Қыс келді. сабақ жоспары

Сабақ № 9 Тақырыбы: Қыс келді.

Мақсаты:.Қыс мезгілі туралы әңгімелеу барысында балалардың тілдерін дамыту. Сөздік қорын, ой-қиялын дамыту. Жинақы дұрыс сөйлеуге, сұраққа нақты, толық жауап беруге дағдыландыру.Жылдың әр мезгілі өзінің әсемдігі, қажеттілігі бар екенін таныту. 
Қажетті құралдар: Суреттер, слайд,өлеңдер,жұмбақтар,плакаттар, маркерлер, музыка вальс .

Барысы:

1.Психологиялық жағдай жасау. Шеңберге тұрындар.

«Қыс» өлеңі.
Жүріңдер балалар,
Сырғанақ тебейік.
Желменен жарысып,
Сырғанақ тебеміз.
Құрыспай, құрыштай,
Шынықсын денеміз.

2. Біз не туралы өлең оқыдық? Қай жыл мезгілі? ( Қыс)

Оны қайдан білдіндер? Оқушылардың жауаптары тыңдалады.

Қ ыс дегенде ойларына не келеді? Ассоциацияландыру.

( боран, аяз,жаңа жыл, қар, аққала, мұз, шана, т.с)

3. Сурет бойынша жұмыс:Мына суретке қарандар. Балалар не істеп жүр. Олардың көңіл күйлері қандай? Өздерін әңгіме құрастырып көріндер.Тақы-рып қойындар.

Мысалы:

«Қыстың шуақты күні. Жапалақтап қар жауып тұр. Айнала аппақ. Ағаштарды қырау басқан. Үйлердің төбесінде де қар. Жерде омбы қар. Адамдар жолды қардан тазартады. Ал балалар көңілді. Үйткені олар қардан аққала жасады. Шана, шаңғы тепті. Мұзда сырғанап ойнады.
4. Бұл жұмыстан кейін балаларға қыстың жақсы жағы және жаман жағын айтқызса артық болмайды.

Проблемалық сұрақ:Қалай ойлайсындар қыс жақсы ма? жаман ба? Балаларға қағаз парақшалар үлестіріледі.

Жазып болған соң,балалар өз жазғандарын оқиды, пікірлеседі, талдайды.

5.«Жұмбақ әлемі» балалар бір-біріне дайындап келген жұмбақтарды жасырады.

- Ол көңілді сайқымазақ емес
Үш қабатты бірақ үй емес
Қайырымды бірақ дәрігер емес (аққала)

- Қанаты жоқ ,ұшады,

Аяғы жоқ, жетеді.

Ауызы жоқ, ұлиды. (боран)

-Қыста ғана болады,

Ұстасан қолын тоңады. (қар)

-Ақ көбелек қонды,

Құстар енді тонды. (қар)

-Зулап түсіп төменге

Шықпас менсіз төбеге. (шана)

-Қыстай жегіп көк атты

Көктем шыға босаттым. (шаңғы) т.с.

6.Рефлексия:

1. «Қыс» туралы бес жол өлең құрастырындар

2. Қыс келді» шағын эссе жазындар.