Конспект урока на тему "Менің пәтерім"

САБАҚ ЖОСПАРЫ

САБАҚТЫҢ ТАҚЫРЫБЫ: МЕНІҢ ПӘТЕРІМ, БӨЛМЕМ (Қарапайым (А1) деңгейі)

САБАҚТЫҢ МАҚСАТЫ:

• Тақырыпқа байланысты жаңа сөздерді қолдана отырып, ойларын жеткізуге үйрету, сөздік қорларын молайту .

• Тыңдаушылардың қажетті лексиканы қолдана отырып, сөйлемдерді дұрыс құрастыру.

• Тыңдаушылардың қазақ тіліне деген қызығушылықтарын тәрбиелеу.

САБАҚ ТҮРІ: Жаңа сабақ

САБАҚТЫҢ ӘДІСІ: ой тастау, түсіндіру, сұрақ-жауап, тірек сөздермен жұмыс, «Бөлме салайық» ойыны, авторлық орындық, интерактивті тақтамен жұмыс, жұптық, топтық жұмыс.

САБАҚТЫҢ КӨРНЕКІЛІГІ: слайд, аудио-бейне материалдар, үлестірмелі карточкалар, суреттер, техникалық құралдар.

САБАҚТА ҚОЛДАНЫЛАТЫН ТЕХНОЛОГИЯЛАР:

• Оқытудың ақпараттық технологиясы

• Сын тұрғысынан ойлау технологиясы

• Ойын технологиясының элементтері

Грамматикалық тақырып: Тәуелдік жалғау, жатыс септік, сан есім.

Лексикалық минимум: Үй, пәтер , бір бөлмелі, қабат, бес қабатты,

төргі бөлме, балалар бөлмесі, жатын бөлме, ас үй, дәліз, жуынатын бөлме, теледидар, кереует, жиһаз, үстел, сағат, сурет, перде, аспалы шам,

кілем, еден, төбе, қабырға, сол жақта, оң жақ, ортасында, ілулі тұр, орналасқан, жатыр, үлкен, кішкентай, жарық, жаңа, әдемі, кең, қолайлы.

Күтілетін нәтиже:

• Заттың, жиһаздардың санын, түрін айта алады;

• Жиһаз, тұрмыстық құралдарды сұрай алады және оларды сатып ала алады;

• Үйі, пәтері, бөлмесі туралы мәтін құрап, монолог ретінде әңгімелеп бере алалды;

• Грамматикалық құралымды пайдалана алады.

САБАҚ БАРЫСЫ

І. Ұйымдастыру кезеңі

- Сәлемдесу

- Тіл дамыту жұмысын жүргізу:

1. Сабақта жағымды психологиялық ортаны қалыптастыру.

Сұрақтарға жауап беріңіздер:

1. Сіздің атыңыз кім?
2. Сіздің аты-жөніңіз кім?
3. Сіздің қалыңыз қалай?
4. Сіздің ұлтыңыз кім?
5. Сіздің отбасыңызда неше адам бар?
6. Сіздің тегіңіз кім?
7. Сіздің мекенжайыңыз қандай?
8. Сіздің туған күніңіз қашан?
9. Сіз қай жылы тудыңыз?
10. Сіз қайда тұрасыз?
11. Сіз неше жастасыз?
12. Сіздің отбасыңызда кімдер бар?

1. Қызығушылықтарын ояту кезеңі.

Мақсаты: Тыңдаушылардың сабаққа деген қызығушылықтарын, белсенділіктерін арттыру.

• Сабақтың тақырыбын анықтау үшін бейнефильм тамашалау.

ІІ. Мағынаны ажырату кезеңі

Сабақтың тақырыбы: МЕНІҢ ПӘТЕРІМ, БӨЛМЕМ .

1. ТЫҢДАЛЫМ. Лексикалық минимум.

Мақсаты: Жаңа лексикалық минимумды анықтау, сөздік қорларын молайту.

Мақсаты : жаңа сөздердің оқып, мағынасымен таныстыру, сөздік қорларын байыту .

Жаңа сөздермен жұмыс:

• хормен айту

• тізбектеп оқу

• аудармасын табу

• жеке айту

• сөз тіркес құрастыру

Сөздерді қайталау:

Бөлме қандай?
үлкен - большой
кішкентай – маленький
жарық -светлый
жаңа – новый
әдемі – красивый
кең – просторный
қолайлы - удобный

2. ГРАММАТИКАЛЫҚ БӨЛІМ

Мақсаты: тәуелдік жалғаудың айтылуын, жазылуын қайталау

Тәуелдік жалғауды қайталау

1 жақ Менің үй – ім

2 жақ Сенің үй – ің

2 жақ Сіздің үй – іңіз

2 жақ Оның үй – і

Грамматикалық минимумды пысықтау

1. ЖАЗЫЛЫМ БӨЛІГІ

Мақсаты: тыңдаушылардың тақырыпқа байланысты сөздер мен сөз тіркестерін еркін қолдана отырып, берілген сөйлемдер бойынша ойларын еркін жеткізуге дағдыларындыру.

Сөйлемдерді аударыңыздар:

• Моя светлая комната

• Ваша удобная кровать

• Твоя новая мебель

• Ее просторная квартира

• Его большой телевизор

• Мой красивый ковер

1. ОҚЫЛЫМ БӨЛІГІ.

Мәтінмен жұмыс.
Мақсаты: мәтінді тыңдай отырып түсіне білу дағдыларын қалыптастыру.

Тапсырма: мәтінді 1-2 тыңдаушыға оқыту.
Мәтінді аударыңыздар:

Менің пәтерім, бөлмем.
Мен Қостанай қаласында тұрамын. Менің үйім бес қабатты. Үш бөлмелі пәтерім үшінші қабатта орналасқан. Пәтерімде төргі бөлме, балалар бөлмесі, жатын бөлме және ас үй бар. Пәтерім жаңа, кең, қолайлы. Төргі бөлмеде үлкен теледидар тұр. Еденде әдемі кілем жатыр. Терезеде ақ перде, төбеде аспалы шам ілулі тұр. Менің пәтерім маған ұнайды

Мәтін бойынша тапсырмалар:

Мақсаты – мәтін мазмұнын қаншалықты түсінгендерін тексеру мақсатында диалог құрастырту.

А) Мәтін бойынша сөздерді сәйкестіру

Ә) Мәтін бойынша сұрақ-жауап алу.

- Сіздің пәтеріңіз неше бөлмелі?
- Сіздің пәтеріңіз нешінші қабатта орналасқан?
- Пәтеріңізде қандай бөлмелер бар?
- Пәтеріңіз қандай?
- Төргі бөлмеде не тұр?
- Еденде не жатыр?
- Терезеде не бар?
- Төбеде не ілулі тұр?
- Сізге пәтеріңіз ұнайды ма?

Грамматикалық минимум.

Мақсаты: жатыс септіктегі жалғауларының жасалу жолына түсінік беру

ІІІ. Ой толғаныс кезеңі. Авторлық орындық.

«Менің пәтерім, бөлмем» тақырыбында эссе жазу

ІV. Қорытынды. Бағалау.
Мақсаты: сабаққа белсенді қатысқан тыңдаушыларды бағалау, мадақтау.

К.Мухамадиева,

«Лисаков қаласы әкімдігі мәдениет

және тілдерді дамыту бөлімінің

тілдерді оқыту орталығы» КММ