Конспект Жаратылыстану Тақырыбы: "Қыс келді"

Ортаңғы «Шаңырақ»тобындағы

ұйымдастырылған оқу қызметінің конспектісі

Күні:4.12.2019ж

Тәрбиеші:Фаткуллина К.С.

Білім беру саласы: «Таным»

Пән: Жаратылыстану

Өтпелі тақырып: «Алақай қыс келді»

Тақырыбы: «Қыс келді»

Мақсаты:

Тәрбиелік:Қыста табиғатта болатын құбылыстар жайлы түсінігн кеңейту.

Дамытушылық: Байқампаздық қабілетін, жыл мезгілдері мен ауа райының арасындағы қарапайым себеп-салдар байланысын анықтау қабілетін дамыту;

Оқыту:Қыс мезгіліндегі өзгерістерді ажырату

Ресурстармен қамтамасыз ету/Ресурсное обеспечение: қыс мезгілінің суреттері.
Педагогикалық технологиялар/ пед. технологии: ойын

Билингвалдық компонент/Билингвальный компонент: қыс –зима,суретші-художница

Ұйымдастырылған оқу қызметінің барысы

1.Ұйымдастырушылық кезеңі:

Шаттық шеңбері

Шеңберге мен шақырамын,

Мейіріммен бас қосуға.

«Өзін-өзі тану» пәні

Көмектесер достасуға.

Жұмбақ

Шанамен зырғып желетін

Шаңғы, коньки тебетін

Аққала жасап ойнайтын

Қай мезгіл деп ойлайсың? (қыс мезгілі)

2.Негізгі бөлім:

(суреттер көрсету)

Қыста күн суық, ызғарлы, аязды болады.

Қар жауады.

Қардан аққала жасаймыз.

Аязды күндері біздің терезелерімізге аяз

сурет салады.

Оны қырау дейді.

Қыс мезгілі суық болса да, өте көңілді.

Тыңдайды.

Сергіту сәті:

Тоңса біздің қолымыз,

Қолғап киіп аламыз

Шапалақ біз соғамыз

Сарт-сарт-сарт

Тоңса біздің аяғымыз,

Етік киіп аламыз.

Топылдатып басамыз

Топ-топ-топ,

Тоңса біздің денеміз,

Тонды киіп аламыз.

Шанамен зулаймыз

Зу-зу-зу,

Қимылмен көрсетеді

Балалар бүгін біз К.Нүсіпбеков ағамыздың «Суретші қыс» деген өлеңімен танысамыз.

Қонақтайды бақтарға

Ақ көбелек, ақ мамық.

Аунап таза ақ қарға

Балалар жүр мақтанып.

Тазарып бар кір, шаңнан,

Қыс өнерін бастады

Терезеге қыраудан

Сурет салып тастады.

(Өлеңді мәнерлеп оқып, мазмұнын ашу.)

Ойын: «Шырша, қоян, бүр»

Мақсаты: белгі бойынша қимылдар жасап, көңілдерін көтеру.

Шырша-қолдарын созады

Қоян-секіреді

Бүр-отырады

Тыңдайды.

Қимылмен көрсетеді:

Өлеңді тыңдайды

3.Қорытынды:
қыста күн қандай болады?

қардан балалар не жасайды?

терезеге суретті не салады?

Балалар жауап береді