Ал,сен не істеп жатырсың?Мынау қандай үлкен нәрсе? Ол не үшін керек?

Бала: Бұл комбайын.

Комбайынмен бидайды орып,оны машинаға тиейді.

-Машинамен қайда апарады? (Машинаның суреті көрсетіледі)

-Наубайханаға апарады.

(Наубайханадан ұн алып келеді,ұн дүкенге апарылады)

Дүкенші:

-Балақай неге келдің?

Бала:-Мен дүкеннен ұн сатып алуға келдім.Нан иленіп, қамыр ашытылады.

Тәрбиеші: Түлкіжан, Біз Аружанмен бірге дүкенге келдік.Келіп тұрғанымыз дүкен.Дүкенде барлық тағамдар,ұн,нан сатылады. Қазанға май құйылып,Бауырсақ пісіріледі.

Түлкі:

-Ой, керемет екен?Мұнда нанның түрлері көп екен.

Бала Бауырсақты түлкіге әкеледі.

-Балалар,Бауырсақтың иісі керемет екен,жегім келіп бара жатыр.Бауырсақтың қандай еңбекпен келетінін түсіндім.

Бала:

Дастарханның басында,

Әдептен біз озбаймыз.

Үлкендердің қасында

Қолды бұрын созбаймыз.

Қорытынды

Түлкі балалармен қоштасады.

Тәрбиеші:

-Балалар,қандай тыйым сөздерді білесіңдер?

Тыйым сөздер:

Нанды жерге тастама.

Нанды бір қолмен үзбе.

-Қандай мақал-мәтелдерді білесіңдер?

Мақал-мәтел:

Еңбектің наны тәтті,

Жалқаудың жаны тәтті.

-Ал,балалар, қандай тақпақтар білесіңдер?

Нан қоқымын шашпаңдар,

Жерде жатса баспаңдар,

Теріп алып қастерлеп

Торғайларға тастаңдар.

-Балалар,көрінісімізден Түлкі Бауырсақтың қалай келгенін түсінді ме,қалай ойлайсыңдар?