Математика 4класс

Նմանությունը հնարավորություն է տալիս տարբեր փաստերը միավորել մեկ ընդհանուր իմաստի ներքո: Անալոգիայով արված դատողությունները ճշմարտանման են, այդ պատճառով անալոգիան դասվում է ինդուկտիվ դատողությունների թվին: Գտնել այն նմանությունը, որը կլինի անալոգիայով արված դատողությունների հիմքը, այնքան էլ հեշտ չէ, եթե նույնիսկ համեմատվող օբյեկտների բնությունը նույնն է: Վերցնենք երկու երկրաչափական պատկերներ' եռանկյունը և քառանիստը: Անալոգիայով եզրակացություն անելու համար այս երկու երկրաչափական պատկերների մոտ նմանություն կարող է հանդիսանալ այն փաստը, որ երկուսն էլ ուռուցիկ պատկերներ են, եռանկյունը ստացվել է հարթության վրա մինիմալ թվով գծերով, իսկ քառանիստը' տարածության մեջ մինիմալ թվով հարթություններով: Ուսումնասիրելով եռանկյան հատկությունները մենք եզրակացնում ենք, որ եռանկյան որոշ հատկություններ կարելի է տարածել քառանիստի վրա: