Қысқа мерзімді жоспар 7-сынып

Пәні: қазақ тілі

Сабақ тақырыбы: «Абай оқуларына қатысамыз»

Күні:

Мұғалімнің аты-жөні:

Сынып:

Қатысқаны

Қатыспағандар

7

Осы сабақ арқылы жүзеге асатын оқу мақсаттары

А6. Тірек сөздерге сүйеніп, сюжетті суреттердің желісі бойынша әңгіме құрастыру.

О3. Орта көлемді шығармаларды түсіну, тақырыбы мен негізгі ойды анықтау.

О5. Қосымша ақпарат көздерінен тақырыпқа байланысты мәліметтерді мәтін мазмұнымен салыстыру, қарама-қайшы ақпараттарды анықтау.

Ж4. Мәліметтерді жинақтай отырып, тақырып бойынша постер, сызба-кестелер жасау.

Сабақ мақсаттары

Барлық оқушылар орындай алады:

Барлық оқушылар Абайдың кім екендігін біледі.

Оқушылардың басым бөлігі:

Шығармашылығымен толық болмаса да таныс. Оның ақын, философ, композитор сияқты қасиеттерін біледі.

Кейбір оқушылар орындай алады:

Ақынның бір өлеңін болса да жатқа оқиды. Отбасы жайлы айтып бере алады. Біразы өз ойын айта алады.

Тілдік мақсат

Оқушылар орындай алады:

Сөздік жұмыстарды өз бетінше жүргізе алады. Мәтінді оқып, жалпы мағынасын түсінеді, айтып беруге тырысады. Абайға байланысты 4-5 сөйлемнен тұратын мәтін айтып бере алады.

Негізгі сөздер мен терминдер:

Сазгер, ақын, философ, жыл мезгілдері

Талқылауға арналған тармақтар:

-Абай Құнанбаев кім? (ақын, сазгер, аудармашы, философ )

-Қай өңірде туып-өскен? (ШҚО, Шыңғыс тауларының етегінде туған)

-Қандай шығармаларын білесің? / «Қыс», «Жаз», «Күз», «Жазғытұры»

Не себепті …. деп ойлайсыз?

-Не себепті Абайды ақын дейді?

-Неліктен ол табиғат лирикасы тақырыбына көп жазған?

-Неліктен Ибраһимді әжесі Абай деп атап кеткен?

Ишара: Оқушылар жыл мезгілдерін, табиғат құбылыстарын ыммен көрсетеді.

Сабақтың кезеңдері

Жоспарланған жаттығу түрлері

Ресурстар

Сабақтың басы

I. Ұйымдастыру кезеңі.

А) Оқушылармен амандасу, психологиялық ахуал тудыру.

Ә) Сабаққа зейіндерін аудару:

-Балалар, бүгін нешесі? Аптаның қай күні?

-Көңіл-күйлерің қандай? Өте жақсы, олай болса сабаққа кіріспес бұрын мынадай «Шаттық шеңберін» жасап жіберейік.

Сәлем саған көк аспан!

Сәлем саған туған жер!

Сәлем саған Жер-Ана!

Сәлем саған достарым! (деп іс-қимылдарды ишарамен көрсете отырып жаттығуды орындау, соңында қасында тұрған сыныптастарымен құшақтасу, позитивті қуат алу)

-Жарайсыңдар, балалар! Осындай көтеріңкі көңілмен сабағымызды бастасақ.

II. Үй жұмысын тексеру кезеңі. Өткен тақырып бойынша, ережені оқу, сан есімнің түрлерін ажырату.

Сабақтың ортасы

-Балалар, бүгінгі біздің сабағымыз қазақ халқының ұлы ақыны Абай Құнанбаевқа арналмақ.

-Сендер ол туралы 5-сыныптан бастап хабардар болғансыңдар. Естеріңде не қалды? Кәне, еске түсірейікші. (оқушының жауабын күтеміз)

-Жақсы, енді сендердің жауаптарыңды қорытындылау мақсатында тақтаға назар аударыңдар.слайд

-Балалар,сонымен Абай кім?

-Бәрекелді! Бұл кестедегі сөздердің ішінен қандай сөзді бірінші рет естіп тұрсыңдар?

-Иә, дұрыс айтасыңдар. Ғалым-ағартушы деген жаңа сөз.Сөздік дәптерлеріңе түртіп алыңдар.

-Бұл сөзді қалай түсінесіңдер? Ғалым-ағартушы деген кім? /оқушылардан жауап күтіп, оларды толықтыру/

-Ал енді ақынның шығармашылығына тоқталайық. Абайдың өлеңдері көбінесе табиғат лирикасына негізделген. Мысалы оның қандай өлеңдерімен таныссыңдар?

-Жарайды. Олай болса тақтаға қарайық.

2-ші слайд

-Бұл сызбаға қарап не айта аласыңдар? Дұрыс, яғни Абайдың табиғат лирикасына арналған, төрт мезгілді бірақ қамтитын 4 өлеңі бар екен. Кәне, мәнерлеп оқиық. /Әр қатардан 2 оқушы өлеңдерді оқиды, қалғандары бақылап отырады./

-Балалар, Абай жыл мезгілдеріне қандай сипаттама берген екен? Әр жыл мезгілін неге теңейді? /адамға ұқсатып суреттеген. Мысалы: қысты ақ сақалды қарияға тб/

-Мына суреттерге қарап әрбір жыл мезгіліне өз сөздеріңмен сипаттама беріңдерші. Ол үшін «Күз», «Жаз», «Қыс», «Көктем» деген 4 топқа бөлінеміз, әр топ өзіне бөлінген жыл мезгіліне мінездеме береді. /тапсырмаға 5 минут беріледі/.

-Жақсы, енді кезекпен сипаттап беріңдер. /төрт топтың жауабы/.

Енді алған білімді жинақтау үшін «Венн картасы» пайдаланамыз.

Шарты: 3 өлеңін ғана алып салыстыру, ерекшеліктерн ажырату, ортақ ұқсастығын табу.

(Венн картасы бойынша мұғалім оқушылардың жауабын тыңдайды, қорытып түйін шығарады)

-Тамаша, балалар, ал енді біраз бой жазып, демалып алайық.

СЕРГІТУ ЖАТТЫҒУЫ «Тақия тастамақ» ойыны іспеттес.

Шарты: оқушылар сыныпта шеңбер құрып тұрады. Шеңбер ішіндегі жүргізуші шеңберді айнала жүріп 1 оқушыға тақияны кигізеді. Тақия киген бала өтіліп жатқан тақырыпқа қатысты бір сөз немесе сөз тіркесін айтады (Мысалы: күзге қатысты сары жапырақ, жауын, алғашқы қоңырау, қысқа қатысты қар, аққала, суық, аяз тб.) 3-4 мин.

-Балалар, біраз серігіп алдық, олай болса сабағымызды жалғастырайық. Қазір әр топқа сөздер таратылады сол сөздерді «Синквейн» стратегиясын қолданып орындайсыңдар.

«Көктем» тобына: бәйшешек, күн, Наурыз сөздері

«Жаз» тобына: демалыс, саяхат, лагерь сөздері

Ақынның портреті, постерлер, кластерлер

Презентация

Топтардың аты жазылған көрнекі құралдар

тақия

Қосымша ақпарат балаларға арналған журналдар, энциклопедия

Саралау – оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түсіндіресіз?

Бағалау

Дискрипторлар: 1.1. Тақырыпқа қатысты сөздерді атай алады.

«5» ұпай-5-6 сөзге

«4» ұпай-4-5 сөз

«3» ұпай- 2-3 сөз

1.2. Жыл мезгілдерінің ерекшелігін айтып бере алады.

«3» ұпай-жүйелі, нақты жауапқа

«2» ұпай-толық емес жауапқа

Пәнаралық байланыс

АКТ –мен байланыс

Құндылықтармен байланыс

1.Топтық жұмыс

1. Мәтінді оқиды, түсінеді

2. Мәтінге сұрақ құрастыра алады

3. Топта бірлесе жұмыс жасай алады

4. Өз ойын жеткізуге тырысады

Орыс тілі, қазақ әдебиеті, дүниетану

Рефлексия

Қалташа

Мақсаты мен міндеттері орындалды ма?

Оқушылар не үйренді?Оқу ортасы қандай болды? Сабақ қалай, қандай деңгейде өтті? Уақытты қалай пайдаландың? Жоспарыма қандай өзгеріс енгіздім: неге?

Алдыма қойған мақсаттарға жеттім.

Мәтінмен жұмыс жасауды, жаңарта оқуды меңгерді, бірлесе жұмыс жасауды.

Қызықты, жоғары деңгейде өтті.

Тапсырмалар мақсаттарға сай болды.

Уақытты тиімді пайдаландым.

Басқа да қызықты технологиялар