Коста - детям (Исследовательская работа)

Сывæллæтты уацмыстæн йæ сюжет хъуамæ уа цымыдисон,        йе ?взаг æввахс хъуамæ уа сывæллæтты æвзагмæ.

Ирон сывæллæтты литературæйы фæзынд сæйраджыдæр баст у Хетæгкаты Къостайы номимæ. Къоста  у Иры дзыллæйы сæрбос, ивгъуыд æнусы зарæггæнæг, нацийы бартыл дзурæг, нæ адæмы абоны хорздзинæдтыл тохгæнæг.

Къоста уыдис ирон адæмы хур, куырыхон лæг, национ æмæ интернационалон культурæ аразæг. Кæуылты у йæ ном Къостайæн. Уый уыдис ирон литературæйы аразæг, уымæн бындурæвæрæг, ирон литературон æвзаг аразæг, фыццаг ирон нывгæнæг, публицист æмæ æхсæнадон кусæг, революцион демократ.

Хетæгкаты Къоста йæ дуджы раззагдæр фæрстытыл дзырдта, дзырдта паддзахы хæдхæцæгады ныхмæ, мæгуыр хæххон адæмы бартыл, Иры рæсугъд æмæ сафинаг æгъдæуттыл, цагъарадон дуджы æгъатыр скондыл. Цыбыр дзырдæй, цы нæ фарст ын агайдта йæ зæрдæ æмæ цæуыл нæ фыста йæ рæстæджы. Уымæй рох никуы уыдысты сабитæ, царды дидинджытæ, Къоста Ирыстоны ныфсытæ кæй хуыдта, уыдон. «Къоста йæ царды бонты сывæллæттæн арæзта чиныг, цы ныффыста уыцы сфæлдыстады Къоста уыдта æнæмæлгæ идейæтæ, рæстдзинад æмæ рухсдзинад чи хæссы, ахæм тых».