«Мамандықтың бәрі жақсы бәрі маңызды.»

Білім беру саласы: Әлеумет                                                                                                                                 Пән: Қоршаған орта                                                                                                                            Өтпелі тақырып: «Алуан – алуан  кәсіп бар, таңдай білде, талап қыл!»                                                                                                               Тақырыбы:  «Мамандықтың бәрі жақсы бәрі маңызды.»

Мақсаты :

Тәрбиелеу: Қызығушылықтарын арттыру,үлкендердің еңбегін бағалап, құрметтеуге тәрбиелеу.

Дамыту: Сурет бойынша әңгіме құрастыруға, жұмбақ шешуге,ойлау,сөйлеу қабілетін дамыту. 

Оқыту: Балалардың ойлау қабілетін дамыта отырып, болашақмамандыққа байланысты ұғымын тереңдету. Мамандық түрлерімен таныстыру.            Педагогикалық технологиялар: әңгімелесу, сұрақ-жауап, түсіндіру.                                                   Ресурстармен қамтамасыз ету: суреттер                                                                                         Билингвалдық компонент: мамандық-специальность, жүргізуші-водитель

Ұйымдастырылған оқу қызметінің барысы:

І. Ұйымдастыру кезеңі.                                                                                                                          Шаттық шеңбер - Қайырлы таң, көздерім! Қайырлы таң, құлақтарым! Қайырлы таң, қолдарым! - Қайырлы таң, аяқтарым! Сендер ояндыңдар ма? Ия біз ояндық! - Көздерім көріп тұр - Құлақтарым естіп тұр - Қолдарым қол соғып - Аяқтарым топылдатты. Біз ояндық! Жарайсыңдар балалар!

ІІ. Негізгі бөлім. 1) Суретпен жұмыс: Бүгінгі оқу іс - әрекетінде «Мен өскенде кім болам?» Мамандық түрлерімен танысамыз. Мамандықтарға дәрігер, мұғалім, шаштараз, аспазшы, тігінші жатады. - Дәрігер не істейді? - Дәрігер адамдарды емдейді. - Аспазшы не істейді? - Тамақ пісіреді - Тігінші не істейді? - Киім тігеді - Шаштараз не істейді? - Шаш қияды (Балаларға сұрақтар қойылып, жауаптары толықтырылады). Сондықтан бізге барлық мамандықтар қажет. Міне, біз қанша мамандық түрлерімен таныстық. 2) Сұрақ – жауап: - Нұрсұлтан сенің әкең қайда істейді? - Жүргізуші - Суреттен жүргізушіні көрсетеді. - Ал, Сабина анасы қайда істейді екен? - Тігінші - Тігінші не тігеді? - Көйлек Осындай әр түрлі мамандықты тану үшін алдымен әдепті, тәрбиелі оқыған үлкен азамат болып өсуіміз керек. Ол үшін бәріне еңбек қажет. 3) Балалар біз еңбек туралы қандай мақал – мәтел білеміз. (түсіндіру) Еңбек етсең ерінбей, тояды қарның тіленбей. Еңбек етпеген ішіп жемейді. 4) Балалар біз суретке қарап «Кім болам?» мамандығына суретке қарап әңгіме құрастырамыз. 5) Сергіту сәтін жасаймыз. 6) «Кім жоқ?» ойыны. Балаларға мамандықтар суреті көрсетіледі. Көздерін жұмуды ұсынып, бір суретті жасырады. Қандай мамандық жоқ екенін табады. (Балалардың ойыны) - Әр бала өз әке – шешесінің қайда жұмыс істейтінін айтып береді. - Қалай ойлайсыңдар, мамандықтардың бәрі қажет пе? Әр баланың жауабы тыңдалады.

ІІІ. Қорытынды.                                                                                                                                             

Бүгінгі ұйымдастырылған оқу қызметіне жақсы қатысқан балаларды мадақтаймыз.                                           «Болайықшы осындай» әнімен оқу іс - әрекетіміз аяқталды.