"Көңілді шеңбер" тренинг

«Көңілді шеңбер»

                                            Педагог- психолог:Каирбаева А.К.

Мақсаты: Балалардың мазасыздықтарын басып, көңіл- күйлерін көтеру.

Сабақтың барысы:

1. «Амандасу» жаттығуы.

Балалар шеңберге тұрып екі жағында тұрған баламен бірінші оң жақтағы, содан кейін сол жақтағы баланы кезек- кезек құшақтап амандасады.

1.  «Көңіл- күй неге ұқсас» тренингі.

Ойыншылар олардың бүгінгі көңіл- күйлері неге (қай жыл мезгіліне, ауа райына, табиғаттың құбылысына) ұқсас екенін айтып береді. Ойынды үлкендер бастаса жақсы болар еді: «Менің қазіргі көңіл- күйім көгілдір аспандағы жылы, жұмсақ күннің көзіне ұқсайды, ал сенің ше?». Жаттығу шеңбер бойымен жалғаса береді. Ойынның соңында жауаптар қорытындыланады, бүгінгі щеңберіміздегі қатысушылардың көңіл- күйі қандай екен: қайғылы, көңілді, күлкілі, ызаланған т.б. Жауаптардың қорытындысын шығарған кезде, жаман ауа райы, суық, жаңбыр, түнерген аспан сияқты элементтер агрессивті, қобалжу күйлердің көрсеткіштеріне назар аударыңыз.

1.  «Ормандағы ағаштар» тренингі.

Сендер ағашқа айналуға дайынсыңдар ма?

Бір- біріңнің артына тұрыңдар. Орманда күн шығып барлық ағаштар оған жапырақтарын жайып қарап тұрды. Күнге әрбір жапырағы жылыну үшін жоғары- жоғары созылды. Саусақ – жапырақтар күннің астында билеп тұрды. Кенеттен қатты жел тұрып, талдарды жан- жаққа шайқай бастады. Бірақ талдың тамырлары тереңге кеткен, олар жәй ғана тербеледі. Желдің артынан жаңбыр жауып, талдар алғашқы жауын тамшыларын сезінеді.

Алдыңғы тұрған баланың арқасын саусақтарыңмен жауын тамшыларындай тырсылдат. Кәдімгі майда жаңбыр жауып тұрғандай қимыл жеңіл болу қажет.

Жауын одан әрі күшейіп қатты жауа бастады. Талдар бір- біріне жанашырлық білдіріп жаңбырдың қатты соққысынан қорғап, сипалай бастады. Көп ұзамай көкжиектен күн көрініп, талдар қуанды, олар өздеріндегі артық жауын тамшыларын сілкіп тастады. Өздерін сенімді, сергек, тап- таза сезініп қалады.

1. «Көңілді сөз» тренингі.

Балалар шеңбер бойымен отырып, бір- бірлеріне кезек- кезек «Сен бүгін әдемісін», «Сенің көңіл-күйін қандай керемет» деген сияқты сөздер айтады.

Рефлексия: Көңіл- күйлерін қандай, көтерілді ме? Не сезіндіңдер?