1-9га чейинки сандар

1

Сынак бирден башталат,

Бул сан бир деп аталат.

Сан башында жол баштап,

Сандын баарын башкарат.

2

Эң эле кооз койкойгон,

Эки деген сан болом.

Эринчээкке,жалкоого,

Эки деген баа коём.

3

Үч деген сан боломун,

Үмүтторду кошомун.

Эл аралык мелдеште,

Ээси менмин колонун.

4

Төрт деген сан мен болом,

1,2,3төн чон болом.

Жакшы окуган балдарга

Жакшы деген баа коём

5

Бардык сандан беш жакшы,

Буга болот ким жакшы.

Отличник деп коёт,

Бешке окуган балдарды.

6

Айлакер кулку аңдыптыр,

Бөдөнө тиштеп алыптыр.

“Алты”деп айта коём деп,

Аңырайып калыптыр.

7

Мен жетимин жетимин,

Бир жумада жети күн.

Билип жүргүн дайыма,

Бири кыдыр жетинин.

8

Балпандаган сегизмин,

Бардык сандан семизмин.

Эки,төрткө бөлүнүп,

Кызмат кылам эл үчүн.

9

Тогуз деген сан болом,

Топ сандардан чоң болом.

Топтоголок башым бар,

Тогуз коргоол ойногом.